Bókaumfjöllun: Netflix áhrif í ljúfri jólaástarsögu Lestrarklefinn og Sæunn Gísladóttir 6. nóvember 2024 10:32 Skvísubók Ásu Marinar, Hittu mig í Hellisgerði er til umfjöllunar í Lestrarklefanum. Gassi Á menningarvefnum Lestrarklefinn er nú fjallað um hinar ýmsu bækur sem komið hafa út á árinu. Sæunn Gísladóttir fjallar hér um bókina Hittu mig í Hellisgerði eftir Ásu Marin. Hittu mig í Hellisgerði er nýjasta bók Ásu Marinar sem hefur undanfarin ár gefið út hugljúfar ferðasögur. Við höfum áður fjallað um bækur hennar sem hafa farið með lesendur í ferðalög, meðal annars til Andalúsíu og alla leið til Víetnam. Sæunn Gísladóttir fjallar um bókina. Á íslenskum bókamarkaði hefur verið gat á markaði hvað varðar skvísubækur, en alltaf selst nóg af slíkum erlendum bókum. Því er gaman að hafa fengið í flóruna Ásu Marin sem skrifar léttari bækur sem má njóta þess að lesa í amstri dagsins. Að þessu sinni er Ása Marin með jólaívaf í bók sinni. Hittu mig í Hellisgerði segir frá Snjólaugu sem er að nálgast fertugt og er einhleyp móðir ungrar stelpu. Hún á í góðu sambandi við barnsföður sinn Nökkva en í ár hefur hann eyðilagt jólin með því að skipuleggja ferð til Tenerife með dóttur þeirra og stendur Snjólaug frammi fyrir því að vera ein á aðfangadagskvöld. Þessi ógnvekjandi staðreynd verður til þess að Snjólaug tekur loks af skarið í eigin ástarlífi og ákveður að vera búin að finna sér kærasta þegar klukkurnar hringja inn jólin. Hvernig henni mun takast til er svo umfjöllunarefni bókarinnar sem gerist frá lok nóvember og fram yfir hátíðarnar. Norsk áhrif Ef söguþráðurinn í bókinni, að kona á fertugsaldri ákveði að næla sér í jólakæró korter í jól, hljómar kunnuglega er það ef til vill því hann minnir óneitanlega á hina frábæru norsku Netflix-seríu Hjem til jul. Ása Marin er ekkert að fela Netflix áhrifin en hún vísar meðal annars í aðra norska jólaseríu á streymisveitunni, A Storm for Christmas, og ver söguhetjan Snjólaug ófáum kvöldum í að horfa á jólamyndir á veitunni. Snjólaug er sjálfstæð kona sem á sitt eigið brauðtertu-fyrirtæki eins og gjarnan í Netflix jólamyndum og þrátt fyrir að vera mörgum mannkostum gædd hefur lítið gerst í ástarlífi hennar sé samband þeirra Nökkva, sem skildu þegar dóttir þeirra var pínu lítil, undanskilið. Þrátt fyrir þessi Netflix áhrif er sagan að öðru leyti íslensk. Þegar Snjólaug ákveður að taka af skarið og skrá sig á stefnumótaöppin mæta henni misslæmir menn, Kristín besta vinkona hennar reynir að stappa í hana stálinu en er sjálf harðgift og því ekki mjög gagnleg í stefnumótaheiminum. Ég var farin að hugsa með mér eftir nokkra kafla um daglega líf Snjólaugar og raunir hennar, hvort kæmi ekki að einhverju ferðalagi (ég hafði greinilega gleymt að lesa aftan á kápuna) en þá einmitt hvetur Kristín hana til að skrá sig í rómantíska stefnumótaferð á landsbyggðinni. Snjólaug er valin til þátttöku og fer af stað í vikulanga óvissuferð með níu öðrum einhleypum einstaklingum. Því er einnig að ræða um ferðasögu um helstu náttúruundur Suðurlands. Umfjöllunina í heild sinni má lesa hér. Fleiri bókadómar eru inni á Lestrarklefinn.is. Menning Bókaútgáfa Bókmenntir Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið „Stolt af því að hafa ekki gefist upp á sjálfri mér“ Lífið Eldgos og elskhugar á frumsýningu Eldanna Lífið Hætti að þurfa að ryksuga upp hárin eftir hverja sturtu Lífið samstarf Yfir sig ástfangin og býr bæði á Spáni og Íslandi Lífið Fleiri fréttir Opnunarhátíð í Ríteil Kids „við erum að drukkna í fötum“ Hætti að þurfa að ryksuga upp hárin eftir hverja sturtu Ný svefnlína sem hjálpar þér að sofna, sofa og vakna hress! Með stimpil upp á ekta spænska matarmenningu Með stimpil upp á ekta spænska matarmenningu Er hárið skemmt eða bara þurrt? Opna Preppbarinn í Keflavík og bjóða 50% afslátt Stjörnum prýdd dagskrá Bylgjunnar í Hljómskálagarðinum Stöðugt á ferð og flugi með sterkari skrokk Víkurverk hefur allt fyrir ferðalagið og meira til Hver dáleiðsla er spennandi og ófyrirsjáanlegt ferðalag Fann lausn við verkjunum sem breytti öllu Egill, Valgeir og Sigurður Bjóla saman á sviði í fyrsta sinn síðan 1976 Sjá meira
Hittu mig í Hellisgerði er nýjasta bók Ásu Marinar sem hefur undanfarin ár gefið út hugljúfar ferðasögur. Við höfum áður fjallað um bækur hennar sem hafa farið með lesendur í ferðalög, meðal annars til Andalúsíu og alla leið til Víetnam. Sæunn Gísladóttir fjallar um bókina. Á íslenskum bókamarkaði hefur verið gat á markaði hvað varðar skvísubækur, en alltaf selst nóg af slíkum erlendum bókum. Því er gaman að hafa fengið í flóruna Ásu Marin sem skrifar léttari bækur sem má njóta þess að lesa í amstri dagsins. Að þessu sinni er Ása Marin með jólaívaf í bók sinni. Hittu mig í Hellisgerði segir frá Snjólaugu sem er að nálgast fertugt og er einhleyp móðir ungrar stelpu. Hún á í góðu sambandi við barnsföður sinn Nökkva en í ár hefur hann eyðilagt jólin með því að skipuleggja ferð til Tenerife með dóttur þeirra og stendur Snjólaug frammi fyrir því að vera ein á aðfangadagskvöld. Þessi ógnvekjandi staðreynd verður til þess að Snjólaug tekur loks af skarið í eigin ástarlífi og ákveður að vera búin að finna sér kærasta þegar klukkurnar hringja inn jólin. Hvernig henni mun takast til er svo umfjöllunarefni bókarinnar sem gerist frá lok nóvember og fram yfir hátíðarnar. Norsk áhrif Ef söguþráðurinn í bókinni, að kona á fertugsaldri ákveði að næla sér í jólakæró korter í jól, hljómar kunnuglega er það ef til vill því hann minnir óneitanlega á hina frábæru norsku Netflix-seríu Hjem til jul. Ása Marin er ekkert að fela Netflix áhrifin en hún vísar meðal annars í aðra norska jólaseríu á streymisveitunni, A Storm for Christmas, og ver söguhetjan Snjólaug ófáum kvöldum í að horfa á jólamyndir á veitunni. Snjólaug er sjálfstæð kona sem á sitt eigið brauðtertu-fyrirtæki eins og gjarnan í Netflix jólamyndum og þrátt fyrir að vera mörgum mannkostum gædd hefur lítið gerst í ástarlífi hennar sé samband þeirra Nökkva, sem skildu þegar dóttir þeirra var pínu lítil, undanskilið. Þrátt fyrir þessi Netflix áhrif er sagan að öðru leyti íslensk. Þegar Snjólaug ákveður að taka af skarið og skrá sig á stefnumótaöppin mæta henni misslæmir menn, Kristín besta vinkona hennar reynir að stappa í hana stálinu en er sjálf harðgift og því ekki mjög gagnleg í stefnumótaheiminum. Ég var farin að hugsa með mér eftir nokkra kafla um daglega líf Snjólaugar og raunir hennar, hvort kæmi ekki að einhverju ferðalagi (ég hafði greinilega gleymt að lesa aftan á kápuna) en þá einmitt hvetur Kristín hana til að skrá sig í rómantíska stefnumótaferð á landsbyggðinni. Snjólaug er valin til þátttöku og fer af stað í vikulanga óvissuferð með níu öðrum einhleypum einstaklingum. Því er einnig að ræða um ferðasögu um helstu náttúruundur Suðurlands. Umfjöllunina í heild sinni má lesa hér. Fleiri bókadómar eru inni á Lestrarklefinn.is.
Menning Bókaútgáfa Bókmenntir Mest lesið Allt ætlaði um koll að keyra í Borgarleikhúsinu Lífið Tók sex ólíka stera fyrir hjartastoppið: „Þannig ég segi nei við sterum“ Lífið Segir Candy hafa séð að faðir hans væri „skrímsli“ á undan öðrum Lífið Balta bregst bogalistin Gagnrýni Glæsibústaðir yfir hundrað milljónum Lífið Glæsihöll Livar og Sverris á Arnarnesi til sölu Lífið „Stolt af því að hafa ekki gefist upp á sjálfri mér“ Lífið Eldgos og elskhugar á frumsýningu Eldanna Lífið Hætti að þurfa að ryksuga upp hárin eftir hverja sturtu Lífið samstarf Yfir sig ástfangin og býr bæði á Spáni og Íslandi Lífið Fleiri fréttir Opnunarhátíð í Ríteil Kids „við erum að drukkna í fötum“ Hætti að þurfa að ryksuga upp hárin eftir hverja sturtu Ný svefnlína sem hjálpar þér að sofna, sofa og vakna hress! Með stimpil upp á ekta spænska matarmenningu Með stimpil upp á ekta spænska matarmenningu Er hárið skemmt eða bara þurrt? Opna Preppbarinn í Keflavík og bjóða 50% afslátt Stjörnum prýdd dagskrá Bylgjunnar í Hljómskálagarðinum Stöðugt á ferð og flugi með sterkari skrokk Víkurverk hefur allt fyrir ferðalagið og meira til Hver dáleiðsla er spennandi og ófyrirsjáanlegt ferðalag Fann lausn við verkjunum sem breytti öllu Egill, Valgeir og Sigurður Bjóla saman á sviði í fyrsta sinn síðan 1976 Sjá meira