„Ég má ekki segja leyndar­mál“

„Munurinn á okkur, aðallega frá síðasta leik, var aðallega ákefðin, grimmdin og samheildnin, þar sem við erum að gera þetta allt saman; sama hvort það sé inn á vellinum eða utanvallar, vörn eða sókn, þar liggur þetta og þar er okkar styrkleiki.“ sagði Hörður Axel, þjálfari Keflavíkur við Andra Má eftir sigur gegn Haukum í Keflavík í kvöld.

Sofie Preetzmann byrjar inn á, mögulega eitthverjar taktískar breytingar frá síðasta leik?

„Við erum með mjög margar sem geta byrjað inn á og það skiptir ekki öllu máli hver byrjar inn á eða útaf. Það var ákvörðunin sem við tókum, aðeins að losa um pressuna og það gekk bara mjög vel, enda var Sofie, ótrúlegt en satt, leikstjórnandi þegar hún var yngri.“

„Við bara gerðum rosalega vel, við vorum að lesa í hraðann og það sem þær voru að gefa okkur. Við gerðum vel, betur varnarlega heldur en í seinasta leik sem gaf okkur líka tækifæri að hlaupa hratt í bakið á þeim“

Heimakonur náðu að loka vel á Amadine Justine-Toi í kvöld, hvað gekk svo vel upp í því kerfi?

„Ég má ekki segja leyndarmál,“ sagði Hörður léttur.

„Haukar eru þannig lið að maður er alltaf á tánum, og þær koma til baka hérna og ná þessu niður í 14 stig í hið minnsta, við þurfum að læra af því líka og halda áfram sama hvað staðan er, við erum að spila í 40 mínútur af krafti. Eins og ég segi, við þurfum að halda áfram sama hvað og halda kúlinu.“

„Ég held við séum búin að ná sitthoru högginu núna og restin verður stál í stál, við erum tilbúin í hvað sem er.“