Innlent

Fastir í flug­stöðinni í fjóra daga og Trump-Tesla í Kefla­vík

Elín Margrét Böðvarsdóttir skrifar
Margrét Helga Erlingsdóttir les kvöldfréttir klukkan hálfsjö.
Margrét Helga Erlingsdóttir les kvöldfréttir klukkan hálfsjö. Vísir

Fjórir verkamenn frá Belarús sátu fastir á Keflavíkurflugvelli í fjóra daga eftir að hafa fengið synjun um að koma til landsins. Þeir segjast aldrei hafa fengið að vita hvers vegna þeim var haldið þar. Sá sem réði mennina í vinnu segir þá ekki einu sinni hafa getað keypt sér að borða.

Í fréttatímanum verður einnig rætt við forseta Íslenska flugstéttafélagsins sem segir starfsfólk Play vera í áfalli eftir tíðindi gærdagsins um fyrirhugaðar breytingar hjá félaginu.

Þá verðum við í beinni útsendingu frá Alþingi þar sem eldhúsdagsumræður fara fram í kvöld, og tökum stöðuna á aðgerðum sem staðið hafa yfir frá því í gær þar sem reynt er að bjarga háhyrningi sem synti í strand neðan við Korpu í Grafarvogi.

Þá hittum við mann í fréttatímanum sem ekur um á Teslu með einkanúmerinu TRUMP en nýlega slitnaði upp úr vináttu þess síðarnefnda og Elon Musk, eiganda og stofnanda bílaframleiðandans.

Þetta og fleira í kvöldfréttum Stöðvar 2, Bylgjunnar og Vísis í opinni dagskrá klukkan 18:30.

Kvöldfréttir

Mest lesið


Fleiri fréttir

Sjá meira


×

Mest lesið