Greiddu ekki lausnargjald

Egyptar hafa neitað fréttum þess efnis að stjórn landsins hafi greitt hryðjuverkamönnum tugi milljóna í lausnargjald fyrir háttsettan erindreka Egypta í Írak, sem skæruliðar tóku í gíslingu fyrir tæpri viku. Egypskir erindrekar í Írak segja fréttirnar úr lausu lofti gripnar og það sé ekki og verði aldrei stefna Egypta að greiða hryðjuverkamönnum háar fjárhæðir fyrir gísla. Skæruliðar í Írak halda enn ellefu erlendum mönnum í gíslingu og hóta að lífláta þá hætti ríkin, sem þeir koma frá, ekki afskiptum af málum í Írak.