Fréttir

Hreinsað til í Breiðholti

„Tökum upp hanskann fyrir Breiðholt" nefnist fegrunarátak sem hófst í hverfinu í morgun. Breiðhyltingurinn Vilhjálmur Þ. Vilhjálmsson borgarstjóri fór þar fyrir fríðu föruneyti.

Innlent 22.7.2006 13:31

Votta leiðtoga rauðu kmeranna virðingu sína

Hundruð Kambódíumanna hafa í dag vottað Ta Mok, einum af leiðtogum hinna illræmdu rauðu kmera, virðingu sína en hann andaðist í gær. Hann er sakaður að hafa í stjórnartíð rauðu kmeranna á áttunda áratug síðustu aldar stýrt einhverjum umfangsmestu þjóðarmorðum sögunnar en 1,7 milljónir Kambódíumanna dóu á valdatíma þeirra.

Erlent 22.7.2006 13:22

Fulltrúi Byggðastofnunar segir af sér vegna meintra lögbrota

Fulltrúi Byggðastofnunar í stjórn Eignarhaldsfélags Vestmanneyja hefur sagt af sér vegna lögbrota félagsins sem hann kallar svo. Í greinargerð hans til Byggðastofnunar kemur fram að Guðjón Hjörleifsson, alþingismaður og fyrrverandi bæjarstjóri í Eyjum, greiddi aldrei fjórðung stofnfjár í eignarhaldsfélagi Vestmanneyja eins og þó hafði verið tilkynnt hlutafélagaskrá.

Innlent 22.7.2006 12:59

Útskrifaður í dag eftir bílslysið á Suðurlandsvegi

Maðurinn sem fór í aðgerð vegna beinbrota eftir bílslys á Suðurlandsvegi við Rauðhóla í gærkvöld verður útskrifaður í dag. Sjö manns voru fluttir á slysadeild eftir áreksturinn sem var mjög harður.

Innlent 22.7.2006 12:43

Sprengjusérfræðingar eyddu skutli hrefnuskips

Tveir sprengjusérfræðingar Landhelgisgæslunnar voru í gær kallaðir vestur á Patreksfjörð þar sem einn skutull hrefnuskipsins Njarðar sprakk ekki. Loka þurfti hluta hafnarinnar á Patreksfirði í gærkvöldi vegna þessa.

Innlent 22.7.2006 10:15

Ökumaður stakk af

Bíl var ekið á umferðamerki í Seljahverfinu um átta leytið í morgun og stakk ökumaður af af vettvagni. Tilkynnt var um hálf fjögur í nótt að bílnum hefði verið stolið. Talið er að bíllinn hafi verið á nokkurri ferð þegar hann fór á umferðarmerkið því um sextíu metra hemlaför eru eftir bílinn.

Innlent 22.7.2006 10:13

Fíkniefni fundust

Lögreglan í Reykjavík stöðvaði fólksbíl um klukkan hálf sex í nótt og reyndust allir í bílnum, þrír talsins, vera með fíkniefni á sér. Fólkið var bæði með hvít efni og e-töflur á sér auk þess sem að einn farþeganna var með stera í fórum sínum.

Innlent 22.7.2006 10:09

Á annað hundrað manns í mótmælabúðum

Á annað hundrað manns eru nú komnir í mótmælabúðir Íslandsvina undir Snæfelli. Hópurinn er þessa stundina á göngu um það svæði sem fer undir vatn þegar byrjað verður að safna í Hálslón í haust.

Innlent 22.7.2006 10:16

Fíkniefni og vopn fundust í húsi í miðborginni

Lögreglan í Reykjavík handtók fjóra einstaklinga í nótt eftir að hafa fundið fíkniefni og vopn í húsi í miðbæ Reykjavíkur. Verið er að yfirheyra þá sem voru handteknir. Gífurleg neysla hefur farið fram í húsnæðinu og hefur lögregla áður þurft að hafa afskipti af einstaklingum þar inni.

Innlent 22.7.2006 10:01

Liðsflutningar til landamæranna halda áfram

Liðsflutningar Ísraela til líbönsku landamæranna halda áfram en ekki er þó gert ráð fyrir allsherjarinnrás í Líbanon að svo stöddu. Bandaríkjamenn hafa hraðað vopnasendingum til Ísraels undanfarna daga.

Erlent 22.7.2006 10:01

Mikill skaði á sumum trjátegundum

Rysjótt tíð í vor hafði slæm áhrif á trjávöxt í landinu. Þetta segir framkvæmdastjóri Skógræktarfélags Íslands. Á Suðurlandi og suðvesturhorninu varð mikill skaði á sumum trjátegundum.

Innlent 21.7.2006 22:23

Um hundrað manns í mótmælabúðum á Kárahnjúkum

Mótmælabúðir andstæðinga Kárahnjúkavirkjunar eru komnar upp á ný, annað sumarið í röð.

Innlent 21.7.2006 22:11

Samtök stofnuð um sögutengda ferðaþjónustu

Nýlega voru stofnuð samtök um sögutengda ferðaþjónustu. Forsvarsmenn samtakanna vilja samnýta krafta sína og beina sjónum ferðamanna enn frekar að söguarfleið Íslendinga.

Innlent 21.7.2006 22:01

Dagur segist ekki hafa sakað sveitarfélög um svik á greiðslum

Dagur B. Eggertsson segist aldrei hafa haldið því fram að sveitarfélög hafi svikist um að greiða til Strætó í samræmi við samþykkta fárhagsáætlun fyrirtækisins.

Innlent 21.7.2006 20:59

Hagar fagnar tillögum matvælanefndar

Fyrirtækið, Hagar fagnar tillögum matvælanefndar um einföldun á skattlagningu matvæla, minni skattalagningu á matvæli og auknu frelsi til innflutnings á matvörum, sem teljast sjálfsagðar neysluvörur heimilanna.

Innlent 21.7.2006 20:40

Sprengjusérsfræðingar á leið til Patreksfjarðar

Hrefnuskipið Njörður 1438 kom til hafnar í Patreksfirði um hálf átta í kvöld vegna þess að einn skutlinn sprakk ekki. Tveir sprengjusérfræðingar frá Landheglisgæslunni eru nú á leið vestur til að gera skutulinn óvirkann. Búið er að loka hluta hafnarinnar vegna þessa.

Innlent 21.7.2006 20:25

Átta fluttir á slysadeild

Átta manns voru fluttir á slysadeild Landsspítalans-háskólasjúkrahúss eftir bílslys sem varð á Suðurlandsvegi rétt eftir klukkan sex í kvöld. Enginn er í bráðri lífshættu en einn er nokkuð slasaður.

Innlent 21.7.2006 19:51

Vistaskiptin ekki tengd valdaskiptum í ráðhúsi Reykjavíkur

Helga Jónsdóttir hverfur úr æðstu embættismannastjórn Reykjavíkurborgar og verður næsti bæjarstjóri Fjarðabyggðar. Hún segir vistaskiptin ekki tengjast valdaskiptunum í ráðhúsi Reykjavíkur.

Innlent 21.7.2006 19:31

Samgönguráðherra lýsir framsóknarmenn ábyrga

Sturla Böðvarsson samgönguráðherra segir að kosningaloforð framsóknarmanna um níutíu prósenta húsnæðislán hafi hrundið af stað þeirri óheillaþróun í verðlagsmálum sem verði nú til þess að fresta þurfi vegaframkvæmdum á Vestfjörðum og víðar.

Innlent 21.7.2006 19:21

Rýmka á lög um stofnfrumurannsóknir

Stofnfrumurannsóknir hafa verið stundaðar hér á landi í rúman áratug en lög sem gilda um þær koma í veg fyrir að íslenskir fósturvísar séu notaðir í slíkar rannsóknir. Það kann þó að breytast næsta vetur ef Alþingi samþykkir lagafrumvarp sem nú er í undirbúningi.

Innlent 21.7.2006 17:51

Alvarlegasti ákæruliður Baugsmálsins úr sögunni

Alvarlegasti ákæruliður Baugsmálsins var úr sögunni í dag þegar Hæstiréttur staðfesti frávísun héraðsdóms. Þar var Jón Ásgeir Jóhannesson sakaður um að hafa blekkt stjórn Baugs í kaupum á 10 -11 verslununum og hagnast sjálfur um 200 milljónir króna.

Innlent 21.7.2006 18:50

Tveir Litháar dæmdir í óskilorðsbundið fangels

Tveir Litháar voru dæmdir í tveggja og hálfs árs óskilorðsbundið fangelsi í Héraðsdómi Reykjavíkur í dag, fyrir innflutning að fljótandi amfetamínbasa.

Innlent 21.7.2006 18:32

Gjaldtaka fyrir legu látinna ekki talin leyfileg

Umboðsmaður Alþingis telur að gjaldtaka fyrir legu látinna í líkhúsum sé ekki leyfileg. Kona sem neitaði að borga fyrir geymslu á líki föður síns, vísaði málinu til umboðsmanns.

Innlent 21.7.2006 18:24

Bílslys á Suðurlandsvegi

Bílslys varð á Suðurlandsvegi rétt eftir klukkan sex í kvöld. Mikill viðbúnaður er á svæðinu og er vegurinn lokaður við Rauðhóla. Vegfarendur eru vinsamlegast beðnir um að aka ekki um svæðið.

Innlent 21.7.2006 18:14

Öll olíufélögin hafa lækkað bensínverð

Öll olíufélögin hafa lækkað verð á bensíni í dag. Olíufélagið Esso var fyrst til að lækka lítrann um eina krónu og tíu aura í morgun og Atlantsolía tilkynnti lækkun skömmu síðar um sömu upphæð.

Innlent 21.7.2006 18:10

Ný leið styrkt um sextán milljónir

Ráðherrar heilbrigðis og félagsmála skrifuðu undir samkomulag við samtökin Nýja leið í dag um að styrkja nýstárlegt meðferðarstarf fyrir ungt fólk með áhættu og geðraskanir um samtals sextán milljónir á tveimur árum.

Innlent 21.7.2006 17:58

Þrír handteknir vegna hryðjuverkaárásanna á Indlandi

Lögreglan á Indlandi tilkynnti í dag að þrír menn hafi verið handteknir í tengslum við hryðjuverkaárásirnar í borginni Mumbai á dögunum. Þetta eru fyrstu handtökurnar í tengslum við rannsókn málsins.

Erlent 21.7.2006 18:04

Lokahátíð Sumarskólans

Lokahátíð Sumarskólans var haldin í Austurbæjarskóla í dag. Á hverju sumri er unglingum og fullorðnu fólki af erlendu bergi brotnu boðið upp á Sumarskólann þar sem þau læra íslensku og fræðast um íslenskt þjóðfélag.

Innlent 21.7.2006 17:41

Greiðslumark mjólkur eykst um 5 milljónir lítra

Greiðslumark mjólkur eykst um 5 milljónir lítra og er því 116 milljónir lítra. Ef allt fer sem skyldi er það mesta mjólkurframleiðsla síðan 1978, en þá var hún 120 milljónir lítra.

Innlent 21.7.2006 17:34

100 liðsmenn Hizbollah drepnir í átökunum

Ísraelskar herþotur létu sprengjum rigna yfir hafnarborgina Tyre í suðurhluta Líbanons í dag, þar sem ættingjar fallinna jörðuðu ástvini í bráðabirgðafjöldagröf. Ísraelar tilkynntu í dag að nálægt hundrað liðsmenn Hizbollah hafi verið drepnir í átökunum sem hafa nú staðið í tíu daga.

Erlent 21.7.2006 17:25