Indverskur köngulóarmaður

Teiknimyndahetjan Spider-Man hefur verið löguð að indverskum markaði vegna útgáfu á teiknimyndasögum um Lóa þar í landi. Rétt nafn köngulóarmannsins verður ekki lengur Pétur Parker heldur Pavir Prabhakar. Hann mun klæðast nýtísku búningi, eða dhoti, sem eru indversk karlmannsklæði, og leysa ýmis vandamál í heimaborg sinni, Mumbai. Mun hann meðal annars etja kappi við Rakshasa, sem er goðsagnakennd vera í þar í landi. Fyrst um sinn verða gefnar út fjórar teiknimyndasögur um Lóa á svipuðum tíma og Spider Man 2 kemur út í Indlandi, en fyrri myndin naut gífurlegra vinsælda í landinu. Fyrirtækið Marvel Comics, sem gefur út myndasögurnar um köngulóarmanninn, og Gotham Entertainment Group, sem framleiðir Spider-Man myndirnar, eiga réttinn á dreifingu Lóa í Indlandi. "Þetta er eitt mest spennandi og sérstæðasta verkefni í sögu teiknimyndasagna," sagði Sharad Devarajan, forstjóri hjá Gotham. "Köngulóarmaðurinn í Indlandi verður fyrsta teiknimyndahetjan sem verður látin umbreytast á þennan hátt."