Fleiri fréttir

Warren Buffet með krabbamein í blöðruhálsi

Fjármálajöfurinn Warren Buffett tilkynnti í dag að hann hafi greinst með krabbamein í blöðruhálsi. Í tilkynningu sem Buffett sendi hluthöfum í Berkshire Hathaway fjárfestingafyrirtækinu kemur fram að krabbameinið sé á frumstigi.

Apple og Greenpeace í hár saman

Tæknirisinn Apple fær falleinkunn í nýlegri skýrslu Greenpeace um orkunotkun stórfyrirtækja. Þetta er annað árið í röð sem náttúruverndarsamtökin saka Apple um að nota umhverfisspillandi aðferðir við rekstur netþjónabúa sinna.

Watson tilkynnir um kaupin á Actavis í mánaðarlok

Reiknað er með að bandaríska lyfjafyrirtækið Watson tilkynni um kaup sín á Actavis í lok þessa mánaðar. Þetta kemur fram í frétt á Reuters sem segir að Watson sé nú að afla sér lánsfjár upp á 6 milljarða dollara eða rúmlega 760 milljarða króna.

Skuldatryggingaálag Spánar tvöfalt hærra en Íslands

Töluverður skjálfti ríkir á fjármálamörkuðum í Evrópu þar sem að vextir á spænskum ríkisskuldabréfum til tíu ára fóru yfir 6% markið í gær. Á sama tíma fór skuldatryggingaálag Spánar í 520 punkta og hefur ekki verið hærra í sögunni. Það er nú tvöfalt hærra en skuldatryggingaálag Íslands.

Krugman: Leiðtogar Evrópuríkja að gera gríðarleg efnahagsleg mistök

Paul Krugman, Nóbelsverðlaunahafi í hagfræði og pistlahöfundur hjá New York Times, segir að leiðtogar Evrópuríkja haldi áfram að gera gríðarleg efnhagsleg og pólitísk mistök, sem allur heimurinn muni gjalda fyrir á endanum. Þetta kemur fram í pistli Krugmans sem ber heitið Efnahagslegt sjálfsmorð Evrópu (European Economic Suicide).

Instagram: 10 milljón notendur á 10 dögum

Smáforritið Instagram hefur vægast sagt slegið í gegn síðan Android-útgáfa þess var opinberuð fyrr í þessum mánuði. Rúmlega 10 milljón snjallsímanotendur hafa náð í forritið á síðustu tíu dögum.

Iron Man 3 verður undir kínverskum áhrifum

Kínverskt kvikmyndafyrirtæki mun koma að framleiðslu næstu Iron Man kvikmyndarinnar. Disney tilkynnti þetta í dag en talið er að samstarfið sé liður í áætlun fyrirtækisins um að styrkja tengsl sín við kvikmyndaiðnaðinn í Kína.

Goldman Sachs selur hlut í ICBC

Bandaríski fjárfestingabankinn Goldman Sachs hefur selt hlut sinn í kínverska bankanum ICBC fyrir um 2,3 milljarða dollara, eða sem nemur 294 milljörðum króna.

Mærsk McKinney Möller er látinn

Danski auðjöfurinn Mærsk McKinney Möller eigandi eins af stærstu skipafélögum heimsins er látinn, 98 ára að aldri. Þetta kemur fram í tilkynningu frá Mærsk skipafélaginu.

Metafgangur af vöruskiptum Noregs eða yfir 1.000 milljarðar

Í mars s.l. varð mesti afgangur af vöruskiptum í sögu Noregs. Útflutningurinn nam tæpum 89 milljörðum norskra króna en innflutningurinn var helmingi minni eða 42,5 milljarðar norskra króna. Mismunurinn, 46,4 milljarðar norska króna, samsvarar rúmlega 1.000 milljörðum króna.

Stefnir í stærsta kvikmyndaár sögunnar

Árið í ár gæti orðið stærsta kvikmyndaár sögunnar hvað aðsókn varðar. Framundan eru frumsýningar á fimm stórmyndum sem samtlas kostuðu yfir 130 milljarða króna í framleiðslu.

Seðlabanki Bandaríkjanna mun hagnast á björgunarlánum

Bandaríski seðlabankinn tilkynnti um það í dag, að útlit væri fyrir að bankinn myndi hagnast á fjárveitingum sem fóru til banka á Wall Street haustið 2008, þegar fjármálakerfið riðaði til falls. Þá munu öll lán, og jafnvel um tveir milljarðar dollara að auki, sem fóru til bílaframleiðenda og tryggingarfélaga skila sér til baka.

Apple berst við Flashback vírusinn

Tæknifyrirtækið Apple opinberaði nýja uppfærslu á forritinu Java í dag. Vonast er til að uppfærslan eigi eftir að koma í veg fyrir að Flashback trójuvírusinn smiti fleiri Mac tölvur. Um 600.000 tölvur urðu fyrir barðinu á vírusnum.

Tekjur Google halda áfram aukast

Tekjur tæknifyrirtækisins Google námu 10.65 milljörðum dollara á fyrsta ársfjórðungi þessa árs. Þetta er 24% hærri tekjur en á sama tímabili árið 2011.

Nýtt viðmót Google+ opinberað í dag

Tæknifyrirtækið Google svipti hulunni af endurbættu notendaviðmóti samskiptasíðunnar Google+ í dag. Nýjungarnar eru margar hverjar keimlíkar þeim sem helstu keppinautar síðunnar hafa innleitt á síðustu mánuðum.

Ítalir glíma við skuldabaggann

Ítalir hafa að undanförnu glímt við mikinn skuldavanda sem erfiðlega hefur gengið að leysa. Gripið hefur verið til margvíslegra aðgerða sem hafa skilað takmörkuðum árangri. Al Jazeera sjónvarpsstöðin vann fréttaskýringu um stöðu Ítalíu í nóvember í fyrra, þar sem ítarlega er farið yfir vanda Ítalíu. Þó margt hafi breyst síðan, eru ýmis vandamál enn óleyst.

Kínverjar óðir í BMW

Þýski bíla- og vélaframleiðandinn BMW jók sölu á bifreiðum í Kína, á fyrstu þremur mánuðum ársins, um 37 prósent frá fyrra ári, og var þessi aukning helsta ástæðan fyrir mun meiri sölu á fyrstu þremur mánuðum ársins en spár gerðu ráð fyrir.

Einfaldlega bönnuðu landakaup Kínverja

Stjórnvöld á Nýja Sjálandi hafa fengið mörg mál inn á sitt borð er tengjast áhuga erlendra fjárfesta á landakaupum. Kínversk stjórnvöld hafa m.a. sýnt áhuga á því kaupa landareignir. Við þessu hefur verið brugðist með einföldum aðgerðum; banni við landakaupum Kínverja.

Dómari segir SFO algjörlega vanhæfa

Dómari við breskan dómstól, High Court, átelur bresku efnahagsbrotalögregluna Serious Fraud Office (SFO) harðlega fyrir að geta ekki lagt fram nein gögn sem legið hafi til grundvallar húsleitum hjá auðkýfingnum Vincent Tchenguiz í mars í fyrra.

Lækkun á mörkuðum í Asíu

Hlutabréf í Asíu féllu umtalsvert áður en yfir lauk á markaði í nótt og var þetta sjöundi dagurinn í röð þar sem rauðar tölur réðu ríkjum. Nikkei vísitalan lækkaði um eitt prósent og Hang Seng vísitalan í Hong Kong fór niður um eitt komma þrjú prósentustig. Fjárfestar eru enn óttaslegnir vegna efnahagserfiðleikanna sem hrjá heiminn og urðu hlutabréf í útflutningsfyrirtækjum í Asíu verst úti. Raftækjarisinn Sony lækkaði einna mest, um fimm prósent en í gær tilkynnti fyrirtækið um nýja spá sem gerir ráð fyrir tapi upp sex komma fimm milljarða dollara á þessu ári.

Fréttaskýring: Ótrúleg viðskipti samfélagsmiðla

Fyrir tæplega tveimur árum stofnaði Kevin Systrom, ásamt fleiri minni fjárfestum, fyrirtæki í San Francisco sem sendi fljótlega frá sér "app“, eða smáforrit, fyrir snjallsíma sem nú hefur breytt honum í milljarðamæring.

Sony tapar milljörðum dollara

Stórfyrirtækið Sony gerir ráð fyrir því að tapa sex og hálfum milljarði Bandaríkjadala á þessu ári en fyrirtækið sendi frá sér viðvörun þessa efnis í morgun. Áður var gert ráð fyrir þriggja milljarða dollara tapi.

Instagram vex og vex

Rúmlega viku eftir að tilkynnt var um að myndaforritið Instragram, sem vaxið hefur ógnarhratt meðal notenda, væri aðgengilegt fyrir síma með Android stýrikerfi, hefur Facebook tilkynnt um kaup sín á fyrirtækinu fyrir tæplega 130 milljarða króna, eða sem nemur einum milljarði dollara.

Þrettán netfyrirtæki kvartað

Framkvæmdastjórn Evrópusambandsins mun taka ákvörðun um það nú eftir páska hvort netrisinn Google verði kærður fyrir samkeppnisbrot. Þrettán netfyrirtæki hafa kvartað yfir því að Google beiti ráðandi stöðu sinni gegn samkeppnisaðilum samkvæmt frétt BBC.

Facebook kaupir Instagram

Facebook hefur tilkynnt að fyrirtækið muni kaupa Instagram, sem er vinsælt app í snjallsímum. Facebook greiðir um 1 milljarð dala, eða 127 milljarða króna, í reiðufé og hlutabréf fyrir viðskiptin. Instagram fór í loftið í október 2010. Það var upphaflega hugsað fyrir iPhone en síðan fyrir Android. Mark Zuckerberg, stofnandi Facebook, heitir því að Instagram verði þróað áfram þannig að fleiri geti notað það.

Stefna að stærsta hlutafjárútboði sögunnar

Fimm milljarðar dollara, jafnvirði um 600 milljarða króna, í formi hlutafjár í Facebook verða boðnir út í NASDAQ kauphöllinni í New York síðar á þessu ári, en um er að ræða stærsta hlutafjárútboð sögunnar á heimsvísu. Tíðindin þykja vonbrigði fyrir New York Stock Exchange kauphöllina en frá þessu er greint í Financial Times í dag. Facebook ætlar að hefja formlegar kynningar fyrir fjárfesta í maí næstkomandi að því er blaðið greinir frá. Og ætti að vera orðið tilbúið til frumskráningar í maí eða júní næstkomandi ef allt gengur eftir.

Guðfaðir 911 sportbílsins er látinn

Ferdinand Alexander Porsche, guðfaðir 911 sportbílsins frá Porsche og heiðursformaður stjórnar Porsche bílaframleiðandans, lést í gær í Salzburg í Austurríki. Hann var 76 ára. Þegar 911 sportbíllinn var kynntur árið 1963 með nýrri og straumlínulagaðri hönnun og stórum höfuðljósum þótti hann marka tímamót í hönnun sportbíla í heiminum.

Seldi upplýsingar til hasarblaðaljósmyndara

Háttsettur starfsmaður Virgin Atlantic flugfélagsins breska hefur sagt starfi sínu lausu eftir í ljós kom að hann hafði lekið upplýsingum flugferðir frægs fólks til fyrirtækis sem gerir út papparazzi ljósmyndara. Þetta þýddi að papparazzi ljósmyndararnir vissu nákvæmlega hvenær von væri á frægu fólki og gátu myndað það á leið í og úr flugi. Meðal þeirra sem urðu fyrir barðinu á þessu var knattspyrnumaðurinn Ashley Cole, leikkonurnar Sienna Miller, Scarlett Johansson og Gwyneth Paltrow og tónlistarmaðurinn Robbi Williams. Sir Richard Branson, eigandi Virgi Atlantic, sagði við breska fjölmiðla að fyrirtækið tæki upplýsingum mjög alvarlega og hefði hafði rannsókn á málinu innanhúss.

Huang Nubo reisir heilsuþorp í Kína í stað Íslands

Kínverski fjárfestirinn Huang Nubo hefur gert samkomulag við yfirvöld í suðvesturhluta Kína um uppbyggingu heilsuþorps í anda þess sem hann hugðist reisa á Grímsstöðum á Fjöllum en var neitað af innanríkisráðherra á sínum tíma.

Instagram loks komið fyrir Android

Notendum Android-stýrikerfisins stendur nú til boða að fá smáforritið Instagram í snjallsíma sína. Náð hefur verið í forritið rúmlega milljón sinnum frá því að það var opinberað fyrr í dag.

Nærri fjórði hver maður án vinnu á Spáni

Efnahagsvandinn á Spáni er djúpstæður, og er síst að minnka, samkvæmt hagtölum um atvinnuástandið í landinu sem hagstofa Evrópusambandsins, Eurostat, birti í gær. Samkvæmt þeim mælist atvinnuleysið tæplega 24 prósent, eða nærri því að fjórði hver maður á vinnualdri sé án vinnu.

Sjá næstu 50 fréttir

Mest lesið