Skráning í Idol að hefjast

Skráning í áheyrnarpróf fyrir næstu Idol-stjörnuleit hefst 1. júlí á heimasíðu Stöðvar 2. Fyrsta áheyrnarprófið verður svo haldið 29. ágúst. Að þessu sinni verður sönghetjum á landsbyggðinni gert auðveldra fyrir því áheyrnarprufurnar fara fram um land allt. Fyrst í Reykjavík 28. ágúst, þá í Vestmannaeyjum 3. september, á Ísafirði 14. september, Akureyri 17. september og svo loks á Egilsstöðum 19. september. Um 1.400 manns skráðu sig í inntökuprófin í fyrra, og vonast umsjónarmenn eftir fleiri þátttakendum í ár. Dómararnir verða hinir sömu, og þurfa Bubbi, Þorvaldur Bjarni og Sigga Beinteins því að æfa sig í æðruleysinu til þess að vera undirbúin fyrir langar og strangar áheyrnarprufur. Fyrsti þátturinn í nýrri seríu fer í loftið 1. október með breyttu sniði frá því síðast. Stóra stundin rennur svo upp hinn 11. mars 2005, þegar þjóðin eignast nýja Idol-stjörnu. Sem fyrr fara herleigheitin fram í vetrargarðinum í Smáralind. Simmi og Jói verða áfram kynnar Idol-stjörnuleitar.