Handbolti

Elín Klara skoraði þrjú mörk og Sävehof er komið yfir

Aron Guðmundsson skrifar
Elín Klara í leik með IK Sävehof
Elín Klara í leik með IK Sävehof

Íslenska landsliðskonan í handbolta, Elín Klara Þorkelsdóttir og hennar liðsfélagar í liði IK Sävehof eru komnar yfir í einvígi sínu gegn Skuru í átta liða úrslitum sænsku deildarinnar. 

IK Sävehof endaði sem deildarmeistari sænsku deildarinnar en Skuru í áttunda sæti og því fyrir fram búist við sigri IK Sävehof í einvígi liðanna í átta liða úrslitum.

Leikina þarf samt sem áður að spila og mætti segja að leikmenn IK Sävehof hafi skilað fagmannlegri frammistöðu í kvöld í leik sem lauk með þriggja marka sigri IK Sävehof, 26-23. 

Elín Klara skoraði þrjú mörk í leiknum og gaf tvær stoðsendingar. Liðin mætast í öðrum leik einvígisins á fimmtudaginn kemur. Staðan orðin 1-0 IK Sävehof í vil. 

Sænski handboltinn

Mest lesið


Fleiri fréttir

Sjá meira


×

Mest lesið