Ítrekuð brot gegn grunnskólastúlku nauðgun eftir allt saman Jón Þór Stefánsson skrifar 17. október 2024 17:05 Najeb Mohammad Alhaj Husin fær þyngri dóm í Landsrétti en í Héraðsdómi Norðurlands eystra. Landsréttur hefur þyngt dóm Najeb Mohammad Alhaj Husin, fyrrverandi starfsmanns grunnskóla í bæjarfélagi á Norðurlandi vestra, fyrir brot, þar á meðal nauðgun, gegn stúlku í unglingadeild skólans. Héraðsdómur Norðurlands eystra hafði áður dæmt hann í þriggja og hálfs árs fangelsi vegna málsins, en vildi meina að háttsemi hans hefði ekki verið nauðgun. Landsréttur segir að um nauðgun sé að ræða og dæmir hann í fimm ára fangelsi. Brot hans áttu sér stað í nóvember 2021 til mars ári síðar, en þá var hann 29 ára og hún fjórtán ára. Vísir fjallaði ítarlega um dóm Héraðsdóms í desember síðastliðnum. Þá umfjöllun má finna hér. Najeb var ákærður fyrir nokkur brot gagnvart stúlkunni. Honum var gefin að sök kynferðisleg áreitni gegn barni með því að hafa í tvígang í húsnæði grunnskólans kysst hana og káfað á brjóstum hennar og kynfærum. Þá var hann ákærður fyrir nauðgun og kynferðisbrot gegn barni með því að hafa haft ítrekað samræði og önnur kynferðismök við stúlkuna án hennar samþykkis. Brotin áttu sér sum stað í bíl sem hann hafði afnot af, á heimili hans, og á heimili hennar. Einnig var Najeb ákærður fyrir vörslu á barnaníðsefni, en í síma hans mátti finna mynd sem sýndi stúlkuna á kynferðislegan hátt. Landsréttur þyngdi dóminn.Vísir/Vilhelm Neitaði sök Lögreglu barst tilkynning um málið frá félagsmálayfirvöldum í sveitarfélaginu í maí 2022. Tveimur dögum seinna var maðurinn handtekinn, en hann neitaði alfarið sök. Hann sagðist hafa kynnst stúlkunni og vinkonu hennar við líkamsrækt nokkrum mánuðum áður og tengst þeim á samfélagsmiðlunum Snapchat og Facebook. Í febrúar þetta ár hefði skólastjóri skólans gert athugasemd við að hann væri í samskiptum við svona ungar stúlkur og hann þá hætt því. Þó hefðu stelpurnar gætt barna hans seinna í sama mánuði. Hann viðurkenndi fyrir dómi að hafa vistað ljósmynd sem sýndi stúlkuna á kynferðislegan hátt. Landsréttur segir í dómi sínum að framburður Najeb hafi verið ótrúverðugur en framburður stúlkunnar trúverðugur og í samræmi við göng málsins. Í dómnum er bent á að lýsingar hans á sambandi sínu við stúlkuna hafi tekið breytingum. Fyrst hafi hann sagst þekkja lítið til hennar og síðan talað um að þau ætti í vinasambandi. Beitti hana nauðung Líkt og áður segir féllst Héraðsdómur Norðurlands vestra ekki á að Najeb hefði nauðgað stúlkunni. Í dómi Landsréttar segir að það megi rekja af samskiptum þeirra á Snapvhat að fljótlega eftir að þau kynntust hafi hann leitast eftir kynferðislegu samneyti við hana. Í fyrstu hafi hann slegið henni gullhamra og síðan þrýst á að hitta hana í því skyni að stofna til slíkra kynna. Í fyrstu hafi stúlkan verið hikandi við að hitta hann. Þá segir að hann hafi legið henni á hálsi fyrir að tjá honum ekki nægilega ást sína og vakið hjá henni sektarkennd með því. Það var meðal annars vegna þessa sem Landsréttur komst að þeirri niðurstöðu að hann hefði beitt hana ólögmætri nauðung og því var hann sakfelldur fyrir nauðgun. Í dómnum segir að hann hafi gerst sekur um margítrekuð kynferðisbrot gegn stúlku á barnsaldri sem hafi verið alvarleg. Því var ákveðið að dæma hann í fimm ára fangelsi, en gæsluvarðhald sem hann hefur sætt hefur verið dregið frá refsingunni. Þá er honum gert að greiða stúlkunni 3,5 milljónir króna í miskabætur. Einnig þarf hann að greiða áfrýjunarkostnað málsins sem hleypur á tæplega 2,5 milljónum. Dómsmál Kynferðisofbeldi Ofbeldi gegn börnum Mest lesið Stöðugleiki norðlægrar hringrásar skammgóður vermir fyrir Ísland Innlent Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Segir tilvalin íbúðasvæði opnast með Sundabraut Innlent Engin lausn og ákveðin sjálfsblekking að banna börnum að nota tölvuleiki Innlent Næstum öllum sagt upp hjá dótturfélagi Play Innlent Mikill hiti í síðustu kappræðunum fyrir kosningar Erlent „Ég skoðanakúgaði sjálfa mig í þágu friðar og þæginda félagslega“ Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent Fleiri fréttir Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Sjá meira
Brot hans áttu sér stað í nóvember 2021 til mars ári síðar, en þá var hann 29 ára og hún fjórtán ára. Vísir fjallaði ítarlega um dóm Héraðsdóms í desember síðastliðnum. Þá umfjöllun má finna hér. Najeb var ákærður fyrir nokkur brot gagnvart stúlkunni. Honum var gefin að sök kynferðisleg áreitni gegn barni með því að hafa í tvígang í húsnæði grunnskólans kysst hana og káfað á brjóstum hennar og kynfærum. Þá var hann ákærður fyrir nauðgun og kynferðisbrot gegn barni með því að hafa haft ítrekað samræði og önnur kynferðismök við stúlkuna án hennar samþykkis. Brotin áttu sér sum stað í bíl sem hann hafði afnot af, á heimili hans, og á heimili hennar. Einnig var Najeb ákærður fyrir vörslu á barnaníðsefni, en í síma hans mátti finna mynd sem sýndi stúlkuna á kynferðislegan hátt. Landsréttur þyngdi dóminn.Vísir/Vilhelm Neitaði sök Lögreglu barst tilkynning um málið frá félagsmálayfirvöldum í sveitarfélaginu í maí 2022. Tveimur dögum seinna var maðurinn handtekinn, en hann neitaði alfarið sök. Hann sagðist hafa kynnst stúlkunni og vinkonu hennar við líkamsrækt nokkrum mánuðum áður og tengst þeim á samfélagsmiðlunum Snapchat og Facebook. Í febrúar þetta ár hefði skólastjóri skólans gert athugasemd við að hann væri í samskiptum við svona ungar stúlkur og hann þá hætt því. Þó hefðu stelpurnar gætt barna hans seinna í sama mánuði. Hann viðurkenndi fyrir dómi að hafa vistað ljósmynd sem sýndi stúlkuna á kynferðislegan hátt. Landsréttur segir í dómi sínum að framburður Najeb hafi verið ótrúverðugur en framburður stúlkunnar trúverðugur og í samræmi við göng málsins. Í dómnum er bent á að lýsingar hans á sambandi sínu við stúlkuna hafi tekið breytingum. Fyrst hafi hann sagst þekkja lítið til hennar og síðan talað um að þau ætti í vinasambandi. Beitti hana nauðung Líkt og áður segir féllst Héraðsdómur Norðurlands vestra ekki á að Najeb hefði nauðgað stúlkunni. Í dómi Landsréttar segir að það megi rekja af samskiptum þeirra á Snapvhat að fljótlega eftir að þau kynntust hafi hann leitast eftir kynferðislegu samneyti við hana. Í fyrstu hafi hann slegið henni gullhamra og síðan þrýst á að hitta hana í því skyni að stofna til slíkra kynna. Í fyrstu hafi stúlkan verið hikandi við að hitta hann. Þá segir að hann hafi legið henni á hálsi fyrir að tjá honum ekki nægilega ást sína og vakið hjá henni sektarkennd með því. Það var meðal annars vegna þessa sem Landsréttur komst að þeirri niðurstöðu að hann hefði beitt hana ólögmætri nauðung og því var hann sakfelldur fyrir nauðgun. Í dómnum segir að hann hafi gerst sekur um margítrekuð kynferðisbrot gegn stúlku á barnsaldri sem hafi verið alvarleg. Því var ákveðið að dæma hann í fimm ára fangelsi, en gæsluvarðhald sem hann hefur sætt hefur verið dregið frá refsingunni. Þá er honum gert að greiða stúlkunni 3,5 milljónir króna í miskabætur. Einnig þarf hann að greiða áfrýjunarkostnað málsins sem hleypur á tæplega 2,5 milljónum.
Dómsmál Kynferðisofbeldi Ofbeldi gegn börnum Mest lesið Stöðugleiki norðlægrar hringrásar skammgóður vermir fyrir Ísland Innlent Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Segir tilvalin íbúðasvæði opnast með Sundabraut Innlent Engin lausn og ákveðin sjálfsblekking að banna börnum að nota tölvuleiki Innlent Næstum öllum sagt upp hjá dótturfélagi Play Innlent Mikill hiti í síðustu kappræðunum fyrir kosningar Erlent „Ég skoðanakúgaði sjálfa mig í þágu friðar og þæginda félagslega“ Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent Fleiri fréttir Engin lausn og ákveðin sjálfsblekking að banna börnum að nota tölvuleiki Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Sjá meira