Dan Rather hættir

Dan Rather, einhver þekktasti sjónvarpsfréttamaður Bandaríkjanna og aðalfréttaþulur CBS-sjónvarpsstöðvarinnar, mun láta af þeim starfa 9. mars næstkomandi, tuttugu og fjórum árum eftir að hann tók við starfanum af Walter Cronkite. Frá þessu var greint í gær.

Ofbeldisfyllri og feitari börn

Tölvuleikir valda því að bandarísk börn eru ofbeldisfyllri, feitari og bera minni virðingu fyrir öðrum en ella, samkvæmt niðurstöður nýrrar rannsóknar National Institute on Media and the Family þar vestra. Þar segir meðal annars að í tölvuleikjum kynnist börn kynlífi og ofbeldi án þess að þau séu fær um að átta sig á því hvað þar er á ferð.

Dómurinn var dómsmorð

Arne Haugestad, verjandi norska stjórnarerindrekans Arne Treholt sem árið 1985 var dæmdur í tuttugu ára fangelsi fyrir njósnir í þágu Sovétríkjanna, segir að dómurinn hafi verið dómsmorð. Hann hefur ekki tjáð sig um málið fyrr en nú að búið er að létta trúnaði af málsskjölunum.

HIV-smituðum fjölgar nokkuð

Tæplega fjörutíu milljónir manna eru smitaðar af HIV-veirunni samkvæmt nýrri ársskýrslu Sameinuðu þjóðanna sem birt var í morgun en alþjóðlegi alnæmisdagurinn er 1. desember næstkomandi. Smituðum hefur fjölgað nokkuð því fyrir tveimur árum var fjöldi HIV-smitaðra í heiminum tæplega 37 milljónir.

Óttast ofbeldi í Úkraínu

Javier Solana, forseti framkvæmdastjórnar Evrópusambansins, óttast að ofbeldi brjótist út í Úkraínu þar sem stór hluti almennings neitar að sætta sig við opinberar niðurstöður forsetakosninganna á sunnudaginn var. ÖSE, Öryggis- og samvinnustofun Evrópu, hefur lýst því yfir að svo virðist sem svik hafi verið í tafli við framkvæmd kosninganna.

Ætluðu að brenna kaupmanninn inni

Gerð var tilraun til að myrða kaupmann af asískum uppruna í verslun hans í Túnsbergi í Noregi í gærkvöldi. Árásarmennirnir, sem voru þrír, bundu kaupmanninn á höndum og fótum og kveiktu svo í versluninni en vegfarandi sá eldinn í tæka tíð og kallaði á björgunarlið sem náði kaupmanninum lifandi út.

Spengjuárás í Afganistan

Að minnsta kosti tveir bandarískir hermenn létust og einn særðist í sprengjuárás í Afganistan nú síðdegis. Árásin átti sér stað í Uruzgan-héraði í miðhluta landsins þar sem hermennirnir voru í eftirlitsför.

Atkvæðagreiðslan verði endurtekin

Annar forsetaframbjóðendanna í Úkraínu, Viktor Yushchenko, segist samþykkur því að atkvæðagreiðsla fari fram að nýju í forsetakosningunum þar í landi gegn því að utanaðkomandi aðili hafi eftirlit með framkvæmd hennar.

Rússi dæmdur fyrir njósnir

Rússneskur vísindamaður sem sakaður var um njósnir fyrir Kínverja var dæmdur í fjórtán ára fangelsi í Síberíu í dag. Hinn dæmdi, Valentin Danilov að nafni, var sakaður um að hafa selt kínverskum yfirvöldum viðkvæmar upplýsingar um rússneska herinn og vopn hans.

Brauðsneið seld á tvær milljónir

Tíu ára gömul ristuð brauðsneið var seld á tæpar tvær milljónir króna á uppboðsvefnum eBay. Það var spilavíti á netinu sem keypti brauðsneiðna á uppboðinu.

Chirac til Líbíu

Jacques Chirac, forsætisráðherra Frakklands, fer í opinbera heimsókn til Líbíu í næstu viku. Hann verður fyrsti franski stjórnmálaleiðtoginn til að heimsækja landið í 53 ár.

Serbnesk stjórnvöld gagnrýnd

Carla Del Ponte, aðalsaksóknari Alþjóðadómstólsins í Haag, gagnrýndi serbnesk stjórnvöld harðlega á fundi með fulltrúum öryggisráðs Sameinuðu þjóðanna.

Milljónir deyja vegna reykinga

Fimm milljónir manna létust í heiminum árið 2000 vegna reykinga samkvæmt rannsókn fræðimanna í Harvard í Bandaríkjunum og Háskólanum í Queensland í Ástralíu.

Rather hættir á fréttastofu CBS

Dan Rather mun hætta störfum á fréttastofu CBS-sjónvarpsstöðvarinnar í mars. Þetta var tilkynnt í fyrradag, ríflega tveimur mánuðum eftir að vinnubrögð hans í fréttaþættinum Sextíu mínútum tvö (60 Minutes II) voru gagnrýnd harðlega.

Fá að fylgjast með kosningunum

Stjórnvöld í Ísrael ætla að heimila alþjóðlegum eftirlitsmönnum að fara inn í Palestínu til að fylgjast með forsetakosningunum 9. janúar.

Vilja kæra Blair

Breskir þingmenn hafa enn á ný sakað Tony Blair forsætisráðherra um að blekkja Breta til að fara í stríð í Írak. Nokkrir þingmenn vilja að hann verði kærður fyrir embættisbrot.

Tæpur sigur

Þremur vikum eftir forsetakosningarnar var George W. Bush lýstur sigurvegari kosninganna í Nýju Mexíkó. Samkvæmt endanlegum úrslitum sigraði hann með 5.988 atkvæðum. Þar með hlaut hann 49.8 prósent atkvæða.

Bjóða friðarviðræður

Samkvæmt háttsettum talsmanni Sameinuðu þjóðanna er forseti Sýrlands, Bashar Assad, tilbúinn að hefja friðarviðræður við Ísrael án skilyrða.

ESB geri svartan lista

Evrópuríkin eiga að safna saman og deila með sér upplýsingum um fyrirtæki sem hafa orðið uppvís að því að beita mútum til að tryggja sér samninga, að mati Peter Eigen, forstjóra alþjóðlegrar stofnunar um gagnsæi í viðskiptum. Þetta kom fram á ráðstefnu í gær um leiðir til að sporna við spillingu.

Yanukovych lýstur sigurvegari

Yfirkjörstjórn í Úkraínu lýsti því yfir fyrir stundu að sigurvegari forsetakosninganna í landinu sé forsætisráðherrann Viktor Yanukovych. Yanukovych er sagður hafa fengið 49,46% atkvæða en mótframbjóðandi hans, Viktor Yushchenko, 46,61%.

Súkkulaði vinnur á hósta

Þeir sem þjást af þrálátum hósta yfir vetrartímann ættu að háma í sig súkkulaði því samkvæmt nýrri breskri rannsókn virðist súkkulaði lækna slíka kvilla betur en hefðbundin lyf. Það voru sérfræðingar við Imperial háskólann í Lundúnum sem gerðu rannsóknina en greint er frá niðurstöðum hennar í nýjasta hefti vísindaritsins <em>New Scientist</em>.

Bjartsýnn á að friður náist

Forsætisráðherra Pakistans, Shaukat Aziz, kveðst bjartsýnn á að friður náist á milli Pakistans og Indlands í kjölfar fundar hans með forsætisráðherra Indlands, Manmohan Singh, í dag.

Janukovitsj lýstur sigurvegari

Mikil spenna ríkir í Úkraínu eftir að yfirkjörstjórn forsetakosninganna staðfesti að Viktor Janukovitsj hefði sigrað. Valdarán segja stuðningsmenn Viktors Júsjenko. Framkvæmdastjóri ESB harmar niðurstöðuna.

Borgarastyrjöld gæti brotist út

Óttast er að borgarastyrjöld kunni að brjótast út í Úkraínu vegna ólgunnar sem þar er eftir forsetakosningarnar í landinu. Evrópusambandið telur að kosningasvik hafi verið framin í Úkraínu.

Hætta auðgun úrans

Íranar hafa gert hlé á auðgun úrans og annarri þróun kjarnorkuvopna samkvæmt tilkynningu sem var útvarpað í Íran í gær.

Fjárfestar hrekjast frá Afríku

Átök á Fílabeinsströndinni og í Darfur-héraði í Súdan fæla erlenda fjárfesta frá öðrum Afríkuríkjum. Þetta kom fram á ráðstefnu Sameinuðu þjóðanna í Eþíópíu um verslun og viðskipti. Afríka er fátækasta heimsálfan.

Kafbátarnir úreltir

Yfirmaður danska herflotans harmar það að báðir kafbátar danska hersins skulu úreltir í hagræðingarskyni nú í vikunni. Danska þingið samþykkti í júní síðastliðnum að tvöfalda fjölda danskra hermanna sem geta tekið þátt í alþjóðlegum aðgerðum.

Segir Milocevic saklausan

Nikolai Ryzhkov, fyrrverandi forsætisráðherra Rússlands, segir að sprengjuárásir NATO gegn Serbum í Kosovo árið 1999 hafi ekki haft neitt hernaðarlegt gildi, heldur hafi fyrst og fremst verið árás á Serbíu.

Heitir stuðningi Bandaríkjanna

Colin Powell, fráfarandi utanríkisráðherra Bandaríkjanna, heitir Palestínumönnum stuðningi Bandaríkjanna í forsetakosningunum í janúar á næsta ári.

Vannærð börn helmingi fleiri

Tæplega helmingi fleiri írösk börn þjást af vannæringu núna en áður en ráðist var inn í landið, þrátt fyrir matardreifingu Sameinuðu þjóðanna. Þetta eru niðurstöður norskrar rannsóknar sem var unnin í samvinnu við írösku bráðabirgðastjórnina og Þróunaraðstoð Sameinuðu þjóðanna.

Enn mótmælt í Úkraínu

Þúsundir mótmælenda létu kulda ekki á sig fá og héldu áfram mótmælum gegn meintum kosningasvikum og fölskum niðurstöðum í forsetakosningum í Úkraínu í nótt. Á meðal mótmælendanna gengu sögusagnir þess efnis, að öryggissveitir hygðust leggja til atlögu við þá og ryðja þeim burt, en engar fregnir hafa borist af því.

Starfsmönnum SÞ sleppt

Þremur starfsmönnum Sameinuðu Þjóðanna í Afghanistan, sem rænt var í síðasta mánuði, hefur verið sleppt. Eftir þrjár vikur í haldi mannræningja er fólkið nú á heimleið að lokinni læknisrannsókn. Afgönsk yfirvöld töldu glæpamenn hafa rænt fólkinu og að þeir krefðust lausnargjalds, en ekki er ljóst á þessari stundu hvernig það kom til að fólkinu var sleppt.

Vonast eftir friði fyrir árslok

Vonir standa til að samkomulag takist um frið í Darfur-héraði í Súdan fyrir lok árs. Utanríkisráðherra Súdans segir það markmiðið. Friðarviðræður standa nú í Abuja í Nígeríu. Flytja varð þrjátíu breska hjálparstarfsmenn á brott í skyndingu í gær, eftir að bardagar brutust út í þorpinu sem þeir störfuðu í.

Neyðarfundur í Úkraínu

Nú stendur yfir neyðarfundur á úkraínska þinginu, sem boðað var til vegna forsetakosninganna sem fóru fram á sunnudaginn. Talsmaður þingsins sagði að það væri ósiðlegt af þingmönnum að láta eins og allt væri með felldu í landinu og sjálfstæðis þess vegna væri algerlega lífsnauðsynlegt að kryfja framkvæmd kosninganna til mergjar.

SÞ rannsaka misnotkun

Sameinuðu Þjóðirnar hafa sett af stað rannsókn vegna meintra ásakana á hendur starfsmönnum stofnunarinnar í Kongó. Alls hafa borist yfir 150 ásakanir vegna meintra nauðgana, vændissölu og barnamisnotkun á flóttamönnum í herbúðum Sameinuðu Þjóðanna í Kongó. Sum atvikin hafa verið tekin upp á myndband, eða náðst á ljósmynd.

Stóð til að sprengja upp turna

Öryggisyfirvöld í Bretlandi segja að staðið hafi til að gera hryðjuverk á Canary-turnana í London, en komið hafi verið í veg fyrir það. Dagblaðið Daily Mail greinir frá því í dag að hryðjuverkamenn tengdir Al-Qaeda samtökunum hafi ætlað sér að granda flugvélum á turnunum þremur með svipuðum hætti og gert var við tvíburaturnana í New York.

Aukið hungur kemur ekki á óvart

Þingflokksformaður Sjálfstæðisflokksins segir skýrslu um aukna vannæringu íraskra barna ekki koma á óvart. Hann telur ástand í landinu þó betra en áður en ráðist var inn. Þingflokksformaður Vinstri grænna segir niðurstöðurnar skelfilegar

Hundruð þúsunda mótmæla

Hundruð þúsunda mótmæla enn kosningasvikum í Úkraínu. Þing landsins kom saman til neyðarfundar í dag til að ræða vandann, og mótmælendurnir óttast aðgerðir öryggissveita. Tugir þúsunda stuðningsmanna stjórnarandstöðuframbjóðandans Viktors Yuschenkos létu frostkalda nóttina ekki stöðva sig og héldu áfram mótmælum á aðaltorginu í Kænugarði.

Gera tilraunir með fanga

Alþjóðleg og suður-kóresk mannréttindasamtök hafa krafist rannsóknar á því hvort Norður-Kóreumenn noti pólitíska fanga við rannsóknir á efnavopnum.

Þjóðverjar efast um úrslit

Utanríkisráðherra Þýskalands, Joschka Fischer, sagði að efasemdir um úrslit forsetakosninganna í Úkraínu væru alveg réttlætanlegar.

Feta sömu braut

Nýr leiðtogi PLO, Mahmud Abbas, sagði á þingi Palestínumanna að hann lofaði að feta í fótspor Jassers Arafat.

Sleppt heilum á húfi

Þremur starfsmönnum Sameinuðu þjóðanna sem teknir höfðu verið í gíslingu var sleppt eftir nær fjórar vikur. Innanríkisráðherra Afganistans, Ali Ahmad Jalali, segir að engir samningar hafi verið gerðir til að tryggja öryggi þeirra.

Smituðum konum fjölgar

Nýjar tölur sýna að nærri helmingur þeirra 37,2 milljóna fullorðinna sem sýktir eru af HIV-veirunni eru konur og hefur þeim fjölgað alls staðar í heiminum. Mest fjölgar konum sýktum af HIV í Austur-Evrópu og Austur- og Mið-Asíu. Á sumum þessum svæðum er hlutfall sýktra orðið hærra meðal kvenna en karla. 

Ekki staðið við loforð

Háttsettur aðstoðarmaður klerksins Muqtada al-Sadr, sakar írösk stjórnvöld um að ganga gegn samningi sem gerður var í ágúst til að ljúka bardögum í Najaf.

Mótmæli standa enn

Rúmlega 100.000 manns umkringdu þinghúsið í Kænugarði í gær með appelsínugula fána, til að mótmæla kosningasvikum í forsetakosningunum í Úkraínu . Kallað var til neyðarfundar á úkraínska þinginu til að ræða ósk Viktors Yuchenkos um að lýsa yfir vantrausti á kjörstjórnina og að falla frá opinberum úrslitum.