Auka umsvif vestanhafs

Baugur hyggst auka umsvif sín á Bandaríkjamarkaði eftir því sem fram kemur í viðtali við Jón Ásgeir Jóhannesson í Wall Street Journal í gær. Baugur hefur, samkvæmt heimildum Markaðarins, þegar keypt hluti í bandaríska lággjaldaflugfélaginu JetBlue.

Halldór og Davíð til Excel Airways

Steven Tomlinson, rekstrarstjóri, og Paul Roberts, fjármálastjóri breska leiguflugfélagsins Excel Airways Group, dótturfélags Avion Group, sögðu báðir upp störfum í gær í kjölfar þess að innri rannsókn félagsins leiddi í ljós að góðum reikningsskilavenjum var ekki fylgt við meðhöndlun afsláttar meðal annars á mat og drykkjum, sem veittur var gegn langtímasamningi Excel og Alpha Airports.

Bakkavör á 40% inni miðað við mat

Greiningardeild KB banka mælir með kaupum á hlutabréfum í Bakkavör og hækkar verðmat sitt úr 58,8 krónum á hlut í 62,5 krónur samkvæmt sjóðstreymislíkani. Telur bankinn að gott tækifæri hafi myndast til kaupa í Bakkavör en gengi Bakkavarar á mánudaginn stóð í 44 krónum á hlut. Er svigrúm til 42 prósenta hækkunar.

Milljarðatap í Straumi

Frá kaupum FL Group á 24,2 prósenta hlut í Straumi-Burðarási hefur markaðsvirði Straums fallið um þrjátíu milljarða króna. FL Group borgaði fyrir þennan fjórðungshlut Kristins Björnssonar og Magnúsar Kristinssonar á genginu 18,9 en um hádegisbil í gær kostaði hluturinn 16,1 krónu.

Minni fjárlagahalli í Bandaríkjunum

Stjórnvöld í Bandaríkjunum spá því að fjárlagahalli landsins lækki um 22 milljarða Bandaríkjadali eða sem nemur 1.600 milljörðum íslenskra króna á yfirstandandi fjárlagaári sem lýkur í september. Fjárlagahallinn vestra nam 318 milljörðum dala, jafnvirði tæpra 30.000 milljarða íslenskra króna, á síðasta fjárlagaári.

Hægir á í út­lánum banka

Vísbendingar eru um að útlán bankanna séu að dragast svo saman að Seðlabankanum sé það hugnanlegt. Öllum til hagsbóta, segir Davíð Oddsson seðlabankastjóri.

AP3 íhugar sölu í Yahoo

Sænski ríkislífeyrissjóðurinn AP3 hefur til skoðunar að selja öll hlutabréf sín í Yahoo, alls þrjú hundruð þúsund hluti, vegna grunsemda um að Yahoo hafi framið mannréttindabrot. Bandaríska félagið er sakað um að hafa komið gögnum til kínverskra stjórnvalda er áttu þátt í því að andófsmaðurinn, Shi Tao, var dæmdur til tíu ára tukthúsvistar.

FL syndir gegn straumnum

FL Group hefur verið allsráðandi á heimamarkaði síðustu vikurnar. Fjárfest fyrir 54 milljarða, einkum í Glitni og Straumi.

Norræni fyrirtækjamarkaðurinn sambærilegur þeim breska

Verslun með fyrirtæki blómstrar á Norðurlöndunum. Fréttaþjónustan Mergermarket gerði könnun á norræna fyrirtækjamarkaðnum sem fjallað var um í viðskiptablaðinu Börsen. Í könnuninni kemur fram að rúmlega 60% æðstu stjórnenda fyrirtækja á Norðurlöndum búast við því að umfang viðskipta með fyrirtæki eigi eftir að aukast á næstu árum. Þannig muni bæði fleiri fyrirtæki verða seld og fyrir meira fé.

Enginn pantaði risaþotu á árinu

Actavis og Barr berjast um bitana

Lyfjafyrirtækið Actavis virðist vera að berjast við bandaríska lyfjafyrirtækið Barr á tvennum vígstöðvum, að því er fram kemur í hálf fimm fréttum KB banka.

Fiskurinn dýrari

Ráðleggja sölu bréfa í HB Granda

Glitnir hefur gefið út nýtt verðmat á HB Granda sem er langt undir síðasta markaðsgengi, sem stóð í 12,2. Metur bankinn hlutinn í HB Granda á 7,4 krónur og hækkar eldra verðmat um nærri fimmtung. Ráðleggur bankinn fjárfestum að undirvega bréf í HB Granda til skemmri tíma og selja þau þegar til lengri tíma er litið.

Tveir starfsmenn flugfélagsins Excel Airways láta af störfum

Rekstarstjóri og fjármálastjóri flugfélagsins Excel Airways, sem er dótturfélag Avion Group, létu af störfum í gær. Jafnframt hafa tveir Íslendingar verið ráðnir til stjórnunarstarfa hjá félaginu.

Eignastýring KB banka vex hratt

Í úttekt tímaritsins Investment pension Europe (IPE), sem er fagtímarit á sviði lífeyrismála, kemur fram að eignastýring KB banka hafi verið með næst mestan vöxt á Norðurlöndunum í fyrra. Óx eignastýringin um 136 prósent á síðasta ári og námu eignir í stýringu tæpum 1.400 milljörðum króna í árslok.

Vöruskiptajöfnuður hagstæður í Kína

Mikill áhugi á bréfum Standard Life

IGS sektað um 60 milljónir króna

Áfrýjunarnefnd samkeppnismála hefur staðfest ákvörðun Samkeppniseftirlitsins frá því í marslok þar sem Flugþjónustan á Keflavíkurflugvelli (IGS) var sektuð fyrir að misnota markaðsráðandi stöðu sína. Áfrýjunarnefndin lækkaði þó sekt fyrirtækisins úr 80 milljónum króna í 60 milljónir.

Seðlar og ávísanir úr sögunni 2010?

Svo gæti farið að seðlar og ávísanir verði úreltur greiðslumáti eftir fjögur ár gangi spá Stewarts MacKinnons, formanns írsku greiðslustofnunarinnar, eftir. MacKinnon segir markvisst unnið að því að minnka notkun ávísana og seðla og sé horft til þess að kort og rafrænn greiðslumáti taki við frá og með 2010.

Fjárfestir í föðurlandinu

Landsbankinn spáir auknum stýrivaxtahækkunum

Landsbankinn hefur hækkað vexti sína, líkt og KB banki og Glitnir gerðu fyrr í dag. Greiningardeild Landsbankans bendir á að spá sín varðandi stýrivaxtahækkanir hafi verið nær lagi en spá samkeppnisaðilanna. Greiningardeildin hækkar einnig spá sína um áframhaldandi stýrivaxtahækkanir Seðlabankans.

Launavísitalan hækkaði um 0,9 prósent

Launavísitala Hagstofu Íslands hækkaði um 0,9 prósent í maí frá því í mánuðinum á undan. Þetta er mesta hækkun á milli mánaða síðan í mars árið 2001 ef litið er framhjá launahækkunum í janúar síðastliðnum, að sögn greiningardeildar KB banka. Verðlagshækkanir eru hins vegar meiri og því hefur kaupmáttur rýrnað um 0,3 prósent.

Glitnir hækkar vexti

Glitnir banki hefur ákveðið að hækka óverðtryggða vexti sína um 0,5 til 0,75 prósentustig, vexti á verðtryggðum inn- og útlánum um 0,3 prósentustig og húsnæðislán um 10 prósentustig. Hækkanirnar eru framhald af ákvörðun Seðlabanka Íslands að hækka stýrivexti um 75 punkta í dag. Breytingin tekur gildi frá og með þriðjudegi í næstu viku, 11. júlí.

Engar stýrivaxtabreytingar í Bretlandi

Stjórn Englandsbanka ákvað að loknum mánaðarlegum fundi sínum í dag að fylgja fordæmi evrópska seðlabankans og hækka ekki stýrivexti í dag. Þeir eru 4,5 prósent og hafa staðið óbreyttir í 11 mánuði.

Óbreyttir stýrivextir á evrusvæðinu

Stjórn seðlabanka Evrópu ákvað á vaxtaákvörðunarfundi sínum í dag að halda stýrivöxtum á evrusvæðinu óbreyttum í 2,75 prósentum. Búist er við að Jean-Claude Trichet, seðlabankastjóri Evrópu, muni boða hækkanir stýrivaxta í næsta mánuði.

Vöruskipti óhagstæð um 68 milljarða á árinu

Útflutningur í júní nam 22,5 milljörðum króna en innflutningur nam 38,1 milljarði króna. Þetta merkir að vöruskiptahallinn nam 15,6 milljörðum króna í einum mánuði, samkvæmt bráðabirgðatölunnar Hagstofunnar. Hallinn hefur aldrei verið meiri síðan Hagstofan hóf að birta mánaðartölur sínar árið 1989.

GM gegn samvinnu

Olíuverð fór í sögulegt hámark

Heimsmarkaðsverð á olíu náði sögulegu hámarki í gær í kjölfar tilraunaeldflaugaskots Norður-Kóreumanna á þriðjudag og vaxandi spennu vegna kjarnorkuáætlunar Írana. Tilraunir Norður-Kóreumanna urðu þess valdandi að fjárfestar héldu að sér höndum og lækkaði gengi hlutabréfa á helstu mörkuðum í Asíu og Evrópu.

Stýrivextir hækka um 75 punkta

Seðlabanki Íslands hefur ákveðið að hækka stýrivexti um 0,75 prósentustig og verða þeir 13 prósent. Hækkunin er í samræmi við spár greiningadeilda bankanna, sem spáðu um 50 til 75 punkta hækkun.

Fyrrum forstjóri Enron látinn

Kenneth Lay, stofnandi og fyrrum forstjóri bandaríska orkurisans Enron, lést í morgun af völdum hjartaáfalls. Hann var 64 ára. Kviðdómur í Texas fann Lay og Jeffrey Skilling, fyrrum samstarfsfélaga hans, seka um stórfelld fjár- og bókhaldsbrot í lok maí og áttu þeir yfir höfði sér áratuga fangelsisvist.

Tilraunaskot skekur markaðinn

Tilraunaskot Norður-Kóreumanna í gærkvöldi skók hlutabréfamarkaði í Suður-Kóreu, Japan og í Evrópu. Fjárfestar seldu hlutabréf sín og tryggðu fjármuni sína með kaupum á gulli með þeim afleiðingum að gengi hlutabréfa á mörkuðunum lækkaði nokkuð. Tilraunaskotið er sagt geta haft áhrif á ákvörðun seðlabanka landanna um hækkun stýrivaxta.

Fagnar samstarfi Renault, Nissan og GM

Franski bílaframleiðandinn Renault og japanski keppinautur þess, Nissan, ætla að hefja formlegar viðræður við bandaríska bílarisann General Motors (GM) um samstarf. Francois Loos, iðnaðarráðherra Frakklands, fagnaði samstarfinu í dag en setti fyrirvara við það vegna þeirra gríðarmiklu fjárhagsörðugleika sem GM stendur frammi fyrir.

Aukin verðbólga innan OECD

Verðbólga í aðildarríkjum Efnahags- og framfarastofnunarinnar, OECD, mældist 3,1 prósent í maí. Þetta er 0,4 prósentustiga hækkun frá apríl. Verðbólga hér á landi mældist 7,5 prósent í maí, samkvæmt OECD. Þetta er næstmesta verðbólgan innan aðildarríkja OECD en mest var hún í Tyrklandi.

Búast við mikilli eftirspurn eftir olíu

Heimsmarkaðsverð á olíu fór yfir 73 Bandaríkjadali á tunnu í framvirkum samningum á markaði í Lundúnum í Bretlandi. Þjóðhátíðardagur Bandaríkjamanna er í dag, 4. júlí, og hafa aldrei jafn margir verið á faraldsfæti frá því fyrir helgi og nú. Í kvöld og á morgun fara menn til síns heima og eykst eftirspurn eftir eldsneyti mikið vegna þessa.

Glitnir kaupir sænskt verðbréfafyrirtæki

Glitnir banki hefur lokið kaupum á öllu hlutafé í sænska verðbréfafyrirtækin Fisher Partners Fondkommission. Í tilkynningu Glitnis til Kauphallar Íslands segir að bæði fjármálaeftirlitið hér á landi og í Svíþjóð hafi formlega samþykkt kaupin.

Rætt um stýrivexti í Japan

Japanskir ráðamenn ræddu um næstu skref japanska Seðlabankans á þinginu í dag. Kaoru Yosano, banka- og efnahagsmálaráðherra landsins, sagði markaðsaðstæður vera komnar á þann veg að Seðlabankinn geti hækkað stýrivexti um 25 punkta í næstu viku. Vextir hafa staðið óbreyttir í núlli síðastliðin fimm ár.

Norkom valið í glæpaviðbúnað

Landsbanki Íslands, Glitnir og Sparisjóðirnir, ásamt Seðlabanka Íslands, hafa samið um not á sérhæfðum hugbúnaði Norkom Technologies til að bregðast við og verjast fjárplógsstarfsemi og peningaþvætti. Í tilkynningu sem Norkom sendi frá sér í gær segir að bankarnir séu með þessu einnig að bregðast við bæði lögbundnum ákvæðum og erlendum kröfum um ásættanlegar varnir.

Minni framleiðni í Bandaríkjunum

Framleiðni í Bandaríkjunum jókst minna í síðasta mánuði en búist var við. Ástæðan er hátt eldsneytis- raforku- og hrávöruverð. Fjármálafræðingar segja að þrátt fyrir þetta séu væntingar góðar því ofhitnunar gætir ekki í bandarísku efnahagslífi.

Glitnir spáir 50 til 75 punkta stýrivaxtahækkun

Greiningardeild Glitnis telur að Seðlabankinn muni hækka stýrivexti sína um 0,50 til 0,75 prósentustig. Ef af hækkun verður munu stýrivextir Seðlabankans verða á bilinu 12,75 til 13,0 prósent en þeir hafa ekki verið jafn háir í meira en áratug.

Cyntellect hætt við skráningu á iSEC

Bandaríska líftæknifyrirtækið Cyntellect, sem framleiðir tæki fyrir lyfja- og líftækniiðnaðinn, hefur hætt við skráningu á iSEC markað Kauphallar Íslands. ISEC markaður var opnaður í Kauphöll Íslands í dag, en hann á að veita litlum og meðalstórum fyrirtækjum tækifæri til vaxtar á hlutabréfamarkaði.

Virði hlutar BAE í Airbus rýr

Fjárfestingarbankinn Rothschild metur 20 prósenta hlut breska hergagnaframleiðandans BAE Systems í flugvélaframleiðandanum Airbus á 2,75 milljarða evrur, jafnvirði 268,.5 milljarða íslenskra króna. BAE Systems hafði vonast til að mat hlutarins yrði tvöfalt hærra.

Forstjóri FL Group furðar sig á stjórn LV

Hannes Smárason, forstjóri FL Group, furðar sig á vinnubrögðum stjórnar Lífeyrissjóðs verzlunarmanna (LV) sem hefur opinberlega auglýst fimm prósenta hlut sinn til sölu. Ég fæ ekki með nokkru móti séð hvernig þetta þjónar hagsmunum hluthafa og hagsmunum sjóðsfélaga að senda tölvupóst út um allan bæ og bjóða hlutinn með þeim hætti. Að hans mati er aðferðin, sem beitt er við söluna, til þess fallin að setja þrýsting á aðra hluthafa og vekja upp deilur meðal þeirra.

PLIVA biður hluthafa að halda að sér höndum

Actavis og ameríski lyfjarisinn Barr slást um króatíska samheitalyfjafyrirtækið PLIVA. Barr hefur hækkað boð sitt og Actavis reynir fjandsamlega yfirtöku. PLIVA segir að leggjast þurfi yfir tilboðin á ný því á báðum geti verið fletir sem varði við samkeppnislög í Bandaríkjunum.

Stjórn HB Granda verst yfirtökuhættu

Stjórn HB Granda hefur óskað eftir því að bréf félagsins verði afskráð af Aðallista Kauphallarinnar og skráð á nýja iSEC-markaðinn. Þetta gerir stjórnin til að varna því að félagið verði tekið af markaði og leyst upp.

Tuttugufaldast í virði á einu ári

Avion Group selur að öllum líkindum yfir meirihluta hlutafjár í dótturfélaginu Avion Aircraft Trading á næstu dögum. Ef af sölunni verður er ljóst að gríðarlegur söluhagnaður fellur til, enda er allt félagið metið á 7,5 milljarða króna (100 milljarða dala) en bókfært verðmæti bara brot af matsvirði, eða 375 milljónir króna.