Stofna banka í Lúxemborg

Íslandsbanki hefur sótt um leyfi til að stofna og reka banka í Lúxemborg. Fyrir hefur bankinn rekið útibú í Lúxemborg. Bjarni Ármannsson, forstjóri Íslandsbanka, segir tilgang stofnunar bankans vera að útvíkka starfsemi bankans í landinu og bjóða alþjóðlega einkabankaþjónustu

Vísar ásökunum á bug

Valgerður Sverrisdóttir telur umfjöllun danska blaðsins Berlingske Tidende um íslenska fjárfesta í Danmörku ekki að öllu leyti sanngjarna. Þar hefur því verið haldið fram að hætta steðji að íslenska efnahagskerfinu vegna flókinna innbyrðis eignatengsla.

Hætta vegna hagstjórnarblöndu

Greiningardeild Íslandsbanka gagnrýnir hagstjórn á Íslandi í Morgunkorni sínu í gær. Þar segir að aðhald í ríkisfjármálum sé langt frá því að vera fullnægjandi. Þetta hefur í för með sér að mikill þungi fellur á Seðlabankann sem þarf að grípa til harðra aðgerða sem haft geta slæm áhrif á samkeppnisatvinnuvegina.

Bakvinnslusvið KB banka hefur starfsemi á Akureyri

KB banki hefur tekið í notkun nýja deild á Akureyri og er hún hluti af bakvinnslusviði bankans. Nú þegar hafa átta nýir starfsmenn tekið til starfa við deildina og munu þeir annast ýmis bakvinnslustörf fyrir höfuðstöðvar bankans og útibú hans. Gert er ráð fyrir að þeim fjölgi í allt að 15 manns á árinu 2005.

Umfjöllun fjölmiðla vitleysa

Stjórnarformaður KB banka segir að gagnrýnin umfjöllun danskra fjölmiðla, um innbyrðis tengsl íslenskra fjárfesta og fjármálafyrirtækja, byggi á sögusögnum og vitleysu.

Samstarf um íbúðarlán

Sparisjóðirnir eru komnir í samstarf við Íbúðalánasjóð um fjármögnun húsnæðis en jafnframt hafa þeir tekið höndum saman um framkvæmd greiðslumats. Aðrar lánastofnanir eru boðnar velkomnar gangist þær undir skilyrði Íbúðalánasjóðs.

Bankarnir spáðu minni hækkun

Greiningardeildir bankanna höfðu allar gert ráð fyrir vaxtahækkun en hún var meiri en þær spáðu. Greiningardeild Landsbankans sagði í Vegvísi í gær að vaxtahækkunin væri "nauðsynleg leiðrétting á vaxtaferlinum." Greiningardeildin segir að hækkunin í gær hafi verið nauðsynleg til þess að stýrivextir Seðlabankans hafi þau áhrif sem þeim sé ætlað.

Frekari aðhaldsaðgerðir mögulegar

Seðlabankinn útilokar ekki enn frekari aðhaldsaðgerðir í peningamálum á næstu mánuðum til að hemja verðbólguna. Með stýrivaxtahækkun sem bankinn boðaði í gær hafa þeir hækkað um tæp þrjú prósentustig síðan í maí.

Skeljungur og Esso lækka

Olíuverð heldur áfram að lækka hratt á heimsmarkaði og náði lækkunin til íslenskra neytenda í morgun. Skeljungur lækkaði bensínverðið um eina krónu í morgun og dísillítrann um 1,50 krónur. Þá tilkynnti Esso um lækkun á tólfta tímanum og gagnstætt venju er lækkunin þar meiri en hjá Skeljungi.

BNbank taki tilboði Íslandsbanka

Stjórn BNbank sendi í morgun frá sér yfirlýsingu til kauphallarinnar í Osló um yfirtökutilboð Íslandsbanka þar sem mælt er með því við hluthafa að þeir taki tilboðinu. Í yfirlýsingunni kemur fram að bæði stjórn bankans og fulltrúi starfsmanna telji að vel sé hugsað fyrir hagsmunum starfsmanna með yfirtökunni.

Kennitöluflakk eykst

Samtök iðnaðarins rekja í pistli á vef sínum raunir fyrirtækis sem margsinnis varð fyrir því að tapa tekjum vegna gjaldþrota viðskiptavina sinna. Vakin er athygli á því í pistlinum að mörg fyrirtækjanna hafi samt sem áður haldið áfram störfum undir svipuðu nafni, með sömu stjórn og sömu símanúmer þrátt fyrir gjaldþrotið.

Krónan hækkað um 2,76%

Gengi krónunnar hefur hækkað um 2,76% í dag og hefur sjaldan eða aldrei hækkað meira á einum degi. Bandaríkjadollar hélt áfram að lækka og er nú kominn niður í 62 krónur og 50 aura. Miklar sveiflur voru á gjaldeyrismarkaði í dag og var gjaldeyrisveltan á millibankamarkaði 17,7 milljarðar króna.

Mikil viðskipti með krónuna í dag

Krónan hækkaði um 2,73% í miklum viðskiptum í dag og stendur gengisvísitalan nú í 114,3 samkvæmt háffimmfréttum KB banka. Að sögn bankans má hér greina áhrif 1% vaxtahækkunar Seðlabanka sem boðuð var við útgáfu Peningamála í gær.

Með seðlaprentsmiðju í kjallaranum

Íslenskir bankar hafa tekið þyngdaraflið úr sambandi og stefna beint til himins. Þetta hafa danskir fjölmiðlar eftir heimildarmönnum sem þekkja vel til íslensks viðskiptalífs og þeir segja ennfremur að miðað við vöxt þeirra mætti halda að bankarnir væru með seðlaprentsmiðju í kjallaranum.

Vaxtahækkun Seðlabankans gagnrýnd

Einar Oddur Kristjánsson, oddviti sjálfstæðismanna í fjárlaganefnd Alþingis, gagnrýndi vaxtahækkun Seðlabankans frá því í gær harðlega á þingi í dag. Fjármálaráðherra segir hana myndarlegt inngrip og gerir ekki athugasemdir við hækkunina. Seðlabankastjóri segir enga gagnrýni á stjórnvöld felast í hækkuninni.

Gengi krónunnar styrkist

Gengi krónunnar styrktist um 2,73 prósent í miklum viðskiptum í gær og var gengisvísitalan 114,3 í lok dags. Greiningardeildir banka telja margar hverjar að í styrkingunni megi greina áhrif hækkunar stýrivaxta Seðlabankans á fimmtudag, en hún var umfram væntingar á markaði.

Stýrivextir Seðlabankans hækka um 1%

Stýrivextir Seðlabankans hækka um eitt próesentustig og verða 8,25% frá 7. desember n.k. Þetta er mun meiri hækun en greiningardeildir viðskiptabankanna höfðu spáð fyrir um. Seðlabankinn telur að grípa þurfi hratt til aðgerða því þensla er meiri en talið var áður. Hagvöxtur á næsta ári verður 6,1 prósent samkvæmt spá bankans. </font /></b />

Ráðstöfunarfé eykst hröðum skrefum

Landsbankinn gerir ráð fyrir að lánaveisla bankanna leiði til þess að einkaneysla hækki um 0,5-1 prósent næstu tvö ár og að veislan endi með verðbólguskoti allt að sex prósentum um áramótin 2006-2007. </font /></b />

Selja aðgang að sjúkrasögum

Bandaríska líftæknifyrirtækið ACLARA mun borga Urði, Verðandi, Skuld fyrir að nota blóð og æxlissýni úr íslenska krabbameinsverkefninu. Einnig mun ACLARA fá aðgang að sjúkrasögum krabbameinssjúklinga.

Samkomulag um verð fyrir Big Food

Baugur hefur lýst sig tilbúinn að greiða 95 pens fyrir hvern hlut í Big Food Group. Verðmæti Big Food er samkvæmt þessu verði ríflega 40 milljarðar króna. Með fjármögnun skulda yrði heildarumfang viðskiptanna milli 85 og 90  milljarðar króna. Baugur á fyrir 22 prósenta hlut í Big Food. Stjórn Big Food hefur lýst sig samþykka yfirtökuverðinu.

Bankarnir spá hækkandi verðbólgu

Bæði KB banki og Íslandsbanki hafa hækkað verðbólguspár sínar fyrir desember. Íslandsbanki spáir að hún hækki um 0,2%, meðal annars vegna hækkunar á áfengisskatti, og KB banki spáir að hún hækki um 0,3% vegna áfengisskattsins og óvæntrar hækkunar á bensíni hér á landi. Tólf mánaða verðbólguspá KB banka er nú komin upp í 3,7% en var 3,5%.

Neitar meintu samráði

Framkvæmdastjóri Samtaka banka og verðbréfafyrirtækja vísar því á bug að viðskiptabankarnir hafi skipulagt samráð um hámark íbúðalána. Hann segir óeðlilegt að líkja starfi innan samtakanna við ólöglegt samráð olíufélaganna.

Búist við vaxtahækkun

Líklegt er að Seðlabankinn hækki stýrivexti í dag. Bankinn hefur gjarnan tilkynnt um hækkanir samhliða útgáfu á Peningamálum. Stýrivextir hafa hækkað um 1,95 prósentustig á þessu ári og eru nú 7,25 prósent.

Bankarnir neita samráði

Bankarnir eru í hatrammri samkeppni og ræða aldrei nokkurn tíman verð til viðskiptavina á sameiginlegum fundum sínum, fullyrðir framkvæmdastjóri Samtaka banka og verðbréfafyrirtækja og býðst til að sýna fundargerðir því til sönnunar. Bankastjórar fjögurra banka sitja saman í stjórn samtakanna. 

Nýtt boð styrkir stöðu Íslandsbank

Íslandsbanki hefur hækkað boð sitt til hluthafa Bolig og Næringsbankans í Noregi. Íslandsbanki bauð upprunalega 320 krónur á hlut í bankanum, en hækkaði í gær boð sitt í 340 krónur á hlut. Með hærra boði tryggði Íslandsbanki sér stuðning 14 prósent hlutahafa í viðbót við þau 46 prósent sem þegar höfðu samþykkt.

Jón stjórnarformaður Magasin du N.

Jón Ásgeir Jóhannesson verður nýr formaður stjórnar dönsku verslunarkeðjunnar Magasin du Nord. Tillaga um nýja stjórn fyrirtækisins var kynnt í dönskum fjölmiðlum í morgun. Samkvæmt henni taka fimm Íslendingar sæti í stjórn þessarar rótgrónu 136 ára gömlu dönsku verslunarkeðju.

Kaupin á Kredittbanken samþykkt

Norska fjármálaeftirlitið hefur samþykkt kaup Íslandsbanka á norska bankanum Kredittbanken og á Íslandsbanki nú tæplega hundrað prósent í honum. Kredittbanken er ekki stór banki í Noregi en eins og fram er komið er Íslandsbanki líka að reyna að eignast BN bankann í Noregi sem er fjórði stærsti viðskiptabanki þar í landi.

Tilboði Baugs verði tekið

Stjórn bresku verslunarkeðjunnar Big Food Group ætlar að leggja til að tilboði Baugs í keðjuna verði tekið, jafnvel þótt það hafi verið lækkað umtalsvert frá upphaflega tilboðinu. Baugur bauð upphaflega 110 pens á hlut en eftir að hafa skoðað bókhald keðjunnar nánar var tilboðið lækkað niður í 95 pens á hlut.

Verðhugmyndir upp á 40 milljarða

Baugur komst skrefinu nær því að eignast breska stórfyrirtækið Big Food Group í dag. Stjórn fyrirtækisins lýsti því yfir opinberlega að kæmi tilboð upp á 95 pens á hlut yrði mælt með því og er Baugi gefinn frestur til 17. desember til að gera formlegt tilboð. Verðhugmyndirnar eru sem sagt rúmlega 40 milljarðar króna.

Ríkið eignast Landsvirkjun

Ríkið eignast hlut Akureyrarbæjar og Reykjavíkurborgar í Landsvirkjun á næsta ári gangi áætlanir sérstakrar eigendanefndar eftir. Hlutur Reykjavíkurborgar í Landsvirkjun er að minnsta kosti þrjátíu milljarða króna virði. Samkvæmt heimildum fréttastofu gera áætlanir ráð fyrir því að Landsvirkjun verði að fullu komin í eigu ríkisins um þarnæstu áramót. 

Óvissa háir útveginum

Óvissa um pólitísk afdrif kvótakerfisins eru meðal ástæðna þess að sjávarútvegsfyrirtækjum í Kauphöll Íslands hefur fækkað hratt á síðustu árum. Þetta segja sérfræðingar sem ávörpuðu ráðstefnu Kauphallarinnar í gær.

Gengið sterkt

Gengi íslensku krónunnar hefur ekki verið sterkara síðan í lok ársins 2000. Gengisvísitala krónunnar var 118 við lokun markaða í gær. Þetta er lægsta gildið frá því 6. nóvember árið 2000.

Bankarnir höfðu samráð

Viðskiptabankarnir höfðu samráð í fyrra um að hámarkslán til íbúðakaupa mætti ekki fara yfir 12 milljónir króna, annars væri hætta á verulegri ofþenslu. Þeir sammæltust einnig um gjaldskrá. Formaður efnahags- og viðskiptanefndar Alþingis telur óeðlilegt að fjórir bankastjórar viðskiptabankanna sitji saman í stjórn Samtaka banka og verðbréfafyrirtækja.

Samið um verð á Big Food Group

Samstaða hefur náðst milli Baugs og stjórnar Big Food Group um verð fyrir breska fyrirtækið. Baugur náði að lækka verðið umtalsvert. Helstu hindrunum sem stóðu í vegi kaupa Baugs hefur með samkomulaginu verið rutt úr vegi. </font /></b />

Eignast meirihluta í BN-bankanum

Íslandsbanki hefur hækkað tilboð sitt í BN-bankann í Noregi og virðist hafa tryggt sér meirihluta hlutafjár, samkvæmt tilkynningu sem Íslandsbanki sendi frá sér í morgun. Þar segir að bankinn hafi nú þegar tryggt sér 46% hlutafjár og að hluthafar, sem ráði yfir 14% til viðbótar, ætli að samþykkja tilboð Íslandsbanka.

Fastir vextir LSR-lána lækka

Lífeyrissjóður starfsmanna ríkisins og Lífeyrissjóður hjúkrunarfræðinga hafa lækkað fasta vexti LSR-lána í 4,15%, frá og með deginum í dag. Eftir sem áður er ekki gerð krafa um fyrsta veðrétt, ekki er krafist uppgreiðslugjalds þó lán sé greitt upp að hluta eða öllu leyti fyrir umsamda gjalddaga og vaxtakjör lánanna eru ótengd öðrum viðskiptum.

Verðbólgan enn yfir markmiði SÍ

Verðbólga er nú meiri hér á landi en í helstu viðskiptalöndum og hefur frá því í maí verið yfir verðbólgumarkmiði Seðlabanka Íslands, að því er fram kemur í markaðsyfirliti greiningardeildar Íslandsbanka. Verðbólgan mælist nú 3,8% samanborið við 2,5% á sama tíma í fyrra.

Lánin verða að hækka

Fasteignasalar búast við að útlánaþak Íbúðalánasjóðs hækki í minnst 13 milljónir króna um næstu áramót um leið og nýtt lánshlutfall upp á 90 prósent tekur gildi.

Samstarf vegna ljósleiðaravæðingar

Og Vodafone og Orkuveita Reykjavíkur hafa skrifað undir samning um samstarf vegna ljósleiðaravæðingar heimila og fyrirtækja í landinu. Í tilkynningu til Kauphallarinnar kemur fram að samningurinn feli í sér að Og Vodafone kaupi 67,76% hlut Orkuveitunnar í Línu.Neti en á sama tíma kaupir Orkuveitan ljósleiðaralagnir Og Vodafone.

Latibær greiði í hlutabréfum

Latibær ehf. var í dag dæmdur til að greiða Nýsköpunarsjóði atvinnulífsins hlutabréf í fyrirtækinu að nafnvirði rúmlega 300 þúsund krónur. Sjóðurinn byggði kröfu sína á 20 milljóna króna láni til Latabæjarverkefnisins en í lánssamningnum voru ákvæði um að sjóðurinn hefði heimild til að krefjast hlutafjár í stað endurgreiðslu lánsins.

Vodafone og OR í samstarfi

Fjarskiptafyrirtækið Og Vodafone, móðurfélag Norðurljósa og Fréttar, hefur keypt hlut Orkuveitu Reykjavíkur í Línu.neti og Orkuveitan hefur keypt ljósleiðarakerfi Og Vodafone.

VÍS kaupir Vörð

Vátryggingafélag Íslands hefur keypt Vörð Vátryggingafélag hf. og tekur við rekstri þess í dag. Kaupsamningar voru undirritaðir í gær og er kaupverðið trúnaðarmál. Seljandi Varðar er Hringur hf. en aðaleigandi þess félags er Baugur Group.

Hætta við sameiningu

Formenn stjórna Sparisjóðs Reykjavíkur og nágrennis (SPRON) og Sparisjóðs vélstjóra (SPV) sendu frá sér yfirlýsingu í gær þar sem fram kom að hugmyndum um sameiningu sjóðanna hefði verið frestað.

Slitnað gæti upp úr

Ekki er ólíklegt að stjórnendur Big Food Group slíti viðræðum um yfirtöku Baugs á félaginu. Mikill ágreiningur er um yfirtökuverð á félaginu en í kjölfar áreiðaneikakönnunar.

Vikuveltan 4,4 milljarðar

Íbúðarlán bankanna virðist hafa kynnt all hressilega undir fasteignamarkaðinn en veltan í viðskiptinum með húsnæði á höfuðborgarsvæðinu hefur stóraukist. Samkvæmt morgunkorni greiningar Íslandsbanka var vikuveltan komin í 4,4 milljarða króna um miðjan mánuðinn en var um þrír milljarðar í lok ágúst.