Neita að skila umsögn um frumvarpið fyrir tilskilinn frest Magnús Jochum Pálsson skrifar 3. apríl 2025 09:35 Heiðrún Lind Marteinsdóttir, framkvæmdastjóri SFS, vandar Hönnu Katrínu Friðriksson, matvæla- og atvinnuvegaráðherra, ekki kveðjurnar. Vísir/Arnar/Vilhelm Samtök fyrirtækja í sjávarútvegi ætla ekki að veita umsögn um frumvarp um hækkun á veiðigjaldi innan tilskilins frests vegna þess hve stuttur hann er. Samtökin segja ráðuneytið ekki hafa lagt mat á möguleg áhrif frumvarpsins, hafna faglegri úrvinnslu gagna og upplýstri umræðu. Þetta kemur fram í tilkynningu á vef Samtaka fyrirtækja í sjávarútvegi (SFS). Samtökin segja þar rétt að tilkynna sérstaklega að þau muni ekki veita umsögn um frumvarpið í dag, innan tilskilins frests, af fimm ástæðum sem eru síðan listaðar upp. „Í fyrsta lagi er óforsvaranlegt að veita vikufrest til umsagnar um svo veigamikið og afdrifaríkt mál sem breytingar á veiðigjaldi eru og hefur ófyrirséð áhrif langt út fyrir raðir sjávarútvegs,“ segir í tilkynningunni. Samtökin segjast hafa óskað eftir „sanngjarnri og hóflegri“ framlengingu á frestinum um viku, til og með 11. apríl, en hafi fengið synjun frá atvinnuvegaráðuneyti. Telja villur í tölum ráðuneytisins Önnur ástæðan sé „að ráðuneytið hefur kosið að svara ekki ítrekaðri beiðni samtakanna um aðgang að undirliggjandi grunngögnum og útreikningum sem frumvarpið byggist á,“ segir í tilkynningunni. Það torveldi hagaðilum verkið. Samtökin segjast þegar hafa orðið áskynja um villur í tölum ráðuneytisins. Hins vegar sé ómögulegt að leita uppruna þeirra villna og leiðrétta þær því samtökin hafi ekki aðgang að gögnum eða útreikningum ráðuneytisins. „Af athafnaleysi ráðuneytisins verður ekki annað ráðið en að það kjósi að hafna faglegri úrvinnslu talna, gagnsæi og upplýstri umræðu,“ segir í tilkynningunni. Ráðuneytið ekki lagt mat á áhrif frumvarpsins Þriðja ástæðan sé að ráðuneytið hafi ekki reynt að leggja mat á möguleg áhrif frumvarpsins verði það að lögum. Hagaðilar séu því tilneyddir til að vinna þá nauðsynlegu vinnu fyrir stjórnvöld. „Þá eru tillögur frumvarpsins, sem sækja stuðning í norskan veruleika, þess eðlis að skilja þarf fiskveiðistjórnunarkerfi Norðmanna til hlítar, virkni uppboðsmarkaða, tilhögun veiða í einstökum stofnum og verðmyndun innan virðiskeðju sjávarútvegs þar í landi. Það verkefni verður ekki hrist fram úr erminni á einni viku,“ segir í tilkynningunni. Fjórða ástæðan sé að fyrirætlanir um tengingu við afurðir í öðru landi sem skattandlag hafi aldrei komið fram áður. Því sé um að ræða „umbyltingu á andlagi skattheimtu með veiðigjaldi.“ „Allt vel þenkjandi og sanngjarnt fólk hlýtur að skilja að slík grundvallarbreyting þarfnast yfirlegu og ítarlegrar skoðunar,“ segir í tilkynningunni. Skattskylda á íslenskum sjávarútvegi vegna afurða á Noregsmarkaði Fimmta ástæðan sé að í fyrirkomulaginu muni skattskylda hvíla á sjávarútvegsfyrirtækjum á Íslandi vegna afurða á markaði í Noregi sem íslensk sjávarútvegsfyrirtæki hafi engan ráðstöfunarrétt yfir. „Slíkt stenst að mati SFS ekki viðtekin viðhorf við álagningu skatta með hliðsjón af þeim kröfum sem leiða af ákvæðum stjórnarskrár,“ segir í tilkynningunni. Að sögn samtakanna skortir fyrirliggjandi frumvarp alla efnislega umfjöllun og greiningu á því álitaefni. Því komi í hlut samtakanna að greiða úr því fyrir ráðuneytið. Ætla samt að skrifa umsögn Samtökin stefna því að því að birta og láta ráðuneytinu í té umsögn „að viku liðinni, jafnvel fyrr.“ „Við vinnu umsagnar munu SFS, nú sem fyrr, vanda til verka þannig að málefnaleg skoðun geti farið fram á frumvarpsdrögum og að hver þau lög, sem síðar kunna að verða samþykkt, byggist á réttum, aðgengilegum gögnum og vel ígrunduðum forsendum,“ segir í tilkynningunni. Það sé hin eina rétta leið þegar svo miklir samfélagslegir hagsmunir séu í húfi. Miður sé að ráðherra kjósi að fara aðra og óvandaðri leið að markmiðum sínum, sem samtökin telja á þessum tímapunkti óljós. Sjávarútvegur Ríkisstjórn Kristrúnar Frostadóttur Skattar og tollar Breytingar á veiðigjöldum Tengdar fréttir Trúir ekki að menn loki fiskvinnslu til að mótmæla veiðigjöldum Atvinnuvegaráðherra segir að ef fiskvinnslum verði lokað verði það ekki vegna hærri veiðigjalda heldur vegna þess að eigendur þeirra geri það til þess að lýsa óánægju sinni. Hann trúi því ekki fyrri en á reyni að sjávarútvegsfyrirtæki grípi til slíkra aðgerða. 28. mars 2025 14:12 Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Aka um Ísland í allt sumar og mynda vegakerfið í þrívídd Viðskipti innlent Jakob Valgeir lét Guðbjart bróður sinn fara Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Ráðinn markaðsstjóri Bónuss Viðskipti innlent Úthluta eftirstandandi hlutum í Íslandsbanka Viðskipti innlent Birta nýja ákvörðun um stýrivexti í dag Viðskipti innlent Fleiri fréttir Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjá meira
Þetta kemur fram í tilkynningu á vef Samtaka fyrirtækja í sjávarútvegi (SFS). Samtökin segja þar rétt að tilkynna sérstaklega að þau muni ekki veita umsögn um frumvarpið í dag, innan tilskilins frests, af fimm ástæðum sem eru síðan listaðar upp. „Í fyrsta lagi er óforsvaranlegt að veita vikufrest til umsagnar um svo veigamikið og afdrifaríkt mál sem breytingar á veiðigjaldi eru og hefur ófyrirséð áhrif langt út fyrir raðir sjávarútvegs,“ segir í tilkynningunni. Samtökin segjast hafa óskað eftir „sanngjarnri og hóflegri“ framlengingu á frestinum um viku, til og með 11. apríl, en hafi fengið synjun frá atvinnuvegaráðuneyti. Telja villur í tölum ráðuneytisins Önnur ástæðan sé „að ráðuneytið hefur kosið að svara ekki ítrekaðri beiðni samtakanna um aðgang að undirliggjandi grunngögnum og útreikningum sem frumvarpið byggist á,“ segir í tilkynningunni. Það torveldi hagaðilum verkið. Samtökin segjast þegar hafa orðið áskynja um villur í tölum ráðuneytisins. Hins vegar sé ómögulegt að leita uppruna þeirra villna og leiðrétta þær því samtökin hafi ekki aðgang að gögnum eða útreikningum ráðuneytisins. „Af athafnaleysi ráðuneytisins verður ekki annað ráðið en að það kjósi að hafna faglegri úrvinnslu talna, gagnsæi og upplýstri umræðu,“ segir í tilkynningunni. Ráðuneytið ekki lagt mat á áhrif frumvarpsins Þriðja ástæðan sé að ráðuneytið hafi ekki reynt að leggja mat á möguleg áhrif frumvarpsins verði það að lögum. Hagaðilar séu því tilneyddir til að vinna þá nauðsynlegu vinnu fyrir stjórnvöld. „Þá eru tillögur frumvarpsins, sem sækja stuðning í norskan veruleika, þess eðlis að skilja þarf fiskveiðistjórnunarkerfi Norðmanna til hlítar, virkni uppboðsmarkaða, tilhögun veiða í einstökum stofnum og verðmyndun innan virðiskeðju sjávarútvegs þar í landi. Það verkefni verður ekki hrist fram úr erminni á einni viku,“ segir í tilkynningunni. Fjórða ástæðan sé að fyrirætlanir um tengingu við afurðir í öðru landi sem skattandlag hafi aldrei komið fram áður. Því sé um að ræða „umbyltingu á andlagi skattheimtu með veiðigjaldi.“ „Allt vel þenkjandi og sanngjarnt fólk hlýtur að skilja að slík grundvallarbreyting þarfnast yfirlegu og ítarlegrar skoðunar,“ segir í tilkynningunni. Skattskylda á íslenskum sjávarútvegi vegna afurða á Noregsmarkaði Fimmta ástæðan sé að í fyrirkomulaginu muni skattskylda hvíla á sjávarútvegsfyrirtækjum á Íslandi vegna afurða á markaði í Noregi sem íslensk sjávarútvegsfyrirtæki hafi engan ráðstöfunarrétt yfir. „Slíkt stenst að mati SFS ekki viðtekin viðhorf við álagningu skatta með hliðsjón af þeim kröfum sem leiða af ákvæðum stjórnarskrár,“ segir í tilkynningunni. Að sögn samtakanna skortir fyrirliggjandi frumvarp alla efnislega umfjöllun og greiningu á því álitaefni. Því komi í hlut samtakanna að greiða úr því fyrir ráðuneytið. Ætla samt að skrifa umsögn Samtökin stefna því að því að birta og láta ráðuneytinu í té umsögn „að viku liðinni, jafnvel fyrr.“ „Við vinnu umsagnar munu SFS, nú sem fyrr, vanda til verka þannig að málefnaleg skoðun geti farið fram á frumvarpsdrögum og að hver þau lög, sem síðar kunna að verða samþykkt, byggist á réttum, aðgengilegum gögnum og vel ígrunduðum forsendum,“ segir í tilkynningunni. Það sé hin eina rétta leið þegar svo miklir samfélagslegir hagsmunir séu í húfi. Miður sé að ráðherra kjósi að fara aðra og óvandaðri leið að markmiðum sínum, sem samtökin telja á þessum tímapunkti óljós.
Sjávarútvegur Ríkisstjórn Kristrúnar Frostadóttur Skattar og tollar Breytingar á veiðigjöldum Tengdar fréttir Trúir ekki að menn loki fiskvinnslu til að mótmæla veiðigjöldum Atvinnuvegaráðherra segir að ef fiskvinnslum verði lokað verði það ekki vegna hærri veiðigjalda heldur vegna þess að eigendur þeirra geri það til þess að lýsa óánægju sinni. Hann trúi því ekki fyrri en á reyni að sjávarútvegsfyrirtæki grípi til slíkra aðgerða. 28. mars 2025 14:12 Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Aka um Ísland í allt sumar og mynda vegakerfið í þrívídd Viðskipti innlent Jakob Valgeir lét Guðbjart bróður sinn fara Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Ráðinn markaðsstjóri Bónuss Viðskipti innlent Úthluta eftirstandandi hlutum í Íslandsbanka Viðskipti innlent Birta nýja ákvörðun um stýrivexti í dag Viðskipti innlent Fleiri fréttir Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Selja allan eignarhlut ríkisins í Íslandsbanka Sjá meira
Trúir ekki að menn loki fiskvinnslu til að mótmæla veiðigjöldum Atvinnuvegaráðherra segir að ef fiskvinnslum verði lokað verði það ekki vegna hærri veiðigjalda heldur vegna þess að eigendur þeirra geri það til þess að lýsa óánægju sinni. Hann trúi því ekki fyrri en á reyni að sjávarútvegsfyrirtæki grípi til slíkra aðgerða. 28. mars 2025 14:12