Öldungadeildarþingmaður borinn út af blaða­manna­fundi

Á myndum af atvikinu sjást öryggisverðir ýta honum út af blaðamannafundi Noem, meðan hann reynir að spyrja hana spurninga um áhlaup útlendingastofnunar Bandaríkjanna á innflyrjendur í Kaliforníu og víðar undanfarna daga. 

Áhlaupin ultu af stað fjölmennum mótmælum sem enduðu með að minnsta kosti fjögur hundruð handtökum auk þess sem Donald Trump Bandaríkjaforseti kallaði út þjóðvarðliða og landgönguliða til að bregðast við. 

Myndband af atvikinu má sjá hér að neðan.

AP hefur eftir Chuck Schumer, formanni öldungadeildarþingflokks Demókrata, að honum hrylli við að sjá það sem gekk á á fundinum. 

„Við þurfum umsvifalaus svör um hvað í fjandanum gekk á. Þetta er fyrirlitlegt, ógeðslegt og ó-amerískt.“

Í yfirlýsingu frá heimavarnarráðuneytinu er atvikinu lýst sem „vanvirðandi pólitísku leikhúsi“ af hendi Padilla og hann hafi truflað blaðamannafundinn. Þá er fullyrt, sem AP segir rangt, að Padilla hafi ekki kynnt sig og öryggisverðir haldið að hann hafi ætlað að gera árás á Noem.