FH-ingar hafa náð forystu

Íslandsmeistarar FH virðast staðráðnir í að misnota ekki enn eitt tækifærið til að tryggja sér þriðja titilinn í röð, en liðið hefur náð 1-0 forystu gegn Víkingi í Kaplakrika. Fjórir aðrir leikir standa nú yfir í næst síðustu umferð deildarinnar og hægt er að fylgjast náið með gangi mála á Boltavaktinni hér til hliðar á Vísi.is.

HK í Landsbankadeildina

Kópavogsliðið HK tryggði sér í dag sæti í Landsbankadeildinni ásamt Fram á næstu leiktíð, þrátt fyrir að tapa 1-0 fyrir Safamýrarliðinu í lokaumferðinni í dag. Á sama tíma tapaði Fjölnir 1-0 fyrir KA fyrir norðan og því hélt HK öðru sætinu í deildinni.

Góður sigur hjá Reading

Íslendingalið Reading nældi sér í þriðja sigur sinn í ensku úrvalsdeildinni í dag þegar liðið lagði nýliða Sheffield 2-1 á útivelli. Kevin Doyle og Seol Ki-Hyeon skoruðu mörk Reading, en Rob Hulse minnkaði muninn fyrir heimamenn. Everton og Wigan skildu jöfn 2-2 í hörkuleik þar sem Paul Scharner skoraði tvö mörk fyrir Wigan, en þeir Andy Johnson og James Beatty mörk Everton. Bolton og Middlesbrough gerðu markalaust jafntefli.

Óvænt úrslit í dag

Nokkuð var um óvænt úrslit í þýsku úrvalsdeildinni í knattspyrnu í dag, en sex leikir voru á dagskrá. Meistarar Bayern Munchen fengu 2-1 skell fyrir Bielefeld á útivelli og Werder Bremen tapaði 3-2 á heimavelli fyrir Stuttgart. Úrslit dagsins og markaskorara má sjá á Boltavaktinni hérna neðar á síðunni.

Loksins sigur hjá Hannover

Þýska úrvalsdeildarliðið Hannover vann í gærkvöld sinn fyrsta leik í þýsku úrvalsdeildinni í knattspyrnu þegar liðið lagði granna sína í Wolfsburg 2-1 á útivelli. Hannover skaust upp af fallsvæðinu með sigrinum, en Gunnar Heiðar Þorvaldsson kom ekki við sögu hjá Hannover í leiknum.

Reading í fínum málum í hálfleik

Íslendingalið Reading hefur yfir 2-0 í hálfleik á útivelli gegn Sheffield United í ensku úrvalsdeildinni. Kevin Doyle og Seol Ki-Hyeon skoruðu mörk Reading. Staðan í leik Bolton og Middlesbrough er jöfn 0-0, líkt og í leik Everton og Wigan.

Wayne Rooney hefur ekki gert neitt

Harðjaxlinn Roy Keane er enn með munninn fyrir neðan nefið og í helgarviðtali við breska blaðið The Sun, segir Keane meðal annars að hann haldi aðeins sambandið við sjö af fyrrum félögum sínum í Manchester United og segir að þó Wayne Rooney hafi vissulega bjarta framtíð fyrir sér - þurfi fólk ekkert að missa sig yfir honum, því hann hafi ekki unnið okkurn skapaðan hlut á knattspyrnuvellinum hingað til.

Sár vonbrigði að ná ekki í landsliðið

David Beckham hefur gefið það upp að sér hafi sárnað mikið þegar Steve McClaren landsliðsþjálfari Englendinga tilkynnti honum að hann hefði ekki valið hann í hóp sinn eftir HM. Beckham er staðráðinn í að vinna sér sæti í hópnum á ný.

Ívar í byrjunarliði Reading

Ívar Ingimarsson er að venju í byrjunarliði Reading í dag, en liðið sækir nýliða Sheffield United heim í ensku úrvalsdeildinni í dag. Brynjar Björn Gunnarsson er á varamannabekk Reading, sem náði raunar forystu í leiknum eftir aðeins 15 sekúndur og þar var að verki Kevin Doyle. Þá eru einnig á dagskrá leikir Bolton og Middlesbrough og Wigan og Everton tekur á móti Wigan.

Frábær byrjun Portsmouth

Portsmouth hefur heldur betur byrjað vel í ensku úrvalsdeildinni og í fyrsta leik dagsins unnu lærisveinar Harry Redknapp góðan sigur á Hermanni Hreiðarssyni og félögum í Charlton 1-0 og eru fyrir vikið komnir í toppsæti deildarinnar með 13 stig eftir 5 leiki. Það var Lomana Lua Lua sem skoraði sigurmark Portsmouth eftir að hafa komið inn sem varamaður, en liðið hefur enn ekki fengið á sig mark í úrvalsdeildinni.

Chelsea á höttunum eftir hinum nýja Ronaldinho

Enska úrvalsdeildarfélagið Chelsea er að sögn Sky-sjónvarpsstöðvarinnar að fylgjast mjög náið með brasilíska undrabarninu Anderson hjá Porto, en sá er aðeins 17 ára gamall og er almennt álitinn besti leikmaður Suður-Ameríku á sínum aldri.

Orðaður við bandaríska landsliðið

Sænski knattspyrnuþjálfarinn Sven-Göran Eriksson, sem lét af störfum sem landsliðsþjálfari Englendinga eftir HM í sumar, er nú orðaður við stöðu landsliðsþjálfara Bandaríkjanna. Fréttir frá Bandaríkjunum herma að Eriksson hafi átt fund með knattspyrnusambandinu þar í landi, en auk hans hafa þeir Jurgen Klinsmann og Jose Pekerman verið nefndir til sögunnar sem líklegir eftirmenn Bruce Arena.

Zlatan verður ekki með Svíum gegn Íslendingum

Framherjinn Zlatan Ibrahimovic verður ekki með landsliði Svía þegar það sækir okkur Íslendinga heim í undankeppni EM í byrjun næsta mánaðar. Zlatan átti fund með Lars Lagerback í gær og þar var ákveðið að hann yrði ekki með landsliðinu í október þegar það mætir Íslendingum og Spánverjum í riðlakeppninni.

Gagnrýnir sofandi stuðningsmenn

Sir Alex Ferguson, stjóri Manchester United, segir stóran hluta stuðningsmanna liðsins vera steinsofandi á deildarleikjum liðsins og kallar eftir því að þeir taki sér stuðningsmenn Glasgow Celtic til fyrirmyndar, því þeir hafi mynda ótrúlega stemmingu á leik liðanna í meistaradeildinni í vikunni.

Menn þora ekki að spila fótbolta

Teitur Þórðarson segir það agjört lykilatriði fyrir framþróun íslenskrar knattspyrnu að fjölga liðum í efstu deild. Í samtali við Þorstein Gunnarsson á NFS í kvöld sagði Teitur að vegna þess hve fá lið séu í Landsbankadeildinni, sé hver leikur það mikilvægur að liðin þori einfaldlega ekki að spila fótbolta.

Juventus heldur mér nauðugum

Franski framherjinn David Trezeguet heldur því fram við fjölmiðla í heimalandi sínu að forráðamenn Juventus haldi honum nauðugum hjá félaginu eftir að það féll í B-deildina á Ítaliu í kjölfar þátttöku þess í knattspyrnuskandalnum fræga.

Henry á 10-15% möguleika á að spila

Arsene Wenger gæti lent í nokkrum vandræðum með að manna framherjastöður sínar gegn Manchester United á sunnudaginn. Hann segir að Thierry Henry eigi 10-15% möguleika á að spila leikinn og verði að öllum líkindum ekki einu sinni á varamannabekknum. Sömu sögu er að segja af hollenska framherjanum Robin van Persie, sem er einnig tæpur eftir að hafa meiðst í leiknum gegn Hamburg í meistaradeildinni.

Tilbúinn að sættast við Benitez

Jose Mourinho hefur nú tekið undir sáttaumleitanir Rafa Benitez, knattspyrnustjóra Liverpool, og segist tilbúinn að taka í hönd hans og gleyma rifrildum fortíðarinnar. Hann varar þó Spánverjann við því að taka í hönd sína ef það sé aðeins til að stilla sér upp fyrir myndatöku.

Chelsea átti aldrei að selja Gallas

Framherjinn Didier Drogba sagði í samtali við breska fjölmiðla í dag að Chelsea hefði aldrei átt að selja franska varnarmanninn William Gallas til Arsenal og segir hann vera einn besta varnarmann í heiminum.

Ekkert að marka sterka byrjun Manchester United

Arsene Wenger segir að enn sé ekki að marka sterka byrjun Manchester United í ensku úrvalsdeildinni í knattspyrnu og segir að það taki lágmark tíu leiki að sjá hvar liðið stendur. Arsenal hefur enn ekki unnið leik í deildinni og segja má að Lundúnaliðið sé í vondum málum ef það tapar á Old Trafford á sunnudaginn.

Keppnisbanni aflétt í Ísrael

Knattspyrnusamband Evrópu hefur nú aflétt heimaleikjabanninu sem verið hefur á lands- og félagsliðum þar í landi síðan í upphafi ágúst vegna þeirrar miklu ólgu sem verið hefur í landinu. Landslið Ísraela og félagsliðin þar í landi verða þó að halda sig við Tel Aviv, en það er eina borgin sem UEFA vildi gefa grænt ljós á enn sem komið er.

50 ár frá Ólympíuleikunum í Melbourne

Fyrrum frjálsíþróttakappinn og margfaldur íþróttamaður ársins, Vilhjálmur Einarsson, mun í nóvember halda á sérstaka afmælishátið Ólympíuleikanna í Melbourne þar sem þess verður minnst að hálf öld er frá því leikarnir voru haldnir þar í borg. ÍSÍ hefur ákveðið að bjóða Vilhjálmi út á hátíðina, en hann vann sem kunnugt er til silfurverðlauna í þrístökki á leikunum og varð fyrstur Íslendinga til að komast á verðlaunapall á Ólympíuleikum.

Spilaði sinn síðasta landsleik á Íslandi

Harðjaxlinn Thomas Gravesen hjá Glasgow Celtic hefur tilkynnt að hann sé hættur að spila með danska landsliðinu og því er ljóst að síðasti landsleikur hans á ferlinum var hér á Laugardalsvelli á dögunum. Gravesen er þrítugur og á að baki 66 landsleiki og þrjú stórmót, en hann segist nú ætla að einbeita sér að því að spila með félagsliði sínu.

Dagur ráðinn framkvæmdastjóri Vals

Dagur Sigurðsson hættir í vor sem þjálfari og leikmaður austurríska handknattleiksliðsins Bregens og verður framkvæmdastjóri Vals. Dagur segir að sér hafi staðið ýmislegt til boða en uppbyggingin á Hlíðarenda hafi verið verkefni sem heillaði hann hvað mest. Þorsteinn Gunnarsson greindi frá þessu í íþróttafréttum á NFS nú í hádeginu.

Willum framlengir við Val

Willum Þór Þórsson hefur framlengt samning sinn við Valsmenn um tvö ár og verður því samningsbundinn félaginu næstu þrjú árin. Willum hefur náð ágætum árangri með Val síðan hann tók við liðinu og undir hans stjórn varð liðið bikarmeistari á síðustu leiktíð. Þetta kemur fram á vef Valsmanna í dag.

Sao Paulo - Boca Juniors í beinni í nótt

Það verður sannkallaður stórleikur á dagskrá Sýnar í nótt klukkan hálf eitt þegar erkifjendurnir Sao Paulo og Boca Juniors mætast í meistarakeppni félagsliða í Suður-Ameríku. Þarna mætast tvö af sterkustu liðum Brasilíu og Argentínu á knattspyrnuvellinum og því ljóst að litlir kærleikar verða milli liðanna í nótt.

Arenas ætlar að hefna sín á þjálfurum sínum

Skorunarmaskínan Gilbert Arenas hjá Washington Wizards hugsar þjálfurum sínum hjá bandaríska landsliðinu nú þegjandi þörfina eftir að hann komst ekki í lokahópinn á HM í Japan á dögunum og ætlar að hefna sín rækilega á þeim þegar deildarkeppnin í NBA hefst síðar í haust.

West Ham lá á heimavelli

Enska úrvalsdeildarliðið West Ham tapaði í kvöld 1-0 fyrir ítalska liðinu Palermo á heimavelli í Evrópukeppni félagsliða. Argentínumennirnir Carloz Tevez og Javier Mascherano spiluðu sinn fyrsta leik í byrjunarliði Lundúnaliðsins í kvöld, en þó sá fyrrnefndi hafi virkað sprækur, náði hann ekki að afstýra slæmu tapi gegn öguðu og varnarsinnuðu ítalska liðinu.

Blackburn gerði jafntefli við Salzburg

Enska úrvalsdeildarliðið Blackburn hafði ekki heppnina með sér í kvöld þegar liðið sótti Salzburg heim í fyrri leik liðanna í Evrópukeppni félagsliða. Salzburg náði forystu eftir hálftíma leik, en enska liðið náði forystu skömmu síðar með mörkum frá Robbie Savage og Benni McCarthy á 7 mínútna kafla. Heimamenn náðu svo að jafna með marki eftir hornspyrnu þegar tvær mínútur voru komnar fram yfir venjulegan leiktíma.

Lúðarnir fara upp á Skaga

Vikulegur sjónvarpsþáttur um knattspyrnufélagið Nörd verður á dagskrá Sýnar klukkan 21:15 í kvöld, en þar munu hinir jákvæðu lúðar meðal annars halda upp á Skipaskaga, þar sem þeir munu etja kappi við lið heimamanna.

Henry og Van Persie tæpir

Svo gæti farið að bæði Thierry Henry og Robin Van Persie yrðu frá vegna meiðsla á sunnudaginn þegar lið þeirra Arsenal mætir Manchester United í sannkölluðum risaslag í ensku úrvalsdeildinni.

Lennon fer í aðgerð á laugardag

Breska sjónvarpið hefur nú staðfest að enski landsliðsmaðurinn Aaron Lennon hjá Tottenham muni fara í aðgerð vegna hnémeiðsla á laugardaginn og reiknað er með því að hann verði frá keppni í sex vikur. Þetta er mikið áfall fyrir lið Tottenham, sem þrátt fyrir góðan sigur í Evrópukeppninni í kvöld, hefur byrjað afleitlega í ensku úrvalsdeildinni.

Tottenham lagði Slavia Prag

Enska úrvalsdeildarliðið Tottenham átti vel heppnaða endurkomu í Evrópukeppnina í kvöld þegar liðið lagði tékkneska liðið Slavia frá Prag 1-0 á útivelli í fyrri leik liðanna í Evrópukeppni félagsliða. Það var Jermaine Jenas sem skoraði eina mark leiksins undir lok fyrri hálfleiks og enska liðið því í ágætum málum fyrir síðari leikinn á heimavelli eftir hálfan mánuð.

Ísland - Noregur á laugardaginn

Íslenska kvennalandsliðið í körfubolta spilar tímamótaleik í Keflavík klukkan 14 á laugardag þegar liðið tekur á móti Norðmönnum í fyrsta heimaleik sínum í Evrópukeppni. Hitaveita Suðurnesja ætlar að bjóða áhugasömum frítt á leikinn á laugardag. Íslenska liðið lék sinn fyrsta Evrópuleik gegn Hollendingum á dögunum og tapaði þá naumlega, en rétt er að hvetja sem flesta til að mæta í Sláturhúsið á laugardaginn til að styðja við bakið á stúlkunum.

Gæti þurft í aðgerð

Forráðamenn Tottenham hafa nú vaxandi áhyggjur af því að enski landsliðsmaðurinn Aaron Lennon þurfi að fara í aðgerð á hné eftir að leikmaðurinn ungi tilkynnti að hann treysti sér ekki til að vera í leikmannahópi liðsins í Evrópuleiknum gegn Slavia Prag, sem nú stendur yfir.

Blikastúlkur töpuðu fyrir Frankfurt

Kvennalið Breiðabliks tapaði í dag 5-0 fyrir Evrópumeisturum Frankfurt í öðrum leik sínum í 16-liða úrslitum Evrópukeppni félagsliða. Breiðablik spilar lokaleik sinn í 16-liða úrslitunum um helgina og með sigri í þeim leik getur liðið tryggt sér áframhaldandi þáttöku í keppninni.

Newcastle hafði sigur í Eistlandi

Enska úrvalsdeildarliðið Newcastle hafði nauman 1-0 sigur á liði Tallin frá Eistlandi í fyrri leik liðanna í Evrópukeppni félagsliða í dag. Það var Antoine Sibierski sem skoraði sigurmark Newcastle með skalla eftir sendingu frá Damien Duff, en Sibierski var að spila sinn fyrsta leik fyrir félagið síðan hann kom frá Manchester City.

Atli Eðvaldsson hættur hjá Þrótti

Atli Eðvaldsson ætlar að hætta að þjálfa knattspyrnulið Þróttar í 1. deildinni eftir lokaleik liðsins gegn Stjörnunni á laugardag. Þetta kemur fram í fréttum NFS í kvöld, en Hans Steinar Bjarnason ræðir við Atla í íþróttafréttum klukkan 18:12 á NFS.

Íslandsmótið í Hálandaleikum um helgina

Hið árlega Íslandsmóti í Hálandaleikum fer fram á Akranesi um helgina, en þarna er um að ræða lokamót sumarsins í Kraftasportsseríunni. Keppt verður í lóðakasti, sleggjukasti, staurakasti og steinakasti. Keppnin hefst við Skógræktina á Akranesi klukkan 14 á laugardaginn.

Woods úr leik á heimsmótinu í höggleik

Stigahæsti kylfingur heims, Bandaríkjamaðurinn Tiger Woods, féll óvænt úr leik í fyrstu umferð á heimsmótinu í höggleik sem nú stendur yfir á Englandi. Woods tapaði fyrir landa sínum Shaun Micheel 4-3 og er því úr leik líkt og Jim Furyk og Ernie Els, svo segja má að mikið sé um óvænt úrslit í fyrstu umferð mótsins.

Benitez vill sættast við Mourinho

Rafa Benitez, knattspyrnustjóri Liverpool, segir að nóg sé komið af ósætti hans og Jose Mourinho hjá Chelsea og segist ætla að bjóðast til að taka í höndina á honum þegar liðin mætast á Stanford Bridge á sunnudaginn.

Sterkasti fatlaði maður heims um helgina

Keppnin sterkasti fatlaði maður heims fer fram dagana 15. til 16. sept. Keppendur að þessu sinni eru frá Íslandi ,Finnlandi, Svíþjóð og Færeyjum. Þetta er í 5 skipti sem mót þetta er haldið hér á landi en Íslendingar eru frumkvöðlar í mótshaldi að þessu tagi fyrir fatlaðra.

Jón Arnór fer ekki með til Austurríkis

Landsliðsmaðurinn Jón Arnór Stefánsson getur ekki spilað með íslenska körfuboltalandsliðinu þegar það sækir Austurríkismenn heim á laugardag eftir að hann sneri sig illa á ökkla á upphafsmínútum leiksins gegn Lúxemburg í Keflavík í gærkvöld. Arnar Freyr Jónsson, leikmaður Keflavíkur, hefur verið valinn í landsliðshópinn í stað Jóns Arnórs, en þetta er vitanlega nokkuð áfall fyrir landsliðið sem þarf nauðsynlega á sigri að halda á laugardag til að eiga möguleika á sæti í A-deildinni.

Þráir að gerast stjóri hjá toppliði

Sænski knattspyrnustjórinn Sven-Göran Eriksson, sem verið hefur atvinnulaus síðan hann hætti með enska landsliðið, sagði í samtali við breska blaðið The Sun í dag að hann vildi gjarnan fara að komast í þjálfarastólinn á ný og þá hjá einu stórliðanna á Englandi.

Harewood framlengir við West Ham

Enska úrvalsdeildarfélagið West Ham hefur framlengt samning sinn við framherjann Marlon Harewood til ársins 2010. Harewood skrifaði reyndar undir nýjan samning fyrir aðeins ári síðan, en hefur nú fengið betri samning í kjölfar þess að hann varð markahæsti leikmaður liðsins á síðustu leiktíð. Hann er 27 ára gamall og skoraði 16 mörk á síðustu leiktíð þegar West Ham náði undraverðum árangri á sinni fyrstu leiktíð í úrvalsdeildinni í mörg ár.