Bush hvetur til algers banns á hjónaböndum samkynhneigðra

Bush hvatti öldungadeildina í gær til þess að samþykkja viðauka við stjórnarskránna sem geri ráð fyrir algjöru banni við hjónaböndum samkynhneigðra. Hjónaband milli manns og konu væri grundvöllur siðmenningar og við því mætti ekki hrófla. En þó að þetta útspil forsetans gleðji harðlínumenn innan repúblikanaflokksins ósegjanlega og styrki stöðu hans í þeirra hópi, er ólíklegt að það nái fram að ganga. Til þess þyrftu tveir þriðju hlutar beggja þingdeilda að samþykkja það. Flestir flokksbræður Bush styðja þessa hugmynd, en það er bara ekki nóg, því að búist er við að allir demókratar nema einn í öldungadeildinni muni hafna tillögunni og nokkrir hófsamir Repúblikanar að auki. Nokkrir Demókratar létu rækilega í sér heyra í öldungadeildinni í gær vegna málsins og gagnrýndu að það skyldi yfir höfuð vera til umræðu á sama tíma og blóðugt stríð geysaði í Írak og landið væri skuldum vafið.

Næstu ár gætu orðið enn mannskæðari

Meira en eitt hundrað milljónir gætu látist af völdum alnæmis í Afríku einni saman á næstu tuttugu og fimm árum, gangi svartsýnustu spádómar Sameinuðu Þjóðanna eftir. Nú eru liðin tuttugu og fimm ár síðan alnæmi greindist fyrst og síðan þá hafa tuttugu og fimm milljónir látið lífið af völdum sjúkdómsins í heiminum. Margt bendir til að næstu tuttugu og fimm ár gætu orðið enn mannskæðari. Miðað við mannfjöldaspár og útbreiðslu sjúkdómsins gætu meira en þrjátíu milljónir fallið á Indlandi og meira en eitt hundrað milljónir í Afríku einni.

Þjóðaratkvæðagreiðsla um hvort viðurkenna eigi Ísrael

Mahmoud Abbas, forseti Palestínu, hefur ákveðið að boða til þjóðaratkvæðagreiðslu um hvort Palestínumenn eigi að viðurkenna Ísraelsríki.

Klónað múldýrakyn á verðlaunapalli

Tvö klónuð múldýr voru í fyrsta og öðru sæti á árlegum múldýraveðreiðum í Nevada í Bandaríkjunum um helgina. Múldýrin tvö eru bræður.

The Sun grefur upp klámmyndir af Heather Mills McCartney

Breska dagblaðið The Sun birtir í dag svæsnar klámmyndir af Heather McCartney, fyrrverandi eiginkonu bítilsins fræga. Myndirnar eru teknar löngu áður en hún kynntist Sir Paul McCartney.

Nýjar fjöldagrafir fundnar í Írak

Átján nýjar fjöldagrafir, frá stjórnartíð Saddams Hussein, hafa fundist í Írak. Líklegt er talið að í þeim séu fórnarlömb sjíta-múslima sem Saddam lét myrða. Grafirnar fundust í eyðimörkinni í suðvesturhluta landsins. Talið er að þær séu frá því sjíamúslimar gerðu uppreisn gegn Saddam árið 1991. Í annarri gröfinni hafa fundist líkamsleifar tuttugu og átta karlmanna á aldrinum 20 til 35 ára. Hendur þeirra hafa verið bundnar fyrir aftan bak, og það hefur verið bundið fyrir augu þeirra, áður en þeir voru skotnir. Réttarlæknar sem eru að grafa upp beinagrindurnar hafa einnig fundið mikið magn af skothyklkjum og byssukúlum. Aðeins er búið að grafa upp eina af fjöldagröfunum átján, enn sem komið er. Hinar verða opnaðar ein af annarri, á næstu misserum. Talið er að yfir eitthundrað og áttatíu þúsund shía múslimar hafi verið myrtir árið 1991, þegar þeir gerðu uppreisn gegn forsetanum, í kjölfar fyrra persaflóastríðsins.

Andstæðingur Chavez forseti í Perú

Svarinn andstæðingur Hugos Chavez sigraði í forsetakosningum í Perú í gær. Hann segist ætla að bæta fyrir fyrri forsetatíð sína, þegar verðbólga rauk upp og landið rambaði á barmi gjaldþrots.

Olíuverð á heimsmarkaði í uppnámi

Heimsmarkaðsverð á hráolíu rauk upp í morgun, eftir að æðsti leiðtogi Írana ýjaði að því í gær að röng nálgun Bandaríkjamanna í kjarnorkudeilunni gæti haft áhrif á olíuframboð. Tunnan af hráolíu var komin yfir sjötíu og þrjá dollara í Bandaríkjunum í morgun.

Íranar tilbúnir til viðræðna

Íranar eru tilbúnir til viðræðna um kjarnorkuáætlanir sínar en segja Bandaríkjamenn ekki setja skilyrðin. Forseti landsins segir Írana aldrei munu gefa upp rétt sinn til að auðga úran. Forsetinn sagði þó í gær að Íranar myndu athuga og íhuga vel þau tilboð sem kæmu frá fulltrúm þeirra fimm ríkja sem eiga fast sæti í Öryggisráði Sameinuðu þjóðanna.

Minningarathöfn á Torgi hins himneska friðar

Fjöldi lögreglumanna stóð vaktina á Torgi hins himneska friðar í Peking, höfuðborg Kína í dag. Sautján ár eru síðan herinn lét til skarar skríða gegn námsmönnum á torginu sem kröfðust lýðræðis í landinu. Hundruð, jafnvel þúsundir námsmanna féllu í slagnum.

Hægrimenn sigruðu í þingkosningum í Tékklandi

Hægrimenn sigruðu í þingkosningum í Tékklandi sem fram fóru í gær með rúmlega 35 prósent atkvæða. Jafnaðarmannaflokkurinn sem þótti sigurstranglegastur fyrir kosningarnar fékk rúmlega 32 prósent. Þrír aðrir flokkar fengu yfir fimm prósenta fylgi, sem var skilyrði fyrir því að flokkarnir fengju þingmenn.

Svartfjallaland orðið sjálfstætt ríki

Svartfellingar lýstu í gærkvöld yfir sjálfstæði landsins eftir að þingið samþykkti samhljóða tillögu þess efnis í samræmi við niðurstöður þjóðaratkvæðagreiðslu nýlega. Ranko Krivokapic, forseti svartfellska þingsins, las upp yfirlýsinguna og sagði að með þessu væri ríkjasambandi við Serbíu formlega slitið.

Pólskir læknar ráðnir til starfa í Danmörku

Á meðan danskir hjúkrunarfræðingar eru ráðnir á Landspítala-háskólasjúkrahús, þá eru pólskir læknar ráðnir til starfa í Danmörku. Á fréttavef Jyllands Posten er greint frá að pólskir læknar hafi nú verið ráðnir á einkastofur á Norður Jótlandi en í fyrstu voru þeir einkum ráðnir á ríkisreknu sjúkrahúsin. Pólsku læknarnir eru ráðnir samkvæmt dönskum samningum en þeim er frjálst að segja upp samningum hvenær sem er.

Danir vilja kalla danska hermenn heim frá Írak

Um helmingur Dana vill kalla heim danskar hersveitir frá Írak samkvæmt nýlegri skoðanna könnun þar í landi. Politiken greinir frá því að stuðningur Dana við þátttöku í Íraksstríðinu sé hverfandi en árið 2004 voru um 72% Dana fylgjandi því að senda danska hermenn til Írak en einungis um 40% nú. Samkvæmt varnarmálaráðherra Danmerkur, Søren Gade, eru þó litlar líkur á að danskir hermenn verði kallaði heim í nánustu framtíð.

Serbía lýsir brátt fyrir sjálfstæði

Júgóslavía heyrir sögunni til í næstu viku þegar Serbía, síðast lýðveldanna, lýsir opinberlega yfir sjálfstæði. Aðeins Svartfjallaland og Serbía eru eftir af því lýðveldum sem Júgóslavía eitt sinn var en landið samanstóð af Slóveníu, Bosníu-Herzegovinu, Króatíu, Makedóníu, Albaníu, Svartfjallalandi og Serbíu.

Tólf manns slösuðust í sprengingu í Tyrklandi

Alls slösuðust tólf manns þegar sprengja sprakk við verslunarmiðstöð í borginni Mersin um 450 kílómetra suður af höfuðborginni Ankara í morgun. Enginn hefur lýst ódæðinu á hendur sér en kúrdískir hryðjuverkamenn hafa áður notað svipaðar aðferðir. Enginn þeirra slösuðu eru í lífshættu. Þá brotnuðu rúður í nokkrum verslunum í verslunarmiðstöðinni.

Maður særðist í aðgerðum hryðjuverkalögreglu

Maður særðist, þó ekki alvarlega, þegar hryðjuverkalögreglan í Bretlandi réðst inn í hús hans í Lundúnum í gær og skaut hann. Talið var að í húsinu væru búin til efnavopn. Yfir 250 lögreglumenn tóku þátt í árásinni og er aðgerð hryðjuverkalögreglunnar þar í landi ein sú umfangsmesta í langan tíma. Maðurinn sem skotinn var er 23 ára. Hann er nú á sjúkrahúsi og á batavegi. Grunsemdir lögreglunnar virtust þó ekki á rökum reistar því engin ummerki um vopnagerð, funndust í húsinu.

Fylgdu reglum

Bandaríski herinn segir að ekkert bendi til þess að bandarískir hermenn hafi drepið ellefu óbreytta borgara í húsi í bænum Ishaqi í Írak þann 15. mars síðastliðinn.

Geimstöðin fær andlitslyftingu

Í upphafi júnímánaðar huga eflaust margir að því að dytta af húsum sínum og híbýlum.

Lögleyfing heróíns gefur góða raun í Sviss

Nýjum sprautufíklum í Zürich hefur snarfækkað eftir að yfirvöld fóru sjálf að láta heróínneytendum efnið í té og útvega þeim aðstöðu til að sprauta sig.

Ásakanir um fleiri fjöldamorð

Nýjar ásakanir eru komnar fram um að bandarískir hermenn hafi myrt íraska borgara með köldu blóði, að þessu sinni í bænum Ishaqi í mars síðastliðnum, þar sem ellefu manns lágu í valnum. Fyrrverandi yfirmaður Abu Ghraib-fangelsisins dregur í efa að fjöldamorðin þar og í Haditha séu einsdæmi.

Áhlaup á hús í Lundúnum

Einn maður særðist í skotbardaga þegar breska lögreglan gerði áhlaup á hús í austurhluta Lundúna í morgun. Maðurinn mun ekki vera í lífshættu og var þegar fluttur á nærliggjandi sjúkrahús.

Rússar segja samkomulag útiloka hernaðaraðgerðir

Samkomulag utanríkisráðherra stórveldanna um næstu skref í kjarnorkudeilunni við Írana útilokar beitingu hervalds. Þetta sagði Sergei Lavrov, utanríkisráðherra Rússlands í morgun.

Sýrlendingar komu í veg fyrir hryðjuverk

Öryggissveitum á Sýrlandi tókst í morgun að koma í veg fyrir að hryðjuverkamönnum tækist að leggja undir sig mannlausa byggingu í nágrenni ríkissjónvarpsins í landinu.

Skógareldar í Kína slökktir

Slökkviliðsmönnum tókst í nótt að slökkva elda sem hafa logað í 11 daga í skóglendi í Hei-long-jang-kantónu í Kína. Um það bil 11 þúsund slökkviliðs- og lögreglumenn, auk skógarvarða, tóku þátt í baráttunni við eldana. Talið er að um 50 þúsund hektara svæði hafi orðið eldunum að bráð.

Sátt um tillögur

Sátt náðist um tillögur í fyrirhuguðum viðræðum við Írana um kjarnorkumál þeirra á fundi utanríkisráðherra stórveldanna fimm sem sæti eiga í Öryggisráði Sameinuðu þjóðanna, auk Þýskalands, í Vín í Austurríki í gær.

Grunur um fleiri fjöldamorð

Grunur leikur á að bandarískir hermenn hafi framið fjöldamorð á 11 óbreyttum borgurum í bænum Ishaqi í Írak í mars. Ásakanir um fjöldamorð landgönguliða á óbreyttum borgurum í bænum Haditha í nóvember í fyrra eru í rannsókn og forsætisráðherra Íraks ætlar að óska eftir gögnum Bandaríkjamanna um málið.

Albert prins gengst við 14 ára dóttur

Albert, prins af Mónakó, á 14 ára gamla dóttur sem býr í Kaliforníu í Bandaríkjunum. Lögmaður hans staðfesti þetta í viðtali við franska blaðið Le Figaro í gær.

Tíu fórust þegar sprenging varð í kolanámu

Að minnsta kosti níu námuverkamenn biðu bana þegar sprenging varð í kolanámu í Tyrklandi í gær. Fjölmargir til viðbótar eru lokaðir inni í námunni en óvíst er hversu margir námuverkamenn það eru, og hvort þeir eru lífs eða liðnir. Að sögn tyrkneskra stjórnvalda varð sprenging þegar meþangas lak í námunni, um 150 metra undir yfirborði jarðar, en náman er í þorpinu Odakoy í vesturhluta landsins.

Ísraelskir hermenn skutu tvo vopnaða menn

Ísraelskir hermenn skutu tvo vopnaða menn til bana við landamæri Ísraels og Egyptalands í morgun. Að sögn talsmanna Ísraelshers voru mennirnir í egypskum hershöfðingjabúningum en ekki þykir víst að þeir hafi í raun verið hershöfðingjar. Þriðji maðurinn sem var með í för flúði aftur yfir landamærin.

Eldvirkni hefur þrefaldast í Merapi eldfjallinu

Íbúar við rætur eldfjallsins Merapi á indónesísku eyjunni Jövu framkvæmdum reyndu í nótt að friða guði fjallsins með helgiathöfn sem ekki hefur farið fram í áratug. Glóandi hraun hefur flætt úr fjallinu síðustu daga og hefur eldvirkni í Merapi þrefaldast síðan mikill jarðskjálfti reið yfir eyjuna fyrir tæpri viku og varð rúmlega sex þúsund manns að bana.

Mikill fjöldi þarf neyðarhjálp

Alþjóðlegt neyðarhjálparlið hafði í gær ekki náð til afskekktari staða á svæðinu sem verst varð úti í jarðskjálftanum á Jövu um síðustu helgi. Indónesísk yfirvöld sögðu í gær að staðfestur fjöldi fólks sem fórst af völdum skjálftans væri kominn í 6.200 manns.

Áttu ekki pappír í áritunina

Norski fjármálaráðherrann, Kristin Halvorsen, fékk ekki að fara yfir rússnesku landamærin til þess að skoða landamærastöðina þar í opinberri heimsókn hjá vararíkisstjóranum hinum megin við landamærin.

Samkomulag um sáttatilboð

Stórveldin fimm sem hafa neitunarvald í öryggisráði Sameinuðu þjóðanna, auk Þýskalands, náðu í gærkvöld samkomulagi um sáttatilboð til Írana. Tilboðið felur í sér ýmsan efnahagslegan ávinning fyrir Írana gegn því að þeir falli frá starfsemi sem gæti gert þeim kleift að koma sér upp kjarnorkuvopnum, en refsiaðgerðir samþykki þeir það ekki.

Loforð gefin fyrir fimm árum svikin

Kofi Annan segir að ekkert þýði að stinga höfðinu í sandinn, þótt loks sé byrjað að draga úr útbreiðslu alnæmis í heiminum. Fjörtíu milljónir eru smitaðar.

Berir hermenn á skotæfingu

Svíþjóð Hörð gagnrýni hefur komið fram í kjölfarið á sjónvarpsþættinum Uppdrag Granskning í Svíþjóð síðustu daga þar sem sýnt er myndband með nöktum hermönnum á skotæfingum með sprengjuvörpu. Hermennirnir liggja í grasinu með sprengjuvörpuna í fanginu og svo heyrist þegar þeir brenna sig á henni.

Ráðherrann þarf að víkja

Leiðtogi uppreisnarmanna úr hernum á Austur-Tímor krefst þess að Alkatiri forsætisráðherra víki áður en friður getur orðið að veruleika.

Vilja slá á gagnrýni

Sergei Lavrov, utanríkisráðherra Rússlands, ítrekaði á mánudag gagnrýni Rússlandsstjórnar á Evrópuráðið, nú er Rússar eru í fyrsta sinn að taka við formennsku í ráðinu.

Brazauskas hefur sagt af sér

Ríkisstjórnin í Litháen er fallin eftir að einn stjórnarflokkanna sagði sig úr stjórninni. Algirdas Brazauskas forsætisráðherra sagði formlega af sér á miðvikudag, en Zigmantas Balcytis fjármálaráðherra var fenginn til þess að stýra bráðabirgðastjórn þangað til ný ríkisstjórn tekur við.

Yfirborð sjávar hækkar hratt

Hollendingar verða að bregðast við hlýnun loftslags, og það fljótt, því þeir eiga von á því að yfirborð sjávar hækki um allt að 35 sentimetra fyrir árið 2050, samkvæmt skýrslu veðurstofu Hollands sem birt var í vikunni.

Myrti átta af börnum sínum

Sabine Hilschenz, fertug móðir í Þýskalandi, var í gær dæmd í 15 ára fangelsi fyrir að hafa myrt átta af börnum sínum þegar þau voru nýfædd. Hún hlaut þyngsta mögulega dóminn fyrir þessi verk, en að auki lék grunur á að hún hefði myrt níunda barnið sitt árið 1988

Spennan á Gasa svæðinu eykst

Spennan á Gasa svæðinu í Palestínu jókst í dag þegar hershöfðingi í öryggissveit landsins féll og þrír aðrir særðust í tveimur skotbardögum milli Hamas samtakanna og öryggissveita landsins sem stjórnað er af Fatah hreyfingunni. Skotbardagarnir brutust út eftir að þúsundir lögreglumanna söfnbuðust saman á götu úti, skutu af byssum sínum upp í loft og kröfðust þess að fá launin sín greidd.

Þrjátíu ár frá lokum þorskastríðsins

Þrjátíu ár eru síðan Íslendingar unnu fullnaðarsigur á breska heimsveldinu í hinum harðvítugu þorskastríðum, því 1. júní 1976 var svonefnt Óslóarsamkomulag undirritað, þar sem Bretar viðurkenndu 200 mílna fiskveiðilögsögu Íslands. Baráttunni um yfirráðin yfir auðlindinni er þó hvergi nærri lokið.

Viðbrögð Írana varfærin

Íranar eru reiðubúnir til viðræðna við Bandaríkjamenn um kjarnorkumál en segja þó að ekki komi til greina að hætta auðgun úrans. Fulltrúar sex af voldugustu ríkjum veraldar sátu á rökstólum í dag og skeggræddu horfurnar.

Einn látinn og sjö saknað eftir skipaárekstur á Eyjahafi

Vöruflutningaskip frá Tyrklandi og grískt olíuflutningaskip rákust saman á Eyjahafi, skammt frá grísku eyjunni Hydra, upp úr hádegi í dag með þeim afleiðingum að vöruflutningaskipið sökk. Þrettán voru í áhöfn þess; eitt lík fannst fljótlega eftir að skipið sökk, sjö mönnum hefur þegar verið bjargað en fimm úr áhöfninni er enn leitað.