Fleiri fréttir

Gamma: Litlar sviptingar

Skuldabréfavísitala GAMMA: GBI hækkaði um 0,1% í dag í 8,7 ma. viðskiptum. GAMMAi: Verðtryggt hækkaði um 0,1% í 2,1 ma. viðskiptum og GAMMAxi: Óverðtryggt hækkaði um 0,1% í 6,6 ma. viðskiptum.

Bakkabróðir með rúmar átta milljónir á mánuði

Ágúst Gudmundsson, forstjóri Bakkavarar, var með rúmar hundrað milljónir króna í árslaun hjá fyrirtækinu í fyrra, eða um 8,3 milljónir á mánuði. Þetta kemur fram í nýrri ársskýrslu Bakkavarar. Bróðir Ágústs, Lýður Guðmundsson fékk 3 og hálfa milljón króna fyrir stjórnarsetu sína í félaginu.

Atvinnuleysi fór í 10%

Atvinnuleysi á evrusvæðinu fór upp í 10% í febrúar. Þetta er í fyrsta sinn sem atvinnuleysi á svæðinu nær tveggja stafa tölu frá því að evran var tekin í notkun. Samkvæmt tölum frá Hagstofu Evrópusambandsins er mikill munur á milli þeirra sextán þjóða sem aðild eiga að myntbandalaginu. Til dæmis er 19% atvinnuleysi á Spáni en í Hollandi er atvinnuleysið einungis 4%.

Ráðinn nýr forstjóri Öskju

Jón Trausti Ólafsson hefur verið ráðinn nýr framkvæmdastjóri ÖSKJU, umboðsaðila Mercedes-Benz og KIA á Íslandi, og tekur hann við starfinu af Leifi Erni Leifssyni.

Vöruskipti voru hagstæð um 20 milljarða króna

Vöruskipti við útlönd á fyrstu tveimur mánuðum ársins voru hagstæð um 20,6 milljarða króna en á sama tíma árið áður voru þau hagstæð um 10,4 milljarða. Vöruskiptajöfnuðurinn var því 10,2 milljörðum króna hagstæðari en á sama tíma í fyrra. Fyrstu tvo mánuðina í ár voru fluttar út vörur fyrir 83,2 milljarða króna en inn fyrir 62,5 milljarða króna.

Superman seldist á 190 milljónir króna

Superman er orðinn verðmætasta teiknimyndasöguhetja í heimi. Teiknimyndahefti um ofurhetjuna seldist á því sem nemur um 190 milljónum króna á uppboði á vefnum ComicConnect fyrir skemmstu. Þar með skaut Superman Leðurblökumanninum ref fyrir rass en teiknimyndahefti um hann seldist á tæpar 130 milljónir króna fyrir hálfum mánuði síðan. Umrætt teiknimyndahefti um Superman kom út árið 1938.

Hlutafjáraukningunni lokið

Eins milljarðs hlutafjáraukningu í 365 miðlum er lokið. Þetta staðfestir Ingibjörg Pálmadóttir, stjórnarformaður félagsins. Hún segir hlutafjáraukninguna verða nýtta til að lækka skuldir og bæta sjóðsstöðu félagsins til muna.

Fyrrum hluthafar fá ekki neitt

Fyrrum hluthafar í breska Northern Rock bankanum, sem var þjóðnýttur í febrúar árið 2008, munu engar bætur fá vegna þess hlutafjár sem glataðist þegar bankinn fór í þrot. Óháður aðili sem var fenginn til að meta starfsemi bankans skilaði skýrslu í gær. Hann komst að þeirri niðurstöðu að hlutabréf úr bankanum væru verðlaus. Breska ríkið, núverandi eigandi bankans, bæri ekki að greiða hlutabréfaeigendum eitt einasta pund.

Greiða niður erlendu lánin

Skuldatryggingar­álag ríkissjóðs hefur lækkað verulega síðustu daga, stóð í 373 stigum um hádegisbil í gær, og hafði þá ekki verið lægra síðan í lok október í fyrra.

Kanadabúar taka Lava vel

Eftir að hafa verið eina viku í sölu í Manitoba í Kanada hefur fjórðungur af fyrstu sendingu á bjórnum Lava frá Ölvisholti í Flóa verið seldur.

Lárus beittur þrýstingi til að lána milljarða rétt fyrir hrun

Stjórnarmaður í Glitni og framkvæmdastjóri fyrirtækis sem var stór hluthafi í bankanum beitti Lárus Welding, þáverandi bankastjóra Glitnis, miklum þrýstingi til að fá fjögurra milljarða króna lán, sem aðrir bankar vildu ekki veita, aðeins tíu dögum fyrir fall Glitnis. Áður hafði fyrirtækjasvið Glitnis hafnað slíku láni. Þetta kemur fram í tölvupóstum til Lárusar Welding sem fréttastofa hefur undir höndum.

Írskur banki fær enn meiri hjálp frá ríkinu

Írska ríkisstjórnin ætlar að leggja hinum þjóðnýtta banka, Anglo Irish Bank, 8,3 milljarða evra til viðbótar við fyrri fjáraustur. Frá þessu var skýrt í dag og við það tækifæri sagði írski fjármálaráðherrann, Brian Lenihan að um skásta kostinn væri að ræða. Tveir aðrir bankar í landinu, Allied Irish Banks og Bank of Ireland ætla að reyna að laða til sín fjárfesta úr einkageiranum en ráðherrann segir ljóst að Anglo Irish verði að fá hjálp frá ríkissjóði.

GAMMA stóð nánast í stað

Skuldabréfavísitalan GAMMA: GBI hækkaði um 0,1% í dag í 4,4 milljarða viðskiptum. GAMMAi: Verðtryggt hækkaði um 0,1% í 0,3 milljarða viðskiptum sem og GAMMAxi: Óverðtryggt í 4,1 milljarða viðskiptum.

Neytendur enn fremur svartsýnir

Íslenskir neytendur eru enn langt í frá því að teljast vera bjartsýnir á horfur í efnahags- og atvinnumálum ef marka má Væntingavísitölu Gallup sem birt var í morgun. vísitalan var 43,2 stig í mars og lækkar um 3 stig á milli

Ísland áfram í gíslingu AGS

Mögulegt er að ekki sé stuðningur við það innan stjórnar Alþjóðagjaldeyrissjóðsins að önnur endurskoðun efnahagsáætlunar fari fram án þess að búið sé að leysa Icesave málið.

Hægt að skoða alla reikninga í Meniga

Viðskiptavinir Íslandsbanka sem nota fjármálavefinn Meniga geta nú flutt upplýsingar og færslur af reikningum og kortum allra íslenskra sparisjóða og banka inn í Meniga og öðlast þannig heildaryfirsýn yfir fjármál heimilisins.

Pabbi Wernersbræðra gerir kaupmála

Lyfjafræðingurinn Werner Rasmusson og kona hans Kristín Sigurðardóttir hafa gert með sér kaupmála, að því er fram kemur í Lögbirtingablaðinu. Ekki er vitað hvað fólgið er í kaupmálanum.

Mikil eftirspurn eftir nýbyggingum í hjarta Reykjavíkur

Nýbyggingar á brunareitnum á horni Lækjargötu og Austurstrætis voru auglýstar til sölu eða leigu í Fréttablaðinu í morgun og í Morgunblaðinu á laugardaginn. Sverrir Kristinsson, fasteignasali hjá Eignamiðlun, segist strax hafa fengið ansi margar fyrirspurnir. Hann segir að leigan verði dýr.

Fyrrverandi forstjóri FME svarar fyrir sig

Jónas Fr. Jónsson, fyrrverandi forstjóri Fjármálaeftirlitsins hafnar því að hafa verið veifiskati og klappastýra bankamannanna. Hann segir þá gagnrýni sem fram kom í blaðinu Euromoney bæði ósanngjarna og ranga. Hann sér þó eftir að hafa ekki stækkað Fjármálaeftirlitið hraðar.

GAMMA lækkaði örlítið

Skuldabréfavísitalan GAMMA: GBI lækkaði lítillega í dag í 4,9 milljarðar viðskiptum. GAMMAi: Verðtryggt lækkaði um 0,1% í 0,6 milljarða viðskiptum og GAMMAxi: Óverðtryggt hækkaði um 0,2% í 4,2 milljarða viðskiptum.

Frumtak fjárfestir í Gogogic

Frumtak hefur fest kaup á hlut í Gogogic ehf sem var stofnað árið 2006 til að þróa tölvuleiki. Gogogic sérhæfir sig í frumlegri leikjahönnun, gerð smærri tölvuleikja og framleiðslu margmiðlunarefnis fyrir vefinn. Einnig sinnir fyrirtækið hugmyndasmíði og markaðsmálum fyrir viðskiptavini sína. Kaupin nema alls 150 milljónum króna.

Nokkrir mikilvægir hagvísar birtir í vikunni

Í Morgunkorni Íslandsbanka er bent á að nokkrir mikilvægir hagvísar verði birtir nú í vikunni. Á morgun mun Capacent Gallup birta væntingavísitölu sína fyrir marsmánuð, Hagstofan mun birta tölur um nýskráningar og gjaldþrot fyrirtækja og á miðvikudaginn mun Hagstofan birta vöruskipti við útlönd í febrúar.

Íslensku flugfélögin nýta sér eldgosið

Íslensku flugfélögin eru þegar byrjuð að nýta sér eldgosið á Íslandi í markaðssetningu sinni. Vefurinn epn.dk segir að flugfélögin bjóði einstaka ferðaupplifun á stað þar sem 500 manns þurftu að flýja heimili sín fyrir einungis fáeinum dögum síðan.

Gríðarleg ásókn í sparnaðarnámskeið

Atlantsolía fékk á dögunum 100 sæti á námskeiðið Úr mínus í plús hjá spara.is til þess að bjóða viðskiptavinum sínum á þriðjudaginn 23. mars. Viðtökurnar voru gríðarlega góðar og fór áhuginn á námskeiðinu fór frammúr öllum væntingum. Á einum sólarhring höfðu skráð sig 1.200 notendur dælulykils Atlantsolíu.

Starfmenn Rio Tinto dæmdir í Kína

Kínverskur dómstóll hefur dæmt fjóra starfsmenn námarisans Rio Tinto í sjö til fjórtán ára fangelsisvistar fyrir mútur og iðnaðarnjósnir. Þrír hinna dæmdu eru kínverskir borgarar en sá fjórði er Ástrali. Sá fékk sjö ára fangelsisdóm fyrir mútur og fimm ár fyrir að stela viðskiptaleyndarmálum. Hann mun þó aðeins þurfa að afplána tíu ár þar sem hann viðurkenndi sekt sína.

Fengu margfalt hærra tilboð en í fyrra

Erlendir fjölmiðlar segja kaup breska einkaframtakssjóðsins 3i Group á fimmtungshlut í hollenska drykkjavöruframleiðandanum Refresco fyrir um 84 milljónir evra, fjórtán milljarða íslenskra króna, í fyrradag með umfangsmestu fjárfestingum eftir kreppuna.

Sniðganga flest olíufélög í viku

Félagið Samstaða ætlar í dag að draga nafn eins olíufélags úr potti og sniðganga síðan öll önnur olíufélög í eina viku.

Færeyingar skráðir í Noregi

Gengi hlutabréfa færeyska fiskeldisfélagsins Bakkafrosts endaði í 33,8 norskum krónum á hlut í norsku kauphöllinni á föstudag. Þetta var fyrsti viðskiptadagur með bréfin og hækkaði gengi þeirra um níu prósent frá útboði.

Höfuðborg tölvuglæpa fundin

Tölvurannsóknarfyrirtækið Symantech hefur fundið út að uppruni 30 prósent vírus-pósta sem eru sendir út um allan heim, og gerir tölvueigendum lífið óendanlega leitt, er sendur frá Kína.

Euromoney: Forstjóri FME var veifiskati

Jónas Fr. Jónsson, fyrrverandi forstjóri Fjármálaeftirlitsins, var veifiskati og óþarflega áhugasamur um að blanda geði við bankastjórnendur. Þetta kemur fram í grein í blaðinu Euromoney en þar er Jónas harðlega gagnrýndur fyrir að hafa verið klappstýra bankanna fremur en að sinna því eftirlitshlutverki sem honum var falið.

Kínverjar kaupa Volvo

Volvo verksmiðjurnar verða seldar kínverska framleiðandanum Geely Holding. Skrifað var undir samning þess efnis í dag, eftir því sem fram kemur í sænskum og kínverskum fjölmiðlum.

Um 1.500 viðskiptavinir vildu verða andlit Iceland

Um 1.500 viðskiptavinir Iceland lágvörukeðjunnar vildu verða andlit hennar út á við í nýrri auglýsingaherferð sem hefst síðar í ár. Búið er að velja 56 manns úr þessum hóp og í dag verður lokahópurinn valinn, að því er segir í frétt í Daily Star.

Bono óheppinn með fjárfestingar sínar

Allar líkur eru á að Bono, söngvari U2, muni tapi gífurlegum upphæðum á fjárfestingum sínum undanfarin ár. Í aðra hönd hagnaðist Bono vel á tónlist sinni en í hina tapaði hann þessum fjármunum jafnóðum á fjárfestingum sínum.

Sjá næstu 50 fréttir