Men Tolla komið í leitirnar: „Sannkölluð jólasaga“

„Þetta er sannkölluð jólasaga. Leitin að meninu góða endar fallega,“ segir Tolli.

Hann segir yndislega manneskju hafa haft samband við hann og að falleg lending verði í málinu. 

„Ég fékk skilaboð á netinu. Einhver manneskja sem er alveg grandvaralaus kaupir þetta í góðri trú en svo kemur þetta upp,“ segir hann.

Tolli birti færslu á samfélagsmiðlum í gær þar sem hann sagði frá því að dýrmætt hálsmen sem tolið hafði verið af honum fyrir hartnær tveimur áratugum síðan hefði dúkkað upp á antíksölu í Kópavogi. Menið sem um ræðir var gert af Ásdísi Sveinsdóttur

Eftir öll þessi ár segir Tolli að menið hafi birst skyndilega á sölusíðu Antíksölunnar í Kópavogi. Hann hafði samband við eigendur sölunnar en þau voru grunlaus að um illfenginn grip væri að ræða. Menið hefði verið selt fyrir ekki svo löngu en þau vissu ekki hvert.