Erlent

Hundruð manna enn í rústum húsa

Nokkrum hundruðum manna hefur verið bjargað á lífi úr rústum húsa í Christchurch á Nýja-Sjálandi en um 300 manns var enn saknað í gær, daginn eftir að 6,3 stiga jarðskjálfti reið þar yfir. Að minnsta kosti 75 manns eru látnir.

Erlent

Enn kvarnast úr liði Gaddafís

Austan til í Líbíu fagnar fólk sigri yfir Muammar Gaddafí, en í vesturhlutanum er ástandið lævi blandið. Stjórnarherinn er sagður skjóta handahófskennt á hvern sem lætur sjá sig úti á götum höfuðborgarinnar Trípólí.

Erlent

Dularfullur dauði höfrungakálfa rannsakaður

Þá þriðja tug höfrungakálfa syntu upp í fjörurnar í Missippi og Alabama í Bandaríkjunum á dögunum og drápust. Það eru tífalt fleiri kálfar en ganga almennt á land og drepast á þessum slóðum.

Erlent

Telur sig hafa fundið verk eftir Michelangelo

Bandaríski rithöfundurinn Roy Doliner telur sig hafa fundið listaverk eftir endurreisnarmálarann Michelangelo. Verkið sem er lítil höggmynd fannst við ítalska forngripabúð í gömlum og skítugum pappakassa. Doliner segist hafa orðið orðlaus af hrifningu þegar hann sá styttuna og strax verið fullviss um að þetta væri listaverk eftir meistarann, en hann hefur nú skrifað bók um þennan merka fund sem von er á næstu misserum.

Erlent

Málaliðar fara um og skjóta íbúa í Trípolí

Ofbeldið í Trípolí, höfuðborg Líbíu, fer harðnandi samkvæmt fréttum breska blaðsins The Guardian, en þeir greina frá því að öryggisveitir Muammar Gaddafis, einræðisherra Líbíu, og málaliðar, ferðist um borgina á jeppum og skjóti fólk sem er úti við.

Erlent

Lést eftir að hafa spilað tölvuleiki í þrjá sólarhringa

Kínverskur maður á þrítugsaldri lést eftir að hafa spilað tölvuleiki samfleytt í þrjá sólarhringa. Maðurinn hafði ekkert sofið, borðað né staðið upp úr stólnum sínum þegar leið yfir hann á mánudagskvöld á internet kaffihúsi í nágrenni við Peking, höfuðborg Kína.

Erlent

Þrumufótur sparkar fast - ný risaeðlutegund finnst

Vísindamen hafa uppgötvað nýja tegund af risaeðlu sem þeir nefna Þrumufót vegna þess hversu kröftuga lærvöðva þeir telja að hún hafi haft. Steingervingur af risaeðlunni sem fannst í námu í Utah var brotakenndur en þó nógu heillegur til að rannsakendur gætu séð að skepnan bjó yfir óvenju öflugum fótabúnaði.

Erlent

Verkamenn biðja Steve Jobs um hjálp

Kínverskir verkamenn sem veikst hafa við framleiðslu snertiskjáa fyrir ýmis raftæki frá Apple, svo sem iPhone og iPod Touch, hafa nú skrifað bréf til Steve Jobs og kvartað yfir illri meðferð. 137 vinnumenn hafa veikst vegna eitrunar af völdum efnisins n-hexane og segja farir sínar ekki sléttar. Hinn tævanski verksmiðjueigandi hafi ekki greitt þeim nægar bætur, þeim verkamönnum sem þáðu bætur hafi verið bolað úr starfi og ekki hafi verið samþykkt að ábyrgjast sjúkrareikninga ef til frekari veikinda komi.

Erlent

Stakk fólk af handahófi

Fjörutíu og eins árs gamall maður frá Marokkó hefur verið handtekinn á eyjunni Ibiza eftir að hafa sært að minnsta kosti níu manns í hnífaárásum í dag. Einn aðili er alvarlega særður á hálsi og hefur gengist undir skurðaðgerð.

Erlent

Gaddafi berst við að halda völdum

Muammar Gaddafi leiðtogi Líbíu berst nú við að halda völdum í höfuðborginni Trípólí og á stórum svæðum í vesturhluta landsins en uppreisnarmenn eru sagðir hafa austurhlutann á valdi sínu að mestu.

Erlent

Örsmá tölva á stærð við bókstaf á peningamynt

Vísindamenn hafa nú kynnt til sögunar litla tölvu sem er um millimetri á stærð, eða jafnstór og bókstafur á peningamynt. Í tölvunni er að finna örgjafa, minniskubb, þráðlaust útvarp og rafhlöðu sem gengur fyrir sólarljósi.

Erlent

Of margir vinir á Facebook geta valdið kvíða

Samkvæmt nýrri könnun sem skoski sálfræðingurinn Dr. Kathy Charles framvkæmdi á 200 nemendum í Edinburgh Napier háskólanum, geta notendur Facebook, sem eru í dag um 500 miljónir, fundið fyrir meiri kvíða en aðrir ef þeir eiga of marga vini á vefsíðunni. Fleiri en einn af hverjum tíu nemendum, fullyrtu að vefsíðan gerði þá kvíðafulla. Einnig kom í ljós að þrír af hverjum tíu sögðust finna fyrir samviskubiti ef þeir neituðu vinabeiðnum.

Erlent

Sjóræningjar myrtu gísla sína

Sómalskir sjóræningjar hafa myrt fjóra bandaríska gísla sína um borð í seglskútu sem þeir rændu síðastliðinn föstudag. Bandarískt herskip fylgdi skútunni eftir meðan reynt var að semja um lausn gíslanna sem voru tvær konur og tveir karlmenn.

Erlent

Óttast að um 100 manns hafi látist

Björgunarsveitir og hermenn leituðu enn að fólki í húsarústum í borginni Christchurch á Nýja-Sjálandi í gærkvöldi eftir að jarðskjálfti sem mældist 6,3 á Richter reið yfir um miðnætti að íslenskum tíma á mánudagskvöld.

Erlent

Fékk 80 högl í bakið

Fjórtán ára gamall piltur frá Nakskov í Danmörku var lagður inn á spítala á sunnudaginn eftir að hafa verið skotinn í bakið. Samkvæmt frásögn fréttavefjarins Folketidende.dk af málinu var maðurinn, ásamt átján ára gömlum kunningja sínum, í heimsókn hjá sameiginlegum kunningja þeirra. Skyndilega heyrði pilturinn brak og bresti og í sama mun fann hann fyrir gríðarlegum verki í bakinu. Í sama mund hrópaði sá átján ára gamli að hann hefði ekki gert þetta viljandi.

Erlent

Svikin kærasta fær vægan dóm í Mikka mús málinu

Fyrrverandi ritari hjá Walt Disney fyrirtækinu, Bonnie Hoxie, var dæmd í þriggja ára skilorðsbundið fangelsi í dag í New York í Bandaríkjunum fyrir að hafa stolið talsvert af innherjaupplýsingum um Walt Disney fyrirtækið fyrir fyrrverandi kærasta sinn, Yonni Sebbag.

Erlent

Skaut mann á Black Swan út af háværu poppáti

Lögreglan í Lettlandi handtók 27 ára gamlan mann á laugardaginn eftir að hann skaut áhorfanda á kvikmyndinni Black Swan. Samkvæmt The Daily Telegraph þá var skotmaðurinn að horfa á kvikmyndina, sem hefur verið tilnefnd til fjölda óskarsverðlauna, þegar atburðurinn átti sér stað.

Erlent

Gaddafi: Ég mun deyja píslarvættisdauða

Muammar Gaddafi Líbíuleiðtogi sagði í ávarpi á ríkissjónvarpsstöð landsins í dag að ekki komi til greina af sinni hálfu að segja af sér eða yfirgefa landið. Hann sagði að hann hafi áður staðist áhlaup frá Bandaríkjamönnum og Bretum og að hann muni standast þetta áhlaup eins og þau, en almenningur í landinu hefur risið upp gegn einræðisherranum sem ríkt hefur í Líbíu í 42 ár.

Erlent

Vancouver er besta borg í heimi - fimmta árið í röð

Vancouver í Kanada er sú borg í heiminum sem best er að búa í ef marka má árlega könnun The Economist intelligence unit. Þetta er fimmta árið í röð sem borgin trónir á toppnum og á meðal tíu efstu borga eru þrjár kanadískar borgir og fjórar ástralskar. Hinar þrjár eru í Nýja Sjálandi, Finnlandi og í Austurríki.

Erlent

Banksy bannað að mæta í dulargervi á Óskarinn

Dularfulla listamanninum Banksy hefur verið synjað um leyfi til að mæta á Óskarsverðlaunahátíðina í dulargerfi. Heimildarmyndin hans, Exit through the gift shop, er þar tilnefnd til verðlauna. Banksy er hvað þekktastur fyrir veggjalistaverk sín.

Erlent

Mest lesið