Var ekki að lifa lífinu heldur að þrauka það Dóra Júlía Agnarsdóttir skrifar 27. maí 2025 09:30 Vigdís Ósk Howser Harðardóttir er að útskrifast með BA gráðu sem handritshöfundur með sérhæfingu í leikstjórn frá LHÍ. Aðsend „Ég kom í þetta nám frekar brotin. Það var mjög erfitt að vera komin inn í stjórnað umhverfi eftir að hafa verið í miklu stjórnleysi,“ segir Vigdís Ósk Howser Harðardóttir, sem er hluti af fyrsta árgangi til þess að útskrifast með háskólagráðu í kvikmyndagerð frá íslenskum háskóla. Vigdís hefur komið víða við í listinni og ræddi við blaðamann um lífið og sköpunargleðina. Leiklistarástríðan beint frá afa Vigdís er fædd árið 1993 og hefur í gegnum tíðina meðal annars vakið athygli á samfélagsmiðlum, sem tónlistarkona og fyrrum meðlimur Reykjavíkurdætra og hlaðvarpsstýra. „Menning og listgreinar hafa verið partur af mínu lífi frá því að ég man eftir mér og þá sérstaklega leiklist. Foreldrar mínir hafa alltaf verið duglegir í því að fara með mig í leikhús, við sjáum allt nýtt í bíó og keyptum svo á DVD líka. Það er allavega mín menning og það sem ég kannast við. Svo hefur ekki skemmt fyrir að afi minn er leikari þannig hugmyndin af því að vera listamaður að atvinnu hefur ekki verið algjörlega framandi,“ bætir Vigdís við en föðurafi hennar er Magnús Ólafsson sem hefur meðal annars farið með hlutverk í Latabæ og Börn náttúrunnar. Vigdís og Magnús afi hennar glæsileg!Aðsend Sköpunargleðin er því partur af erfðaefni Vigdísar sem fann fljótt sína köllun. „Mér hefur alltaf fundist gaman að segja sögur. Þegar ég var yngri var ég að spinna draugasögur fyrir vini mína og systkini og það var eitthvað einstakt við að finna að fólk væri svo tilfinningalega tengt einhverju sem maður stjórnaði. Þetta þróaðist yfir árin í það að ég fór að gera mína eigin sögur og söguheima. Ég lendi svo á kvikmyndum því að það er svo einstaklega sjónrænn miðill. Það eru mörg tækifæri þar sem að er ekki hægt að framkvæma annars staðar.“ Vigdís og bróðir hennar Tómas Howser ásamt afa Magnúsi á góðri stund í æsku.Aðsend Klikkaðar aðstæður stanslaus innblástur Viðburðaríkt líf Vigdísar er að sama skapi mikil andagift en hún bjó sem dæmi í Berlín í nokkur ár og eftir að hún flutti heim byrjaði hún með hispurslausa hlaðvarpið Kallaðu mig Howser. „Ég hef í gegnum lífstíðina verið í mörgum klikkuðum aðstæðum og hitt óhefðbundið fólk sem að mér finnst veita mér innblástur í að skrifa fyrir skjáinn. Eitthvað sem verður eiginlega að sýna, það er ekki bara nóg að segja frá því.“ Klikkaðar lífsreynslur reynast Vigdísi hinn besti innblástur.Aðsend Vigdís segir að hún muni alltaf búa vel að náminu. „Það sem mér finnst örugglega dýrmætast við þetta nám er auðvitað að fá áhöld og kennslu en fyrst og fremst að fá tíma til að gera stuttmyndir og bíómyndir. Það er líka búið að vera tilkomumikið að fá að kynnast öðru fólki sem er á sömu vegferð.“ Kom úr miklu stjórnleysi Vegferð Vigdísar hefur að sama skapi verið krefjandi. „Ég kom í þetta nám frekar brotin. Það var mjög erfitt að vera kominn inn í stjórnað umhverfi eftir að hafa verið í miklu stjórnleysi. Þetta var mjög tilfinningaþrungið tímabil þegar ég byrja. Mér fannst ég ekki eiga skilið að ég var ekki að lifa lífinu heldur bara að þrauka það.“ View this post on Instagram A post shared by @vigdis.howser Í dag er hún á öðrum stað. „Ég lærði svo mikið um að elska sjálfa mig af því að mennta mig og verða betri í einhverju sem ég hafði áhuga á. Ég hélt áður en ég byrjaði að ég gæti aldrei gert það sem ég elska en núna fæ ég að gera það næstum daglega. Svo er ég líka búin að læra mjög margt um samskipti við aðra. Kvikmyndagerð er rosalega mikil samvinna og það var krefjandi en mikilvægt.“ Spennt að demba sér í verkefnabardagann Vigdís er að útskrifast sem handritshöfundur með sérhæfingu í leikstjórn. „Auðvitað eru rosalega flóknar tilfinningar að vera að klára námið. Ég er að fara frá umhverfi þar sem ég fæ að gera það sem ég vil yfir í það að berjast við að fá að gera það. Þetta er stór breyting en fyrst og fremst er ég bara spennt.“ Hún ákvað að vera með tvö lokaverkefni, bæði handrit í fullri lengd og stuttmynd. Verkefnin eru að sögn Vigdísar mjög ólík og og verða sýnd á fimmtudaginn í Bíó Paradís. „Filma er uppskera þriggja árganga í kvikmyndagerð í Listaháskólanum. Þetta er í fyrsta skipti sem að útskriftarárgangur sýnir kvikmyndir því að þetta er fyrsti árgangurinn sem útskrifast. Það er alveg ótrúlega spennandi að vera hluti af þessum útskriftarhópi.“ Stefnan er svo sett fulla ferð áfram. „Ég stefni á að halda óforskammað áfram að skapa, elta draumana mína og halda áfram að sjokkera fólk. Ég er með tilbúið handrit af hryllingsmynd í fullri lengd og um leið og skólinn er búinn get ég farið á fullt af stað með það í þróun á framleiðslu, sækja fjármagn og svona. Það er næsti kafli,“ segir Vigdís brosandi og ákveðin að lokum. Kvikmyndagerð á Íslandi Menning Mest lesið Tónlistarhátíðinni Lóu aflýst Tónlist Byrjaði fjögurra ára í búningaleik og hætti aldrei Tíska og hönnun Bieber í basli: „Ég veit að ég er skemmdur“ Lífið Indverji á leið til landsins leitar að SOS foreldrinu Hafdísi Lífið Setur heilsuna í fyrsta sæti í sumar Uppskriftir Dóttir Hilmis Snæs og Völu er Völudóttir Lífið Svona verður dagskráin á 17. júní í Reykjavík Lífið Sveindís Jane og Rob ástfangin í Abu Dhabi Lífið Stjörnulífið: „Stefnir í skvísulæti og almenna kynvillu hjá þessum fjórum“ Lífið Hefndi sín í tilefni af feðradeginum Lífið Fleiri fréttir Indverji á leið til landsins leitar að SOS foreldrinu Hafdísi Bieber í basli: „Ég veit að ég er skemmdur“ Magnús hjá Blue Car kaupir glæsiíbúð Bjögga Thors Dóttir Hilmis Snæs og Völu er Völudóttir Rikki G og fjölskylda sprengdu blöðruna Sveindís Jane og Rob ástfangin í Abu Dhabi Stjörnulífið: „Stefnir í skvísulæti og almenna kynvillu hjá þessum fjórum“ Hefndi sín í tilefni af feðradeginum Íslenskir áhrifavaldar fögnuðu sumrinu að sænskum sið „Það má ekki gleyma því af hverju við vorum að þessu“ Allt frá húðflúri yfir í dót úr skúrnum hans Steinda Tjaldsungi klaktist út eftir tæpar tvær vikur á ofninum Skorar á Unu Torfa í tilefni dagsins Krakkatían: Fjöll, firnindi og tónlist Leggur til meiriháttar átak til að lengja svefn Íslendinga Kvikmyndin O í forvali til Óskarsverðlauna Eru með 28 husky hunda inn á heimilinu sínu Fréttatía vikunnar: Stöð 2, fótbolti og slys Munnvatnið skiptir öllu máli Kærleiksherferð til heiðurs Bryndísi Klöru og betra samfélagi Heitur Teitur selur Fróun í beinni útsendingu og uppruni FM-hnakkans Svona verður dagskráin á 17. júní í Reykjavík Rúm ungbarna eigi að vera ljót og leiðinleg Hundrað ára afmæli bílsins í uppnámi eftir brunann Króli og Birta eiga von á barni Glæsihöll Haraldar við Elliðavatn Röddin með stóru Erri og greini lögð á hilluna Sabrina Carpenter gagnrýnd fyrir að ýta undir hlutgervingu kvenna Bjössi í Mínus er ný rödd Sýnar Sjá meira
Leiklistarástríðan beint frá afa Vigdís er fædd árið 1993 og hefur í gegnum tíðina meðal annars vakið athygli á samfélagsmiðlum, sem tónlistarkona og fyrrum meðlimur Reykjavíkurdætra og hlaðvarpsstýra. „Menning og listgreinar hafa verið partur af mínu lífi frá því að ég man eftir mér og þá sérstaklega leiklist. Foreldrar mínir hafa alltaf verið duglegir í því að fara með mig í leikhús, við sjáum allt nýtt í bíó og keyptum svo á DVD líka. Það er allavega mín menning og það sem ég kannast við. Svo hefur ekki skemmt fyrir að afi minn er leikari þannig hugmyndin af því að vera listamaður að atvinnu hefur ekki verið algjörlega framandi,“ bætir Vigdís við en föðurafi hennar er Magnús Ólafsson sem hefur meðal annars farið með hlutverk í Latabæ og Börn náttúrunnar. Vigdís og Magnús afi hennar glæsileg!Aðsend Sköpunargleðin er því partur af erfðaefni Vigdísar sem fann fljótt sína köllun. „Mér hefur alltaf fundist gaman að segja sögur. Þegar ég var yngri var ég að spinna draugasögur fyrir vini mína og systkini og það var eitthvað einstakt við að finna að fólk væri svo tilfinningalega tengt einhverju sem maður stjórnaði. Þetta þróaðist yfir árin í það að ég fór að gera mína eigin sögur og söguheima. Ég lendi svo á kvikmyndum því að það er svo einstaklega sjónrænn miðill. Það eru mörg tækifæri þar sem að er ekki hægt að framkvæma annars staðar.“ Vigdís og bróðir hennar Tómas Howser ásamt afa Magnúsi á góðri stund í æsku.Aðsend Klikkaðar aðstæður stanslaus innblástur Viðburðaríkt líf Vigdísar er að sama skapi mikil andagift en hún bjó sem dæmi í Berlín í nokkur ár og eftir að hún flutti heim byrjaði hún með hispurslausa hlaðvarpið Kallaðu mig Howser. „Ég hef í gegnum lífstíðina verið í mörgum klikkuðum aðstæðum og hitt óhefðbundið fólk sem að mér finnst veita mér innblástur í að skrifa fyrir skjáinn. Eitthvað sem verður eiginlega að sýna, það er ekki bara nóg að segja frá því.“ Klikkaðar lífsreynslur reynast Vigdísi hinn besti innblástur.Aðsend Vigdís segir að hún muni alltaf búa vel að náminu. „Það sem mér finnst örugglega dýrmætast við þetta nám er auðvitað að fá áhöld og kennslu en fyrst og fremst að fá tíma til að gera stuttmyndir og bíómyndir. Það er líka búið að vera tilkomumikið að fá að kynnast öðru fólki sem er á sömu vegferð.“ Kom úr miklu stjórnleysi Vegferð Vigdísar hefur að sama skapi verið krefjandi. „Ég kom í þetta nám frekar brotin. Það var mjög erfitt að vera kominn inn í stjórnað umhverfi eftir að hafa verið í miklu stjórnleysi. Þetta var mjög tilfinningaþrungið tímabil þegar ég byrja. Mér fannst ég ekki eiga skilið að ég var ekki að lifa lífinu heldur bara að þrauka það.“ View this post on Instagram A post shared by @vigdis.howser Í dag er hún á öðrum stað. „Ég lærði svo mikið um að elska sjálfa mig af því að mennta mig og verða betri í einhverju sem ég hafði áhuga á. Ég hélt áður en ég byrjaði að ég gæti aldrei gert það sem ég elska en núna fæ ég að gera það næstum daglega. Svo er ég líka búin að læra mjög margt um samskipti við aðra. Kvikmyndagerð er rosalega mikil samvinna og það var krefjandi en mikilvægt.“ Spennt að demba sér í verkefnabardagann Vigdís er að útskrifast sem handritshöfundur með sérhæfingu í leikstjórn. „Auðvitað eru rosalega flóknar tilfinningar að vera að klára námið. Ég er að fara frá umhverfi þar sem ég fæ að gera það sem ég vil yfir í það að berjast við að fá að gera það. Þetta er stór breyting en fyrst og fremst er ég bara spennt.“ Hún ákvað að vera með tvö lokaverkefni, bæði handrit í fullri lengd og stuttmynd. Verkefnin eru að sögn Vigdísar mjög ólík og og verða sýnd á fimmtudaginn í Bíó Paradís. „Filma er uppskera þriggja árganga í kvikmyndagerð í Listaháskólanum. Þetta er í fyrsta skipti sem að útskriftarárgangur sýnir kvikmyndir því að þetta er fyrsti árgangurinn sem útskrifast. Það er alveg ótrúlega spennandi að vera hluti af þessum útskriftarhópi.“ Stefnan er svo sett fulla ferð áfram. „Ég stefni á að halda óforskammað áfram að skapa, elta draumana mína og halda áfram að sjokkera fólk. Ég er með tilbúið handrit af hryllingsmynd í fullri lengd og um leið og skólinn er búinn get ég farið á fullt af stað með það í þróun á framleiðslu, sækja fjármagn og svona. Það er næsti kafli,“ segir Vigdís brosandi og ákveðin að lokum.
Kvikmyndagerð á Íslandi Menning Mest lesið Tónlistarhátíðinni Lóu aflýst Tónlist Byrjaði fjögurra ára í búningaleik og hætti aldrei Tíska og hönnun Bieber í basli: „Ég veit að ég er skemmdur“ Lífið Indverji á leið til landsins leitar að SOS foreldrinu Hafdísi Lífið Setur heilsuna í fyrsta sæti í sumar Uppskriftir Dóttir Hilmis Snæs og Völu er Völudóttir Lífið Svona verður dagskráin á 17. júní í Reykjavík Lífið Sveindís Jane og Rob ástfangin í Abu Dhabi Lífið Stjörnulífið: „Stefnir í skvísulæti og almenna kynvillu hjá þessum fjórum“ Lífið Hefndi sín í tilefni af feðradeginum Lífið Fleiri fréttir Indverji á leið til landsins leitar að SOS foreldrinu Hafdísi Bieber í basli: „Ég veit að ég er skemmdur“ Magnús hjá Blue Car kaupir glæsiíbúð Bjögga Thors Dóttir Hilmis Snæs og Völu er Völudóttir Rikki G og fjölskylda sprengdu blöðruna Sveindís Jane og Rob ástfangin í Abu Dhabi Stjörnulífið: „Stefnir í skvísulæti og almenna kynvillu hjá þessum fjórum“ Hefndi sín í tilefni af feðradeginum Íslenskir áhrifavaldar fögnuðu sumrinu að sænskum sið „Það má ekki gleyma því af hverju við vorum að þessu“ Allt frá húðflúri yfir í dót úr skúrnum hans Steinda Tjaldsungi klaktist út eftir tæpar tvær vikur á ofninum Skorar á Unu Torfa í tilefni dagsins Krakkatían: Fjöll, firnindi og tónlist Leggur til meiriháttar átak til að lengja svefn Íslendinga Kvikmyndin O í forvali til Óskarsverðlauna Eru með 28 husky hunda inn á heimilinu sínu Fréttatía vikunnar: Stöð 2, fótbolti og slys Munnvatnið skiptir öllu máli Kærleiksherferð til heiðurs Bryndísi Klöru og betra samfélagi Heitur Teitur selur Fróun í beinni útsendingu og uppruni FM-hnakkans Svona verður dagskráin á 17. júní í Reykjavík Rúm ungbarna eigi að vera ljót og leiðinleg Hundrað ára afmæli bílsins í uppnámi eftir brunann Króli og Birta eiga von á barni Glæsihöll Haraldar við Elliðavatn Röddin með stóru Erri og greini lögð á hilluna Sabrina Carpenter gagnrýnd fyrir að ýta undir hlutgervingu kvenna Bjössi í Mínus er ný rödd Sýnar Sjá meira