Erlent

Smituðum konum fjölgar

Nýjar tölur sýna að nærri helmingur þeirra 37,2 milljóna fullorðinna sem sýktir eru af HIV-veirunni eru konur og hefur þeim fjölgað alls staðar í heiminum. Mest fjölgar konum sýktum af HIV í Austur-Evrópu og Austur- og Mið-Asíu. Á sumum þessum svæðum er hlutfall sýktra orðið hærra meðal kvenna en karla. 

Erlent 13.10.2005 15:02

Neyðarfundur í Úkraínu

Nú stendur yfir neyðarfundur á úkraínska þinginu, sem boðað var til vegna forsetakosninganna sem fóru fram á sunnudaginn. Talsmaður þingsins sagði að það væri ósiðlegt af þingmönnum að láta eins og allt væri með felldu í landinu og sjálfstæðis þess vegna væri algerlega lífsnauðsynlegt að kryfja framkvæmd kosninganna til mergjar.

Erlent 13.10.2005 15:02

Kafbátarnir úreltir

Yfirmaður danska herflotans harmar það að báðir kafbátar danska hersins skulu úreltir í hagræðingarskyni nú í vikunni. Danska þingið samþykkti í júní síðastliðnum að tvöfalda fjölda danskra hermanna sem geta tekið þátt í alþjóðlegum aðgerðum.

Erlent 13.10.2005 15:02

Feta sömu braut

Nýr leiðtogi PLO, Mahmud Abbas, sagði á þingi Palestínumanna að hann lofaði að feta í fótspor Jassers Arafat.

Erlent 13.10.2005 15:02

Sleppt heilum á húfi

Þremur starfsmönnum Sameinuðu þjóðanna sem teknir höfðu verið í gíslingu var sleppt eftir nær fjórar vikur. Innanríkisráðherra Afganistans, Ali Ahmad Jalali, segir að engir samningar hafi verið gerðir til að tryggja öryggi þeirra.

Erlent 13.10.2005 15:02

Vannærð börn helmingi fleiri

Tæplega helmingi fleiri írösk börn þjást af vannæringu núna en áður en ráðist var inn í landið, þrátt fyrir matardreifingu Sameinuðu þjóðanna. Þetta eru niðurstöður norskrar rannsóknar sem var unnin í samvinnu við írösku bráðabirgðastjórnina og Þróunaraðstoð Sameinuðu þjóðanna.

Erlent 13.10.2005 15:02

Mótmæli standa enn

Rúmlega 100.000 manns umkringdu þinghúsið í Kænugarði í gær með appelsínugula fána, til að mótmæla kosningasvikum í forsetakosningunum í Úkraínu . Kallað var til neyðarfundar á úkraínska þinginu til að ræða ósk Viktors Yuchenkos um að lýsa yfir vantrausti á kjörstjórnina og að falla frá opinberum úrslitum. 

Erlent 13.10.2005 15:02

Um sjötíu dæmdir

Dómstóll í Sviss hefur dæmt 68 menn seka um að kaupa barnaklám eftir stærstu aðgerð af þessu tagi í landinu. Dómar hljóðuðu upp á allt að átta mánaða fangelsisvist og sektir upp að 480.000 krónum. Með dómnum lýkur tveggja ára alþjóðlegri rannsókn, í samvinnu við yfirvöld í Bandaríkjunum og Þýskalandi.

Erlent 13.10.2005 15:02

Stóð til að sprengja upp turna

Öryggisyfirvöld í Bretlandi segja að staðið hafi til að gera hryðjuverk á Canary-turnana í London, en komið hafi verið í veg fyrir það. Dagblaðið Daily Mail greinir frá því í dag að hryðjuverkamenn tengdir Al-Qaeda samtökunum hafi ætlað sér að granda flugvélum á turnunum þremur með svipuðum hætti og gert var við tvíburaturnana í New York.

Erlent 13.10.2005 15:02

Þjóðverjar efast um úrslit

Utanríkisráðherra Þýskalands, Joschka Fischer, sagði að efasemdir um úrslit forsetakosninganna í Úkraínu væru alveg réttlætanlegar.

Erlent 13.10.2005 15:02

Hundruð þúsunda mótmæla

Hundruð þúsunda mótmæla enn kosningasvikum í Úkraínu. Þing landsins kom saman til neyðarfundar í dag til að ræða vandann, og mótmælendurnir óttast aðgerðir öryggissveita. Tugir þúsunda stuðningsmanna stjórnarandstöðuframbjóðandans Viktors Yuschenkos létu frostkalda nóttina ekki stöðva sig og héldu áfram mótmælum á aðaltorginu í Kænugarði.

Erlent 13.10.2005 15:02

Enn mótmælt í Úkraínu

Þúsundir mótmælenda létu kulda ekki á sig fá og héldu áfram mótmælum gegn meintum kosningasvikum og fölskum niðurstöðum í forsetakosningum í Úkraínu í nótt. Á meðal mótmælendanna gengu sögusagnir þess efnis, að öryggissveitir hygðust leggja til atlögu við þá og ryðja þeim burt, en engar fregnir hafa borist af því.

Erlent 13.10.2005 15:02

Starfsmönnum SÞ sleppt

Þremur starfsmönnum Sameinuðu Þjóðanna í Afghanistan, sem rænt var í síðasta mánuði, hefur verið sleppt. Eftir þrjár vikur í haldi mannræningja er fólkið nú á heimleið að lokinni læknisrannsókn. Afgönsk yfirvöld töldu glæpamenn hafa rænt fólkinu og að þeir krefðust lausnargjalds, en ekki er ljóst á þessari stundu hvernig það kom til að fólkinu var sleppt.

Erlent 13.10.2005 15:02

Friðargæslu að ljúka

Yfirmaður friðargæslu NATÓ í Bosníu hafnar allri gagnrýni fyrir að hafa ekki náð Radovan Karadzic, sem er á flótta undan ákærum um stríðsglæpi. Störfum friðargæslunnar í Bosníu er nú að ljúka eftir níu ár. Hann segir mörg dæmi um að erfitt sé að finna fólk á flótta og vísaði til þess að enn hefði ekki tekist að handsama Osama bin Laden.

Erlent 13.10.2005 15:02

Segir Milocevic saklausan

Nikolai Ryzhkov, fyrrverandi forsætisráðherra Rússlands, segir að sprengjuárásir NATO gegn Serbum í Kosovo árið 1999 hafi ekki haft neitt hernaðarlegt gildi, heldur hafi fyrst og fremst verið árás á Serbíu.

Erlent 13.10.2005 15:02

SÞ rannsaka misnotkun

Sameinuðu Þjóðirnar hafa sett af stað rannsókn vegna meintra ásakana á hendur starfsmönnum stofnunarinnar í Kongó. Alls hafa borist yfir 150 ásakanir vegna meintra nauðgana, vændissölu og barnamisnotkun á flóttamönnum í herbúðum Sameinuðu Þjóðanna í Kongó. Sum atvikin hafa verið tekin upp á myndband, eða náðst á ljósmynd.

Erlent 13.10.2005 15:02

Kanar jákvæðir

Meirihluti Bandaríkjamanna segjast vera jákvæðir gagnvart öðru kjörtímabili George W. Bush sem forseta, en margir hafa einnig áhyggjur af nokkrum stefnumálum, eftir því sem kemur fram í New York Times/CBS News skoðanakönnun. 

Erlent 13.10.2005 15:02

Fjárfestar hrekjast frá Afríku

Átök á Fílabeinsströndinni og í Darfur-héraði í Súdan fæla erlenda fjárfesta frá öðrum Afríkuríkjum. Þetta kom fram á ráðstefnu Sameinuðu þjóðanna í Eþíópíu um verslun og viðskipti. Afríka er fátækasta heimsálfan.

Erlent 13.10.2005 15:02

Hætta auðgun úrans

Íranar hafa gert hlé á auðgun úrans og annarri þróun kjarnorkuvopna samkvæmt tilkynningu sem var útvarpað í Íran í gær.

Erlent 13.10.2005 15:02

Gera tilraunir með fanga

Alþjóðleg og suður-kóresk mannréttindasamtök hafa krafist rannsóknar á því hvort Norður-Kóreumenn noti pólitíska fanga við rannsóknir á efnavopnum.

Erlent 13.10.2005 15:02

Powell í Mið-Austurlöndum

Colin Powell, utanríkisráðherra Bandaríkjanna, er kominn til Ísraels þar sem hann hyggst reyna að endurvekja friðarferlið þar. Palestínumenn vona og vilja að hann hlutist til um að Ísraelsstjórn standi ekki í vegi fyrir forsetakosningum á svæðum Palestínumanna, en þær eru fyrirhugaðar eftir um einn og hálfan mánuð.

Erlent 13.10.2005 15:01

Auðvelda baráttu gegn hryðjuverkum

Bretar hafa áhyggjur af hryðjuverkum og hyggjast breyta lögum til að auðvelda baráttuna gegn þeim. Meðal hugmynda sem eru til umræðu eru að grípa til forvarna gegn fólki sem talið er að leggi á ráðin um hryðjuverk. Auk þessa er rætt um dómstóla án kviðdóms og að leyfa upptökur af hleruðum samtölum sem sönnunargögn.

Erlent 13.10.2005 15:01

Fjölga hermönnum í Afghanistan

Danir ætla að fjölga hermönnum sínum í Afganistan. Politiken segir hermönnunum ætlað að vinna að mannúðarstörfum og þjálfa nýjan, afganskan her. Eftir fjölgunina verða 225 danskir hermenn í Afganistan.

Erlent 13.10.2005 15:01

Senda eftirlitsnefnd til Palestínu

Evrópusambandið mun senda eftirlitsnefnd til Palestínu til að fylgjast með forsetakosningunum þegar kosið verður um eftirmann Jassers Arafat sem lést á sjúkrahúsi í París 11. nóvember.

Erlent 13.10.2005 15:02

Verkfalli rútubílstjóra lokið

Verkfalli rútubílstjóra í Finnlandi er lokið. Það stóð í tvær vikur. Samgöngur voru að komast í samt horf í gær en einhverjir hnökrar voru þó á þeim.

Erlent 13.10.2005 15:02

Ekkert grunsamlegt

Engar vísbendingar um banamein Jassirs Arafats er að finna í læknaskýrslum hans, samkvæmt því sem Nasser al-Kidwa, frændi Arafats, segir. Hann fékk skýrslurnar afhentar hjá frönskum yfirvöldum. Al-Kidwa segir eiturefnapróf hafa verið gert á Arafat, en að ekkert grunsamlegt hafi þar komið í ljós. <font size="4"></font>

Erlent 13.10.2005 15:01

Börn til sölu

Ungabörn ganga kaupum og sölu í austur-Evrópu og verðið er frá rúmum 40 þúsund íslenskum krónum. Sky-fréttastofan greinir frá því að það hafi aðeins tekið fréttamann stöðvarinnar nokkrar mínútur að finna foreldra í Búkarest, höfuðborg Rúmeníu, sem voru reiðubúin að selja krílið sitt fyrir nokkra tugi þúsunda.

Erlent 13.10.2005 15:02

Meira en 50 handteknir

Fleiri en fimmtíu voru handteknir í rassíu lögreglunnar gegn mafíunni í suðurhluta Ítalíu í morgun. Meðal þeirra sem eru í haldi eru þingmaður og fjöldi annarra stjórnmálamanna. Nokkur fjöldi kaupsýslumanna er einnig í haldi, en mennirnir eru allir grunaðir um tengsl við skipulagða glæpastarfemi, peningaþvætti og fjárkúgun.

Erlent 13.10.2005 15:02

Brögð í tafli?

Ásakanir um kosningasvindl eru komnar fram í Úkraínu þar sem forsetakosningar vour í gær. Útgönguspár bentu til þess að stjórnarandstæðingurinn Viktor Yushchenko hefði náð meirihluta, en tölur kjörnefndar, sem birtar voru á sjöunda tímanum í morgun, gefa hins vegar til kynna að forsætisráðherra landsins, Viktor Yanukovich, hafi hlotið fleiri atkvæði og hafi um hálfs prósents forskot.

Erlent 13.10.2005 15:01

5 létust í skotbardaga veiðimanna

Fimm létu lífið og þrír eru í lífshættþegar til skotbardaga kom milli dádýraveiðimanna í skóglendi nærri litlu þorpi í Wisconsin í gærkvöld. Bardaginn varð einungis sólarhring eftir að veiðitíminn hófst. Einn maður hóf að skjóta á þrjá veiðimenn eftir að þeir vísuðu honum burt af merktu veiðisvæði.

Erlent 13.10.2005 15:02