Lífið

Von á þriðju stúlkunni: „Brotnaði um stund við fregnirnar“

Svava Marín Óskarsdóttir skrifar
Kristín Eva og Sverrir eiga von á þriðju stúlkunni í apríl næstkomandi.
Kristín Eva og Sverrir eiga von á þriðju stúlkunni í apríl næstkomandi. Instagram

Tónlistarmaðurinn Sverrir Bergmann og lögfræðingurinn Kristín Eva Geirsdóttir eiga von á sínu þriðja barni í apríl á næsta ári. Hjónin tilkynntu í færslu á Instagram að von sé á þriðju stúlkunni.

Sverrir og Kristín eiga fyrir tvær dætur, Ástu Berthu sem er fimm ára og Sunnu Stellu, fjögurra ára. 

Hjónin héldu kynjaveislu fyrir fjölskylduna á dögunum þar sem þau greindu frá kyni ófædds barns síns. Þegar eldri dóttirin komst að því að önnur stúlka væri á leiðinni brast hún í grát en var fljót að jafna sig.

„Elsku lítil þriðja prinsessa á leiðinni. Litla hjartað á Ástu Berthu brotnaði um stund við fregnirnar en hún jafnaði sig fljótlega í fanginu á Ninju stóru frænku. Hlökkum til að taka á móti henni á þessu stelpuheimili. Ætli við Sverrir séum ekki ætluð til að vera stelpumamma og stelpupabbi,“ skrifaði Kristín við færsluna.

Sverrir og Kristín hafa verið saman í sjö ár, eftir að Kristín sendi honum vinabeiðni á Facebook. Eftir það gerðust hlutirnir hratt: Þau hittust á fimmtudegi og Kristín flutti inn hjá Sverri á laugardegi. Sex mánuðum síðar höfðu þau keypt sér hús í Njarðvík.

Hjónin trúlofuðu sig þann 9. nóvember 2022 og gengu í það heilaga í ágúst 2023.

Barnalán Tímamót Ástin og lífið

Tengdar fréttir

„Á erfitt með að gera mér í hugarlund eitthvað rómantískara“

„Það mikilvægasta af öllu eru að við erum teymi. Við stöndum þétt saman út á við á sama tíma og við leyfum okkur að vera eins og við viljum heima fyrir og inn á við. Við erum alltaf til staðar fyrir hvort annað allt, sama hvað á dynur,“segir Kristín Eva Geirsdóttir lögmaður um samband hennar og eiginmannsins, Sverris Bergmanns Magnússonar, tónlistarmanns og bæjarstjórnarfulltrúa í Reykjanesbæ.

„Skemmtilegasta brúðkaup allra tíma“

Tónlistarmaðurinn Sverrir Bergmann Magnússon og Kristín Eva Geirsdóttir, lögfræðingur, gengu í hnapphelduna við hátíðlega athöfn í gær. 

Fabjúl­öss feður

Birtingarmynd föðurhlutverksins er fjölbreytt og flókin. Þar má nefna nýbakaða feður, margra barna feður, stjúpfeður, einstæða feður, verðandi feður og feður yfir fertugt, svo fátt eitt sé nefnt.

Elskuð mest í heimi

Kristín Eva Geirsdóttir er konan sem Sverrir Bergmann syngur fyrir alþjóð að hann elski mest í heimi. Hann uppskar ást hennar eftir vinarbeiðni á Facebook.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.