Asíubréf á uppleið

Hlutabréf hækkuðu í verði á mörkuðum í Asíu í morgun og reis Nikkei-vísitalan í Japan um 1,5 prósent. Fréttir af líklegu samkomulagi milli bandaríska bankarisans Citigroup og þarlendra stjórnvalda, um enn frekari neyðaraðstoð bankanum til handa, eru taldar líklegasta orsök hækkunarinnar en japanskir útflytjendur á borð við Toyota treysta mjög á Bandaríkjamarkað þar sem stór hluti framleiðslunnar er seldur.

Fimmtán milljarða afskrift vegna Kaupþingsforstjóra

Kaupþing gæti þurft að afskrifa tæpa 15 milljarða vegna hlutabréfakaupa Sigurðar Einarssonar, fyrrverandi stjórnarformanns bankans, og Hreiðars Más Sigurðssonar, fyrrverandi forstjóra. Sigurður tók sjálfur ákvörðun um að aflétta persónulegri ábyrgð sinni á láninu.

Mesti samdráttur kaupmáttar síðan 1989

Kaupmáttur dróst saman um 9,4% á árinu 2008. Hefur hann ekki áður dregist jafn mikið saman frá því að Hagstofan fór að birta vísitölu launa árið 1989. Þetta kemur fram í Hagvísum Seðlabankans sem gefnir voru út í dag.

Kaupþing yfirtekur Mosaic Fashion

Kaupþing mun að öllum líkindum yfirtaka Mosaic Fashion á næstu dögum. Félagið, sem er í 49 prósenta eigu Baugs, hefur átt í miklum rekstrarerfiðleikum undanfarið og nam tap á síðasta ári 8,6 milljörðum króna. Félagið hefur verið í viðræðum við skilanefnd Kaupþings um

Alfesca og Straumur hífa Úrvalsvísitölurnar upp

Gengi hlutabréfa í Alfesca rauk upp um 20 prósent í Kauphöllinni í dag í uppsveiflu sem hífði báðar vísitölur upp úr lægstu gildum.

Gengisvísitalan komin á sama stig og fyrir bankahrunið

Gengisvísitala krónunnar fór niður fyrir 190 stig í dag og er því komin á sama stig og hún var fyrir hrun bankanna í október s.l..

Auðir skýjakljúfar í farvatni hrunsins á Wall Street

Allar líkur eru á að stærstu bankar og fjármálastofnanir í New York muni yfirgefa skrifstofuhúsnæði í skýjakljúfum borgarinnar svo nemur milljónum fermetra í ár. Borgin býr sig undir verstu dýfu á fasteignamarkaði sínum í yfir áratug.

Auknar líkur á gull- og wolframvinnslu á Grænlandi

Nýjar rannsóknir á vegum NunaMinerals á Grænlandi gefa auknar líkur og vonir á því að finna þar gull og wolfram í vinnanlegu magni.

Hlutabréf í Royal Unibrew féllu um 20% í morgun

Hlutabréf í Royal Unibrew féllu um 20% í morgun í kauphöllinni í Kaupmannahöfn. Unibrew sem eru næststærstu bruggverksmiðjur Danmerkur skiluðu slæmu ársuppgjöri í morgun en tapið á síðasta ári nam tæpum 10 milljörðum kr..

Hústökumenn í jakkafötum

Samkvæmt fréttum hafa Hermann Jónasson og Jóhann Óli Guðmundsson ráðist í lögleysu inn í fjarskiptafyrirtækið Tal og borið þaðan út forstjóra félagsins.

Cosser hætti við

Ástralski fjárfestirinn Steve Cosser sem komst nýlega í fréttir þegar hann gerði kauptilboð í Árvakur, Útgáfufélag Morgunblaðsins, hefur afboðað komu sína í Markaðinn á Stöð 2 í kvöld.

Davíð og Eiríkur kvöddu starfsfólk Seðlabankans

Þeir Davíð Oddsson og Eiríkur Guðnason bankastjórar Seðlabanka Íslands kvöddu starfsfólk bankans á sérstökum fundi í morgun. Var fundurinn haldinn í Sölvhól og mættu um 100 manns eða nær allir starfsmenn bankans.

Sterk viðbrögð við lækkandi verðbólguvæntingum

Sterk viðbrögð á skuldabréfamarkaði í kjölfar á birtingu verðbólgutalna gærdagsins benda til þess að verðbólguvæntingar hafi lækkað talsvert.

Atvinnulausum hefur fjölgað um tæp 4.000 í febrúar

Atvinnulausum hefur fjölgað um 3.857 í febrúarmánuði en á vef Vinnumálastofnunar eru nú 16.264 skráðir án atvinnu sem er 30% fleiri en skráðir voru án atvinnu í lok janúar en þá voru 12.407 skráðir atvinnulausir.

Hermann aftur forstjóri Tals

Fjármálaráðuneytið úrskurðaði í gær að fyrirtækjaskrá ríkisskattstjóra bæri að afmá tilkynningu um breytingu á framkvæmdastjórn og prókúruhafa IP-fjarskipta ehf. (Tals) frá 12. janúar.

Dýrasta listasafn í einkaeigu selt

Uppboð á listaverkum sem voru í eigu tískuhönnuðarins Yves Saint Laurent sem lést á síðasta ári sló öll met. Aldrei hefur listasafn í einkaeigu verið selt fyrir viðlíka upphæð.

Tuttugu Danir verða atvinnulausir á hverjum klukkutíma

Atvinnuleysi eykst nú svo hratt í Danmörku að um tuttugu Danir missa nú vinnu sína á hverjum klukkutíma sólarhingsins eða að jafnaði einn á þriðju hverju mínútu.

Gengi Straums rýkur upp um fimm prósent

Gengi hlutabréfa í Straumi hækkaði um 5,3 prósent í Kauphöllinni í morgun og hífði nýju Úrvalsvísitöluna (OMXI6) upp fyrir 800 stigin á ný.

Kaupþing óskar eftir gjaldþrotaskiptum á dönsku félagi

Kaupþing hefur óskað eftir gjaldþrotaskiptum hjá danska fasteigna- og vindmyllufélaginu Eurotrust. Verður beiðnin tekin fyrir hjá skiptaréttinum í Kolding á mánudaginn kemur.

Skosk athafnakona kaupir Blooming Marvellous

Verslunarkeðjan Blooming Marvellous hefur verið seld til skosku athafnakonunnar Elaine McPherson. Keðjan sem verslar með föt og vörur fyrir sængurkonur og nýbura var í eigu Kcaj fjárfestingarfélagsins sem aftur er að mestu í eigu Milestone.

Reiknar með stýrivaxtalækkun í mars

Hagfræðideild Landsbankans reiknar með að Seðlabankinn muni lækka stýrivexti í mars. Þetta kemur fram í daglegu fréttabréfi deildarinnar.

Vísitala framleiðsluverðs lækkar um 7,3%

Vísitala framleiðsluverðs í janúar 2009 var 169,7 stig og lækkaði um 7,3% frá desember 2008. Vísitala framleiðsluverðs fyrir sjávarafurðir var 220,0 stig, sem er lækkun um 5,4% frá fyrri mánuði og vísitala fyrir stóriðju var 172,2 stig, lækkaði um 17,0%.

RBS skilar mesta tapi í sögu Bretlandseyja

Royal Bank of Scotland (RBS) tapaði 40 milljörðum punda á síðasta ári fyrir skatta og er þetta mesta einstaka tap fyrirtækis á Bretlandseyjum í sögunni.

Royal Unibrew tapaði 10 milljörðum kr.

Dönsku bruggverksmiðjurnar Royal Unibrew töpuðu 483 milljónum danskra kr. á síðasta ári eða tæpum 10 milljörðum kr.. Stoðir eru einn stærsti hluthafinn í Royal Unibrew með 25% hlut.

Tækni- og símafyrirtæki lækka í Asíu

Asísk hlutabréf lækkuðu í verði í morgun og voru það bréf tækni- og símafyrirtækja sem mest lækkuðu. Einnig hríðféllu bréf japanska lyfjaframleiðandans Daiichi Sankyo eftir að bandaríska lyfjaeftirlitið samþykkti ekki innihaldslýsingar nokkurra lyfja sem fyrirtækið framleiðir og þriðji stærsti járnútflytjandi Ástralíu, Fortescue Metals, lækkaði um 9,5 prósent eftir að hluti bréfa þess var seldur með töluverðum afslætti.

Markaðir á Wall Street lækkuðu

Hlutabréfavísitölu á Wall Street féllu í dag og er ástæðan rakin til slæmra tíðinda af fasteignamarkaðnum. Dow Jones lækkaði um 1,09%, Standard & Poor´s lækkaði um 1,07% og Nasdaq lækkaði um 1,14%.

Bréf Eimskips féll um um tæp 45 prósent

Gengi hlutabréfa í Eimskipafélaginu féll um 44,44 prósent í einum viðskiptum upp á rúmar fjögur hundruð krónur í Kauphöllinni í dag og stendur það nú í hálfri krónu á hlut.

Verðmæti Gulldepluafurða er orðið um 800 milljónir kr.

Útflutningsverðmæti Gulldepluafurða eru nú orðið um 800 milljónir króna að mati Stefáns Friðrikssonar, aðstoðarframkvæmdastjóra Vinnslustöðvarinnar í Vestmannaeyjum.

Gjaldþrotabeiðnir vegna einstaklinga hafa þrefaldast

Fjöldi gjaldþrotabeiðna á hendur einstaklinga hefur þrefaldast milli áranna 2007 og 2008. Beiðnirnar voru 18 talsins árið 2007 en voru 46 talsins í fyrra.

Bankaráðsformaður Kaupþings hættir eftir tvo daga í starfi

Gunnar Örn Kristjánsson viðskiptafræðingur sem skipaður var í bankaráð Kaupþings í fyrradag, hefur óskað eftir því við fjármálaráðherra að láta af störfum. Gunnar Örn var kosinn formaður bankaráðs og tók við af Magnúsi Gunnarssyni sem hætti fyrir skömmu.

Mosaic Fashions tapaði 8,6 milljörðum kr. í fyrra

Tap Mosaic Fashions í Bretlandi eftir skatta nam 53,6 milljónum punda eða sem nemur tæplega 8,6 milljörðum kr. í fyrra. Til samanburðar má geta að tapið árið 207 nam 6,6 milljónum punda eða um 1,1 milljörðum kr..

Fékk 130 milljarða kr. inn á bankareikning sinn vegna mistaka

Það hlýtur að vera draumur allra í fjárhagskreppunni að fá óvænt tæpa 130 milljarða kr. setta inn á bankareikninginn sinn. Það gerðist hjá hinni sænsku Corneliu Johansson sem fékk þessa upphæð setta inn á reikning sinn hjá Nordea bankanum.

Skapar 25 ný fyrirtæki, 150 störf og 300 milljónir í gjaldeyri

Viðskiptasmiðjan hefur skapað 25 ný fyrirtæki, 150 ný störf, ríflega 500 milljóna króna fjárfestingu og 300 milljónir í gjaldeyristekjur.

Vísar gagnrýni Davíðs á bug - engir óeðlilegir eignaflutningar

Ármann Þorvaldsson, fyrrverandi forstjóri Kaupthing Singer & Friedlander, vísar ummælum Davíðs Oddssonar, seðlabankastjóra, í Kastljósi í gær á bug og segir enga óeðlilega eignaflutninga frá Kaupþing Singer & Friedlander til Íslands í aðdraganda bankahrunsins hafa átt sér stað.

Íbúðaverð aldrei lækkað jafnmikið milli mánaða síðan 2000

Samkvæmt mælingum Hagstofunnar lækkaði íbúðaverð á landinu öllu um 3% í febrúar frá fyrri mánuði sem meiri lækkun á milli mánaða en sést hefur frá upphafi vísitölunnar árið 2000.

Dótturfyrirtæki Straums selur í Finnlandi

eQ, dótturfyrirtæki Straumsí Finnlandi, tilkynnti í síðustu viku um sölu á fyrirtækinu Xenetic Ltd til fyrirtækisins Elisa Oj Corporation (Elisa) í Finnlandi.

Bretadrottning beðin um hjálp við Landsbankaskuldir

Fólk á eyjunni Jersey sem töpuðu miklu fé á hruni Landsbankans hafa beðið Elísabetu Bretadrottningu um hjálp við að ná innistæðum sínum út úr útibúi Landsbankans á Guernsey.

Fremur róleg byrjun í kauphöllinni

Fremur róleg byrjun var á markaðinum í kauphöllinni í morgun. Úrvalsvísitalan rétti aðeins úr kútnum eftir að hafa náð sögulegu lámarki í gær. Vísitalan hefur hækkað um 0,4% í fyrstu viðskiptum dagsins og stendur í 276 stigum.

Afnám gjaldeyrishafta er lykilatriði í fyrstu endurskoðun AGS

Heilsteypt áætlun um afnám gjaldeyrishaftanna verður lykilatriði í fyrstu endurskoðun Alþjóðagjaldeyrissjóðsins (AGS) á endurreisnaráætlun sjóðsins fyrir Ísland.

Marks & Spencer mótmæla hvalveiðum Íslendinga

Ein stærsta verslunarkeðja Bretlands, Mars & Spencer mótmælir fyrirhuguðum hvalveiðum Íslendinga. Ætlar Marks & Spencer að senda svipað bréf og verslunarkeðjan Waitrose til íslenskra stjórnvalda þar sem afstaða verslunarkeðjunnar verður útskýrð.

Vísitala neysluverðs mælir 10,9% verðbólgu s.l. 3 mánuði

Síðastliðna tólf mánuði hefur vísitala neysluverðs hækkað um 17,6% en vísitala neysluverðs án húsnæðis um 21,0%. Undanfarna þrjá mánuði hefur vísitala neysluverðs hækkað um 2,6% sem jafngildir 10,9% verðbólgu á ári.

Glitnir skóp fyrsta tap hjá Eksportfinans í 47 ár

Norska fjármálafyrirtækið Eksportfinans skilaði tapi á síðasta ári, hinu fyrsta í 47 ár eða síðan 1962 er fyrirtækið var stofnað. Gjaldþrot Glitnis er orsök tapsins sem hljóðar upp á 508 milljónir norskra kr. eða vel yfir 9 milljarða kr..

Íslensk stjórnvöld hætt við málaferli gegn Bretum

Íslensk stjórnvöld eru hætt við málaferli gegn bresku stjórninni vegna frystingar á eignum íslensku bankanna í Bretlandi. Þetta kemur fram í viðtali Finnacial Times við Gylfa Magnússon viðskiptaráðherra í dag.

Hækkun í Asíu

Hlutabréf í Asíu hækkuðu í verði í morgun eftir töluverða lækkun undanfarið en veiking japanska jensins hefur gert útflytjendum lífið auðveldara. Til dæmis hækkuðu bréf bílaframleiðandans Toyota um tæp fjögur prósent en meira en þriðjungur Toyota-bíla fer á markað í Bandaríkjunum. Fjárfestir í Sydney í Ástralíu segir hlutabréfaeigendur öruggari með sig nú en fyrr í vikunni. Þó sé ólíklegt að hækkunin sé til langframa.

Sex lönd sýna leit á Dreka­svæðinu áhuga

Rúmur tugur félaga frá sex löndum hefur skoðað gögn Orkustofnunar um olíuleit á Drekasvæðinu, svo vitað sé. einnig er hægt að nálgast flest gögnin á heimasíðu stofnunarinnar.