Miklar skemmdir eftir bruna í Seljaskóla
Foreldrar barna í Seljaskóla eru áhyggjufullir yfir því að kviknað hafi í skólanum í nótt, í annað sinn á mjög skömmum tíma. Skólastjórinn deilir áhyggjum foreldra og segir brýnt að komast til botns í málinu. Tíu kennslustofur skemmdust í brunanum í nótt og þurfa um 250 nemendur að mæta annað en í sína bekkjastofu það sem eftir er skólaársins.