Dag­skráin: Kemst Gunn­laugur Árni í gegnum niður­skurðinn á US Open?

Golfíþróttin á þennan dag enda Opna bandaríska risamótið í golfi, US Open, í fullum gangi og þar eigum við Íslendingar keppendur í fyrsta sinn.

Gunnlaugur Árni Sveinsson tryggði sér þátttökurétt á mótinu og spilar fyrstu tvo dagana með þeim Taihei Sato frá Japan og Marcelo Rozo frá Kólumbíu en báðir komust þeir inn í mótið í gegnum lokaúrtökumót, líkt og Gunnlaugur gerði í Ohio í síðustu viku.

Gunnlaugur Árni verður í baráttu við bestu kylfinga heims um að komast í gegnum niðurskurðinn og fá að spila um helgina. Fylgst verður með frá því að Gunnlaugur hefur leik í hádeginu.

Það verður einnig sýnt frá á Opna breska áhugamannamótinu, Amateur Championship, sem er sterkasta áhugamannamót ársins. Íslensku kylfingarnir á mótinu voru Aron Emil Gunnarsson, Tómas Eiríksson Hjaltested og Veigar Heiðarsson. Enginn þeirra náði í gegnum niðurskurð, en Veigar fór í bráðabana um laust sæti í útsláttarhlutanum en náði ekki inn.

Hér fyrir neðan má sjá yfirlit yfir beinar útsendingar á sportstöðvunum í dag.

Sýn Sport

Klukkan 12.30 hefst bein útsending frá Opna bandaríska risamótinu í golfi, US Open.

Klukkan 16.00 hefst bein útsending frá Opna bandaríska risamótinu í golfi, US Open.

Klukkan 20.00 hefst bein útsending frá Opna bandaríska risamótinu í golfi, US Open.

SÝN Sport 4

Klukkan 07.30 hefst bein útsending frá Opna breska áhugamannamótinu í golfi, Amateur Championship.

Klukkan 12.30 hefst bein útsending frá Opna breska áhugamannamótinu í golfi, Amateur Championship.