Erlent

Skaut kött í höfuðið með lásboga

Þótt kötturinn Spike eigi aðeins eftir átta líf verður hann að teljast með heppnari köttum. Hann lifði það nefnilega af að einhver fantur skaut hann í höfuðið með lásboga. Örin, eða boltinn eins og lásbogaskeytin eru kölluð fór alveg í gegnum höfuðið. Læknum tókst að ná henni út og Spike er óðum að hressast.

Erlent

Játaði morð eftir 65 ár

Níutíu og sex ára gömul hollensk kona hefur játað á sig morð sem hún framdi árið 1946. Það var fyrsta heila friðarárið eftir síðari heimsstyrjöldina og uppgjör við föðurlandssvikara og stríðsglæpamenn í fullum gangi.

Erlent

Brown stýrði samsæri gegn Blair

Aðeins nokkrum vikum eftir þingkosningarnar árið 2005 hóf Gordon Brown, sem þá var fjármálaráðherra, herferð gegn Tony Blair forsætisráðherra ásamt nánum samstarfsmönnum sínum.

Erlent

Með ferðamenn niður að Titanic

Ferðaskrifstofan Bluefish ætlar að hefja köfunarferðir með ferðamenn niður að flakinu af risaskipinu Titanic sem sökk á Norður-Atlantshafi árið 1912. Skipið liggur á hérumbil fjögurra kílómetra dýpi og farið verður niður að því í sérsmíðuðum dvergkafbáti.

Erlent

Óskalisti dauðvona stúlku vekur mikla athygli

15 ára gömul ensk stúlka sem greindist með ólæknandi krabbamein fór að ráðum móður sinnar og bjó til lista yfir allt það sem hún vildi gera áður en hún deyr. Listann lét hún á bloggsíðu sem hún stofnaði fyrir fjölskyldu og vini síðastliðinn mánudag en ekki leið á löngu áður en bloggið var búið að fljúga fram og til baka um netheiminn og skyndilega var Alice Pyne orðin eitt margumtalaðasta efnið á netinu.

Erlent

Facebook-húðflúr auglýsingabrella

Svo virðist sem húðflúr hollenskrar konu, sem sýndi Facebook-prófílmyndir af 152 vinum hennar, hafi verið auglýsingabrella en myndband sem sýndi húðflúrunarferlið þaut sem eldur í sinu um internetið og hafnaði meðal annars á CNN fréttavefnum og fréttavef Vísis.

Erlent

Keyptu 30 tonn af bókum - húsið að hrynja

Kanadísk hjón hefðu mátt hugsa sig tvisvar sinnum um áður en þau festu kaup á um 350.000 bókum, sem nágrannakona þeirra var í óðaönn við að brenna. Húsið sem hjónin neyddust til að kaupa utan um bækurnar virðist nú ekki geta borið þunga bókanna lengur en þær vega samtals 30 tonn.

Erlent

Eiginkona graða þingmannsins ófrísk

Eiginkona Anthony Weiner, þingmanns demókrataflokksins í Bandaríkjunum, er ófrísk. Þær fréttir koma í kjölfarið á miklu kynlífshneyksli þingmannsins á internetinu í vikunni.

Erlent

NATO sendir ekki hermenn inn í Líbíu

Varnarmálaráðherrar aðildarríkja Atlantshafsbandalagsins (NATO) telja að góður árangur hafi náðst með loftárásum á herafla Líbíu á síðustu tveimur mánuðum. NATO mun halda áfram loftárásum sínum eins lengi og þurfa þykir, sagði Anders Fogh Rasmussen, framkvæmdastjóri bandalagsins, á fundi með fjölmiðlafólki í höfuðstöðvum NATO í Brussel.

Erlent

Ætlar að skrifa áfram í blaðið

Bill Keller, aðalritstjóri bandaríska stórblaðsins The New York Times, hefur ákveðið að segja starfi sínu lausu nú í september. Keller, sem verður 62 ára í ár, mun áfram skrifa í blaðið.

Erlent

Flokkaðir með tilliti til öryggis

Alþjóðasamtök áætlunarflugfélaga, IATA, hafa kynnt áætlun um nýja aðferð við öryggisleit á flugvöllum sem á að vera þægilegri fyrir farþega og flugfélög.

Erlent

Facebook biðst afsökunar

Samskiptavefurinn Facebook hefur gefið út afsökunarbeiðni í kjölfar óánægju notenda vefsins með þær aðferðir sem beitt var þegar vefurinn opnaði fyrir nýja tækni við merkingar fólks á myndum.

Erlent

Beðinn að hætta sölu á skordýraís

Heilbrigðiseftirlitið í Missouri, Bandaríkjunum, hefur nú mælst til þess við eiganda ísbúðar í fylkinu að hann láti gott heita og hætti að selja viðskiptavinum sínum ís úr skordýrum.

Erlent

Mankell falsaður á Facebook

Sænski rithöfundurinn Henning Mankell segir óprúttinn aðila hafa stofnað síður á Facebook í sínu nafni og látið þar falla ýmis öfgafull ummæli sem Mankell segir ekki samrýmast sínum skoðunum. Þá hafa nokkrum dagblöðum einnig borist tölvupóstar undir nafni rithöfundarins.

Erlent

Létust í árekstri við fljúgandi skógarbjörn

Tveir létust í undarlegu bílslysi í Kanada á mánudaginn þegar 130 kílóa skógarbjörn kom fljúgandi í gegnum rúðu fólksbíls. Björnin hafði lent fyrir flutningabíl sem var á leið í gagnstæða átt við fólksbílinn og við höggið tókst hann á loft yfir á hinn vegarhelminginn. Þar kom fólksbíllinn aðvífandi á fullri ferð og lenti björninn með fullum þunga á honum.

Erlent

Fílar gengu berserksgang

Að minnsta kosti einn týndi lífinu þegar tveir villtir fílar gengu berserksgang í Mysore í suður Indlandi í dag.

Erlent

Fékk dauðan svan í hausinn

Tólf ára gömul norsk telpa varð fyrir þeirri lífsreynslu á mánudaginn að dauður svanur féll á hana og slasaði nokkuð. Jenny Hegg var í útilegu á smáeyju ásamt bekkjarfélögum sínum þegar þetta gerðist. Hún segir í samtali við Aftenposten að þau hafi séð þrjá svani nálgast í lágflugi.

Erlent

Danir verða að sleppa sjóræningjum

Danskir sjóliðar um borð í herskipinu Esbern Snare eru sárir og gramir yfir því að þurfa að hætta lífi sínu í baráttu við sjóræningja undan ströndum Sómalíu og sjá þá svo ganga frjálsa frá borði vegna þess að enginn fæst til að draga þá fyrir dóm.

Erlent

Mest lesið