Að hætti franskra

Lauksúpa 50 g smjör 800 g laukur 2 msk. hveiti 1 l soð 1 stilkur timjan eða ein teskeið ef það er þurrkað 2 lárviðarlauf pipar salt múskat á hnífsoddi 4 ristaðar brauðsneiðar, skornar í teninga 50 g rifinn ostur Laukurinn skorinn gróft og steiktur í smjörinu. Hveitinu stráð yfir. Soðinu bætt út í ásamt kryddinu og súpan látin sjóða í 10 mínútur. Sett í súpubolla með brauðteningunum, ostinum stráð yfir og bökuð í ofni í tíu mínútur. Franskt tómatsalat 6 meðalstórir tómatar 1/2 laukur 1/2 tsk. sykur ediksósa (sjá uppskrift) steinselja Tómatarnir eru skornir í sneiðar. Laukurinn saxaður fínt og dreift á milli tómatsneiðanna í skál. Ediksósan látin drjúpa yfir og saxaðri steinselju dreift yfir að lokum. Ediksósa 1 msk. rauðvíns- eða hvítvínsedik 3 msk. ólífuolía 1 fínsaxað hvítlauksrif nýmalaður pipar 1/2 msk. franskt sinnep Öllu blandað saman. Crêpes 250 g hveiti 1 tsk. lyftiduft 1/2 tsk. matarsódi 1/2 tsk. salt 6--7 dl mjólk 35 g smjörlíki 2 egg Þurrefnin sett í skál, eggin og helmingurinn af mjólkinni hrært út í. Restinni af mjólkinni bætt í og hrært. Smjörið brætt og hellt út í síðast. Bakað eins og venjulegar pönnukökur. Crêpes með kjúklingi og Hoi Sin sósu Kjúklingakjöt rifið niður. Pönnukakan smurð með Hoi Sin sósu. Kjúklingurinn settur ofan á og síðan niðurskorinn vorlaukur yfir. Pönnukakan brotin saman í fernt, hituð á pönnu og gúrkustrimlar bornir fram með.