Slökkvi­lið brást við til­kynningu um reyk

Slökkviliðið fékk tilkynningu um reyk frá tækjabúnaði í húsnæði við Mjölnisholt, staðfestir Guðjón Ingason, varðstjóri hjá slökkviliðinu á höfuðborgarsvæðinu.

„Við sendum alla af stað en það er búið að draga helling úr viðbragði,“ segir Guðjón.

„Það voru einhverjar bréfþurrkur sem hafði kviknaði í en það var búið að slökkva.“

Slökkviliðsmennirnir sjá um reykræstingu. Atvikið var ekki talið eins alvarlegt og búist var við. Sjúkrabílar og lögreglan voru einnig kölluð til.

Fréttin hefur verið uppfærð.