Innlent

Loka hring­veginum til norðurs á sunnu­dags­kvöld

Kjartan Kjartansson skrifar
Kort Vegagerðarinnar sem sýnir lokun Vesturlandsvegar og hjáleið um Þingvallaveg niður í Hvalfjörð.
Kort Vegagerðarinnar sem sýnir lokun Vesturlandsvegar og hjáleið um Þingvallaveg niður í Hvalfjörð. Vegagerðin

Hringveginum verður lokað frá sunnudagskvöldi fram á mánudagsmorgun á meðan Vesturlandsvegur verður fræstur og malbikaður. Hjáleið verður um Mosfellsheiði og í gegnum Kjós á meðan.

Vesturlandsvegur verður lokaður í norðurátt við Þingvallaveg frá klukkan 21 á sunnudagskvöld til klukkan 7:00 á mánudagsmorgun samkvæmt tilkynningu á vef Vegagerðarinnar. Ökumenn sem koma að norðan geta ekið veginn í suðurátt meðfram vinnusvæðinu en þeir eru beðnir um að aka varlega og virða merkingar.

Hjáleið verður um Þingvallaveg, Kjósarskarðsveg og Hvalfjarðarveg á meðan.

Vegkaflarnir sem á að fræsa og malbika eru annars vegar 670 metra langur kafli við Esjumela og hins vegar um 1.500 metra langur kafli við Kollafjörð.

Samgöngumál Vegagerð Reykjavík Mosfellsbær Kjósarhreppur

Mest lesið


Fleiri fréttir

Sjá meira


×

Mest lesið