Upp­gjörið: Tinda­stóll - Stjarnan 95-92 | Mikil spenna í Síkinu

Tindastóll vann Stjörnuna 95-92 í Bónus deild kvenna á Sauðárkróki í kvöld. Leikurinn var í annarri umferð.

Stjarnan byrjaði betur í kvöld og Eva Wiium var sterk fyrir liðið, komst auðveldlega að körfunni og bjó til fyrir sig og liðsfélaga sína. Tindastóll var samt aldrei langt undan en Stjarnan leiddi eftir fyrsta leikhlutann og staðan var 17-28.

Stjarnan hélt áfram að auka í forystuna í öðrum leikhluta og var munurinn mestur 16 stig. Það kviknaði heldur betur á Marta Hermida og sallaði hún stigunum á töfluna. Tindastóll var ekki líklegt að gera þetta af leik í fyrri hálfleiknum en þá kviknaði heldur betur á öllu liðinu seinustu mínúturnar í leik hlutanum og náðu að koma þessu niður í 2 stig áður en farið var til búningsherbergja en staðan í hálfleik var 50-48 fyrir Stjörnunni.

Mikið jafnræði var allan seinni hálfleikinn og munurinn ekki meiri en 6 stig. Tindastóll komst yfir og títt nefnd Marta var mjög öflug. En Stjarnan hélt sé á floti Diljá Ögn og Eva Wiium leiddu Stjörnuliðið áfram þrátt fyrir að vera báðar í villu vandræðum nánast allan leikinn. I restina reyndust heima konur í Tindastól sterkari Madison Sutton og Marta kláruðu leikinn á vítalínunni fyrir Stólana og sigurinn 95-92 staðreynd og fyrsti sigur vetrarins hjá Tindastól.

Atvikið

Klárlega þegar Tindastóll gerðu þetta aftur að leik í fyrri hálfleik með rosalegum endaspretti þar sem þær skoruðu 13 stig af seinustu 15 í lok annars leikhluta og komu muninum niður í 2 stig.

Stjörnur

Þetta var kvöld Marta Hermida sem skoraði 49 stig í kvöld tók 5 fráköst og gaf 8 stoðsendingar, hún var einnig með 51 í framlag og 15 fiskaðar villur. Madison Sutton var einnig mjög öflug með 24 stig og 16 fráköst og hún fékk 41 í framlag.

Hjá Stjörnunni áttu Eva Wiium og Dilja Ögn stærstu rispurnar og stóðu sig vel. Ekki má gleyma framlagi þeirra systra Berglindar og Heiðrúnar Hlynsdætra sem stóðu sig vel.

Stemning og umgjörð

Vel mætt í Síkið í kvöld. hefði mátt vera stuðningsmannasveit og meir hvatning en flott mæting.

Dómarar [8]

Áttu góðan dag og línan þeirra mjög góð. Gripu inn í þegar þurfti að grípa inn í. Heilsteypt frammistaða.

Viðtöl

Sigurður Friðrik Gunnarsson aðstoðarþjálfari Stjörnunar. var stoltur af sínu liði en svekktur að tapa þessum leik í kvöld.

„Bara hörkuleikur hjá tveimur flottum liðum. Geggjuð mæting í Síkið. Auðvitað súrt að labba heim með ekkert. Margt gott í okkar leik. Við förum kannski illa að ráði okkar í fyrri hálfleik að missa niður 16 stiga forskot og hleypa þeim aftur inn í leikinn. Ýmislegt sem við getum tekið út úr þessu og haldið áfram að vinna með. Við erum með ungt lið og erum að láta uppaldar stelpur spila mikið á gólfinu hjá okkur. Við gefum þeim mikið traust og það er bara áfram gakk hjá okkur.“

Kaflaskiptur fyrri hálfleikur tók örugga forystu Stjörnunnar í burtu.

„Þetta er bara svo fyndið sem gerist oft í körfubolta. mér fannst við verum í rosa góðum takti varnarlega og stela fullt af boltum. Við vorum að tapa mikið af boltum. Töpuðum 11 boltum í fyrsta leikhluta.Við endum 15 í fyrri hálfleik og við endum með 25 í öllum leiknum. Það er bara alltof mikið. Svo eru þær með hörku hörku leikmann þarna númer 20 hana Mörta. Hún átti frábæran leik og henti í næstum 50 stiga leik á okkur. Við réðum lítið við hana. Svo að koma hingað er alltaf erfitt. Það er alltaf stemning í húsinu. Við virtumst ekki ráða við augnablikið á köflum í leiknum. Við gerðum mjög vel að koma til baka aftur inn í leikinn og augnablikið var með okkur en því miður datt þetta ekki fyrir okkur í dag.“

„Besta lið sem ég hef þjálfað í kvennaflokki“

Israel Martin þjálfari Tindastóls var mjög ánægður eftir sigurinn í kvöld.

„Mjög ánægður. Sérstaklega fyrir stelpurnar. Við höfum verið að ströggla aðeins með liðið okkar vegna meiðsla. Alejandra og Rannveig ekki með í dag og erfitt að undirbúa sig þegar vantar í hópinn. Liðið fær mikið hrós fyrir að að klára leikinn í kvöld.“

Tindastóll átti erfitt í með að koma boltanum og sókninni af stað í dag en svo kom allt heim og saman í lokin.

„Við erum enn að læra að spila saman. Við náðum mjög góðum tveggja manna leik hjá Maddie og Marta. Við gátum raðað skyttum í kringum þær og gátu notað þær ef þeim vantaði. Undir lokin og þegar mest var undir spiluðum við frábæra vörn og náðum að skipta á milli svæðiðsvarnar og maður á mann. Seinustu þrjár mínúturnar spiluðum við maður á mann vörn frábærlega. Ég er mjög ánægður“

Isreal Martin er mjög ánægður með hópinn sem hann er að þjálfa.

„Þetta er bara besta lið sem ég hef þjálfað í kvennaflokki. Karekterinn í liðinu er góður. Heima stelpurnar frábærar og liðið er mjög samstíga. Við ætlum að halda þessu áfram. Það er mjög auðvelt að þjálfa þær.“