6,5 prósentum muni á stýrivöxtum

Stýrivextir hér á landi eru nú 9 prósent, eða 6,5 prósentustigum hærri en í helstu viðskiptalöndunum þar sem þeir eru að meðaltali 2,5 prósent. Þetta veldur því að vaxtamunur við útlönd er 6,5 prósent á skammtímalánum að því er fram kemur í <em>Vegvísi</em> Landsbankans.

Átök í vændum um Íslandsbanka

Átök eru í vændum um yfirráð í Íslandsbanka og talið víst að Straumur búi sig undir lokaslaginn. Þetta er mat viðmælenda fréttastofunnar í ljósi hlutafjárkaupa æðstu yfirstjórnenda bankans í gær.

Þórólfur forstjóri Icelandic Group

Þórólfur Árnason, fyrrverandi borgarstjóri, var í gærkvöldi ráðinn forstjóri Icelandic Group sem er hið nýja heiti Sölumiðstöðvar hraðfrystihúsanna og Sjóvíkur. Þórólfur tekur við af Gunnari Svavarssyni.

Kaupir 94,1% í Eimskip

Avion Group, sem Magnús Þorsteinsson er meirihlutaeigandi að, hefur keypt hlut Burðaráss í Eimskipafélaginu, alls 94,1 prósent. Kaupverðið er tuttugu og þrír milljarðar íslenskra króna en samkvæmt upplýsingum fréttastofunnar stefnir Avion Group á að eignast allt félagið.

Avion í Kauphöllina innan 8 mánaða

Burðarás hefur selt Avion Group 94 prósenta hlut sinn í Eimskipafélagi Íslands. Stefnt er að skráningu Avion Group í Kauphöll Íslands eigi síðar en 31. janúar 2006.

Hagnaður SÍF tvöfaldaðist

Hagnaður SÍF, Sölusamband íslenskra fiskframleiðenda, tvöfaldaðist á milli ára og nam rúmlega 220 milljónum króna eftir skatta á fyrsta ársfjórðungi ársins. Í tilkynningu frá SÍF segir að góð söluaukning hafi orðið á öllum mörkuðum og framlegð aukist verulega.

Útiloka ekki frekari fjárfestingar

Avion Group útilokar ekki frekari fjárfestingar í flutningastarfsemi, þótt fyrirtækið sé nýbúið að festa kaup á næstum öllum bréfum í sjálfu Eimskipafélaginu. Stefnt er að skráningu Avion Group í Kauphöll Íslands eigi síðar en 31. janúar á næsta ári.

Gengi krónunnar áfram hátt

Gengi krónunnar verður hátt áfram út þetta ár og á næsta ári samkvæmt Morgunkorni Íslandsbanka. Þá mun gengisvísitalan sveiflast á bilinu 105 til 115 stig það sem eftir er árs en nú stendur hún í 112,5 stigum.

SH verður Icelandic Group

Samþykkt var á hluthafafundi Sölumiðstöðvar hraðfrystihúsanna sem haldinn var á Nordica hóteli síðdegis að breyta nafni félagsins í Icelandic Group. Þetta er fyrsti fundurinn sem haldinn er eftir samruna SH og Sjóvíkur en hluthafar Sjóvíkur eignast þriðjung í hinu sameinaða fyrirtæki.

Myndbandaleiga á Netinu

Fyrsta íslenska myndbandaleigan á Netinu hefur verið tekin í notkun. Um er að ræða nýjan afþreyingarvef þar sem hægt er að horfa á bíómyndir í gegnum Netið án endurgjalds.

Segir launakönnun ómarktæka

Það er óskynsamlegt og felur í sér sóun að mismuna í launum á grundvelli annars en hæfnis og framlags. Þetta segir Ari Edwald, framkvæmdastjóri Samtaka atvinnulífsins. Hann telur jafnframt að könnun Háskólans á Bifröst um launamun kynjanna sé ómarktæk.

Hyggst einbeita sér að flugrekstri

Magnús Þorsteinsson hefur ákveðið að selja eignarhluti sína í Samson eignarhaldsfélagi ehf. og Samson Holding. Félögin, sem fram til þessa hafa verið í eigu Magnúsar, Björgólfs Guðmundssonar og Björgólfs Thors Björgólfssonar, eiga hluti í Landsbanka Íslands og Burðarási.

Trúnaðarloforð réttlæti ekki lygi

Íþróttamenn, kaupsýslumenn, stjórnmálamenn, blaðamenn, - það er sama hvar gripið er niður, í öllum stéttum þjóðfélagsins má finna dæmi um menn sem reyna að ljúga sig úr vandræðum. Loforð um trúnað réttlætir þó ekki lygi, að mati siðfræðings á sviði viðskipta. Við skulum rifja upp nokkur dæmi um meinta ósannsögli sem fjallað hefur verið um opinberlega.

Magnús fer úr Samson

Magnús Þorsteinsson hefur selt Björgólfsfeðgum hlut sinn í Samson eignarhaldsfélagi ehf. og Samson Holding. Félögin eiga hluti í Landsbankanum og Burðarási. Í tilkynningu um viðskiptin segir að Magnús hyggist einbeita sér að fjárfestingum í almennri flugstarfsemi og flugrekstri, er þar vísað til þess að hann er aðaleigandi Avion Group.

Kærum Kers og Olís vísað frá

Áfrýjunarnefnd samkeppnismála hefur vísað frá kærum Kers og Olís vegna þeirrar ákvörðunar Samkeppnisstofnunar að veita Landssambandi íslenskra útvegsmanna aðgang að upplýsingum tengdum samráði olíufélaganna sem áður höfðu verið felldar úr úrskurði samkeppnisráðs vegna trúnaðar.

Lyfjasala undir væntingum

Sala á lyfjum frá Actavis stóð ekki undir væntingum á fyrsta fjórðungi ársins. Afkoman var jákvæð um rúmar 900 milljónir króna sem er 900 milljónum minna en á sama tíma í fyrra þegar Ramipril-hjartalyfin fóru á markað.

4,4 milljarða halli á vöruskiptum

Vöruskipti landsmanna við útlönd voru óhagstæð um 4,4 milljarða króna í síðasta mánuði, borið saman við sama mánuð í fyrra. Fluttar voru út vörur fyrir liðlega 17 milljarða en inn fyrir rúmlega 21 milljarð króna. Verðmæti útflutningsins jókst um tvö prósent í apríl 2005 miðað við apríl 2004 en verðmæti innflutningsins jókst um 21 prósent. Sjávarafurðir voru meirihluti þess sem flutt var út en mest var flutt inn af fólksbílum, fjárfestingarvöru og hrá- og rekstrarvöru.

Farþegum FL Group fjölgar áfram

Farþegum í millilandaflugi Icelandair fjölgaði um tæplega eitt prósent í apríl í ár í samanburði við apríl á síðasta ári og á fyrstu fjórum mánuðum ársins hefur farþegum flugfélagsins fjölgað um 9,9 prósent milli ára. Framboð félagsins og sala í mánuðinum var einnig nánast hin sama og á síðasta ári og var sætanýting einnig mjög svipuð og í apríl í fyrra, eða 72,7 prósent á móti 73,5 prósentum.

Bakkavör stærst í kældum matvælum

Bakkavör hefur borgað rífa 70 milljarða króna fyrir matvælafyrirtækið Geest í Bretlandi og er þar með orðin stærsti framleiðandi kældra matvæla í heimi.

Disney dreifir Latabæ í Evrópu

Forsvarsmenn Latabæjar og Disney-samsteypunnar skrifuðu í dag undir samning um rétt til að sýna Latabæjarþættina í Frakklandi, á Ítalíu og á Spáni. Enn er ekki ákveðið hvenær næsta þáttaröð verður framleidd.

Stærsta lýsisverksmiðja í heimi

Lýsi hf. tók í dag í notkun verksmiðju sem er sú stærsta sinnar tegundar í heiminum. Níutíu prósent af framleiðslu fyrirtækisins eru flutt út.

Meiri halli á vöruskiptum

Fyrstu fjóra mánuði ársins var mun meira flutt inn til landsins en frá því og var vöruskiptajöfnuðurinn óhagstæður um sextán milljarða króna, samkvæmt tölum frá Hagstofu Íslands. Á sama tímabili í fyrra var hallinn á vöruskiptum hins vegar 3,4 milljarðar. Í prósentum jókst hallinn tæplega fjórfalt. Vöruskiptin í apríl voru óhagstæð um 4,4 milljarða króna, sem er mikil breyting frá apríl árið 2004 þegar hallinn var 2,9 milljarðar á föstu gengi.

Stærsta verksmiðja sinnar tegundar

Lýsi hefur opnað nýjar höfuðstöðvar við Fiskislóð og tvöfaldast framleiðslugeta fyrirtækisins í nýja húsnæðinu. Nýja verksmiðjan er sú stærsta sinnar tegundar í heiminum. Framleiðslugetan er nú sex þúsund tonn á ári.

Lífeyrissjóðir sameinast

Fjórði til fimmti stærsti lífeyrissjóður landsins verður til um næstu áramót þegar Samvinnulífeyrissjóðurinn og Lífeyrissjóðurinn Lífiðin sameinast.

Fiskimjölsverksmiðjan seld

Samherji hf. hefur selt fiskimjölsverksmiðju sína í Grindavík til Síldarvinnslunnar hf. en sem kunnugt er hefur verksmiðjan ekki verið starfrækt frá því í byrjun febrúar síðastliðins eftir að mikill eldur kom upp í verksmiðjunni.

ASÍ bregst harkalega við

ASÍ bregst harkalega við yfirlýsingum fjármálaráðherra um vaxtabótakerfið. Ráðherrann telur koma til greina að endurskoða kerfið frá grunni. Samtök atvinnulífsins telja hins vegar fullt tilefni til að lækka vaxtabætur þar sem fasteignaviðskipti drífi áfram verðbólguna.  

Efnahagslífið ekki að ofhitna

Í nýrri skýrslu OECD er staðhæft að íslenskt efnahagslíf sé að ofhitna og til að mynda hafi verðbólga farið yfir ytri mörk Seðlabankans á undanförnum mánuðum. Fjármálaráðuneytið mótmælir þessu. 

Síminn: Bjóðendur opinberaðir

Bjóðendur í Símann verða opinberaðir í dag. Alls bárust fjórtán tilboð í fyrirtækið en að baki þeim standa þrjátíu og sjö fjárfestar, innlendir og erlendir. Tilboðunum var skilað inn fyrir réttri viku og hafa framkvæmdanefnd um einkavæðingu og ráðgjafar frá Morgan-Stanley farið yfir þau.

Hagræðingin að engu orðin

Hagræðingin sem heimilin í landinu náðu fram með uppgreiðslu yfirdráttarlána vegna endurfjármögnunar fasteignalána virðist að engu orðin. Skuldir vegna yfirdráttarlána eru nú jafnmiklar og fyrir skipulagsbreytinguna á íbúðalánamarkaðnum. Merki um mikla neyslu, segir forstöðumaður greiningardeildar Landsbankans.

Næstbesta afkoma frá upphafi

Flugleiðir, eða FL Group, skiluðu 25 milljóna króna hagnaði fyrstu þrjá mánuði ársins sem er um 880 milljónum króna betri afkoma en á sama tímabili í fyrra. Þetta er næstbesta afkoma af starfsemi félagsins á þessum árstíma frá upphafi.

Nöfn bjóðenda í Símann birt

Einkavæðingarnefnd hefur birt nöfn þeirra fyrirtækja og einstaklinga sem buðu í Símann en fjórtán óbindandi tilboð bárust í hlut ríkisins í fyrirtækinu. Tveir erlendir fjárfestar voru útilokaðir frá því að gera bindandi tilboð.

2 milljarða hagnaður Orkuveitunnar

Hagnaður Orkuveitu Reykjavíkur nam tæpum tveimur milljörðum króna á fyrstu þremur mánuðum ársins miðað við 340 milljónir á sama tíma í fyrra. Þetta kemur fram í árshlutauppgjöri sem Orkuveitan birti í dag. 

Tólf áfram

Tólf hópar munu fá tækifæri til að gera bindandi tilboð í Símann. Helmingur þeirra eru erlendir fjárfestar, en erlendir aðilar koma að tilboðum fleiri. Hópur kvenna í atvinnulífinu undir forystu fyrrverandi aðstoðarforstjóra Íslandssíma er á meðal þeirra sem komust í aðra umferð.

Hagnaður Símans þrefaldast

Hagnaður Símans á fyrsta ársfjórðungi þrefaldaðist á milli áranna 2004 og 2005. Hann var rúmir 1,2 milljarðar króna í ár en var á sama tímabili í fyrra 409 milljónir. Þetta kemur fram í tilkynningu frá Símanum. Þar segir einnig að Síminn hafi á tímabilinu selt öll hlutabréf sín í Straumi fjárfestingabanka hf. og nam hagnaður af sölunni eftir skatta 576 milljónum.

Nýr forstjóri Samskipa frá Mærsk

Fyrrverandi forstjóri Mærsk-skipafélagsins, Michael F. Hassing, verður næsti forstjóri Samskipa við hlið Ásbjörns Gíslasonar sem flytur sig um set til Íslands. Núverandi forstjóri, Knútur G. Hauksson, tekur við forstjórastarfi hjá Heklu.

Gengi krónu heldur áfram að hækka

Gengi krónunnar hækkaði í gær um 0,7 prósent og hefur haldið áfram að styrkjast í morgun. Hefur gengið hækkað um nær 4 prósent á rúmri viku. Á þessum tíma hefur dollarinn farið úr tæplega 67 krónum niður í ríflega 64 krónur, evran úr ríflega 84 krónum niður í ríflega 81 krónu og pundið úr 123 krónum niður í 118.

Yfirdráttarlán aftur í sama horf

Frá lokum febrúar hafa heimilin aukið yfirdráttarlán sín um rúma tvo milljarða króna. Aukningin kom að mestu leyti fram í mars enda jukust yfirdráttarlán heimilanna aðeins lítillega í apríl eða um rúmar 350 milljónir króna. Í lok apríl skulduðu heimilin 60,5 milljarða króna í yfirdráttarlán og eru yfirdráttarlánin því orðin jafn há og þau voru fyrir skipulagsbreytinguna á íbúðalánamarkaði.

Samskip auka hlutafé

Á næsta stjórnarfundi Samskipa verður tekin ákvörðun um að auka hlutafé félagsins um allt að fjóra milljarða króna til að fylgja eftir útrás þess. Boðað verður til hluthafafundar í kjölfar stjórnarfundar. Félagið verður ekki skráð á markað á þessu ári.

SPRON kaupir ekki Allianz

Áform SPRON um kaup á 80 prósenta hlut í Hringi eignarhaldsfélagi, sem er eignarhaldsfélag utan um rekstur Allianz á Íslandi, hafa runnið út um þúfur.

Fasteignamarkaðurinn nær áttum

Vísitala fasteignaverðs á höfuðborgarsvæðinu hefur hækkað um 30 prósent frá því í ágúst. Spáð er hækkunum fram á næsta ár þótt ekki sé útilokað að markaðurinn hafi náð hæstu hæðum. Borið hefur á því að fasteignir séu of lágt verðmetnar en tilhneigingin hefur einnig verið sú að seljendur spenni bogann of hátt með því að setja of hátt ásett verð<b><font face="Helv" color="#008080">. </font></b>

Stýrir gámaflutningastarfsemi ytra

Daninn Mikael Hassing, fyrrverandi forstjóri skipafélagsins Mærsk á Bretlandi, hefur verið ráðinn forstjóri Samskipa, við hlið Ásbjörns Gíslasonar. Hassing stýrir gámaflutningastarfsemi Samskipa erlendis.

Aukin samkeppni á skipaolíumarkaði

Samkeppni í olíusölu til skipa eykst í dag þegar Íslensk olíumiðlun hefur starfsemi. Norska olíuflutningaskipið Havstraum kom með fyrsta farm félagsins í birgðastöð þess í Neskaupstað í gær og hefst olíusalan í dag. Í tilkynningu frá Íslenskri olíumiðlun er því lofað að útgerðum standi til boða olía á hagstæðu verði.

Launavísitala hækkar um 0,5%

Launavísitalan hækkaði um hálft prósent í síðasta mánuði miðað við mánuðinn þar á undan. Síðustu tólf mánuði hefur launavísitalan hækkað um 6,7 prósent.

Þórólfur orðaður við SH

Þórólfur Árnason játaði hvorki né neitaði þegar fréttastofa Bylgjunnar hafði samband við hann og spurði hvort hann yrði næsti forstjóri SH. Vangaveltur hafa verið uppi að undanförnu hvort Þórólfur muni taka við starfi forstjóra SH þann 30. maí næstkomandi þegar hluthafafundur félagsins verður haldinn.

Föt 50% dýrari en í nágrannaríkjum

Fatnaður og skór eru tæplega fimmtíu prósentum dýrari hér á landi en í öðrum Evrópuríkjum. Þetta kemur fram í tölum sem hagstofa Evrópusambandsins birti nýverið.