Mikael mættur til að vinna titla með Djurgården: „Ég er sigur­vegari sjálfur“

Sænska félagið keypti hann frá AGF í Danmörku þar sem Mikael hefur spilað frá 2021. Djurgården borgaði tvær milljónir evra fyrir hann eða 285 milljónir íslenskra króna.

Mikael var tekinn í viðtal á miðlum félagsins og hann hefur mikinn metnað til að vinna titla með sænska félaginu.

„Það þurftu ekki mikið til að sannfæra mig um að koma til Djurgården,“ sagði Mikael í viðtali á miðlum Djurgården.

„Ég talaði við Bosse [Andersson, íþróttstjóra Djurgården] nokkrum sinnum og talaði líka við knattspyrnustjórann. Þetta er mjög spennandi verkefni,“ sagði Mikael.

„Djurgården er toppklúbbur og stefnir alltaf á að vinna. Ég er sigurvegari sjálfur og er mjög metnaðarfullur. Ég vonast til að vinna titla hér,“ sagði Mikael.

„Það er gaman að vera kominn í toppklúbb í Svíþjóð og vonandi getum við gert eitthvað gott saman,“ sagði Mikael eins og sjá má hér fyrir neðan.