Sumarferðir ekki byrjaðar þegar skýrsla var gerð Kjartan Kjartansson skrifar 27. ágúst 2024 11:09 Íshellir í Breiðamerkurjökli. Þeir myndast við leysingu á sumrin og verða aðgengilegir þegar henni lýkur seint á haustin. Undanfarin ár hafa ýmis ferðaþjónustufyrirtæki gert út á sumarferðir í íshella. Vísir/Vilhelm Margskonar hættur fylgja íshellum sem eru í eðli sínu óstöðugir og síbreytilegir samkvæmt skýrslu sem var unnin um íshellaferðir í Vatnajökulsþjóðgarði fyrir sjö árum. Í henni var ekki gert ráð fyrir að farið væri með fólk í hella að sumarlagi. Bandarískur ferðamaður lést og kona hans slasaðist þegar ís hrundi ofan á þau úr gili í Breiðamerkurjökli á sunnudag. Fólkið var í skipulagðri ferð á vegum ferðaþjónustufyrirtækisins Ice Pic Journeys. Björgunarsveitarfólk leitaði að tveimur til viðbótar í ísnum fram á miðjan dag í gær þar til að í ljós kom að fyrirtækið veitti lögreglu rangar upplýsingar um hversu margir hefðu verið í hópnum. Enginn annar reyndist hafa lent undir íshruninu. Nokkur fjöldi ferðaþjónustufyrirtækja hefur selt íshellaferðir að sumri til, bæði í Breiðamerkurjökli og Kötlujökli. Önnur selja slíkar ferðir hins vegar aðeins á haustin og fram á vor. Áhættan í lágmarki á sex mánaða tímabili Ekki var gert ráð fyrir að fyrirtæki færu með ferðafólk í íshella að sumri til í skýrslu um aðferðir við mat á áhættu við slíkar ferðir sem Raunvísindastofnun Háskóla Íslands vann fyrir Vatnajökulsþjóðgarð árið 2017. Í því kemur fram að hellarnir myndist í leysingum á sumrin og að ekki sé hægt að fara inn í þá fyrr en vatnsrennsli detti niður síðla hausts. Mjög breytilegt er hvenær leysingatímabilinu lýkur og hvenær það hefst aftur. Tímabilið þar sem leysing er lítil og áhætta við íshellaferðir er í lágmarki getur verið allt að átta til níu mánuðir en algengast er að það standi yfir í sex mánuði, frá byrjun nóvember til loka apríl. Þegar vetur eru mjög hlýir getur tímabilið farið niður í allt að fjóra mánuði. Jafnvel hætta á flóðum eða krapaflóðum Íshellar eru sagðir í eðli sínu óstöðugir og síbreytilegir í skýrslunni. Jafnvel á veturna sé hætta á hruni úr ísþakinu, vatnsrennsli eftir þeim geti valdið hættu eða gert þá ófæra og brunnar og sprungur ofan á þeim sem fyllast af snjó og krapa geta einnig valdið stórhættu. Ekki var heldur sagt hægt að útiloka að vatn kæmi skyndilega niður íshella í flóði eftir að hafa safnast fyrir í smálón á jöklinum. Þá var nefnd hætta á krapaflóðum úr brunnum sem myndast á yfirborði jökuls yfir íshelli. „Þau geta verið mjög hættuleg fyrir fólk ef það er á botni hellisins nærri slíkum brunni,“ sagði í skýrslunni. Tugir björgunarsveitarmanna vann að leit og björgun á Breiðamerkurjökli eftir slysið sem varð á sunnudag.Vísir/Vilhelm Sumarferðir ekki byrjaðar þegar skýrslan var gerð Jón Gauti Jónsson, fjallaleiðsögumaður í Félagi íslenskra fjallaleiðsögumanna og einn höfunda skýrslunnar, segir að þegar skýrslan var unnin hafi menn ekki verið byrjaðir að fara í sumarferðir í íshella. Þar sem skýrsluhöfundar hafi einbeitt sér að raunverulegum íshellum sem myndast á sumrin og opnast eftir leysingu séu gríðarleg áhrif sumarsólarljóss á jökulísinn ekki rakin í skýrslunni. Styrkur sólarljóssins þegar sólin er hæst á lofti veldur heimiklu niðurbroti á jökulísnum og segir Jón Gauti þá erfitt að meta gæði íssins. Áhrif sólar nái allt að fimmtíu sentímetra inn í ísinn sem morknar og verður ótraustur. „Á sumrin er maður ofsalega skeptískur á allan ís sem þú getur ekki metið. Þú sérð ekkert blámann í honum, þú sérð bara hröngl,“ segir Jón Gauti. Leiðsögumenn hafa færni til að meta aðstæður Hann telur ekki hægt að segja afdráttarlaust að ekki ætti að fara í slíkar ferðir á sumrin enda hafi jöklaferðir tíðkast yfir sumarmánuðina. Þá hafi fundist staðir þar sem hægt sé að fara inn í skúta sem lifa af vorleysingu. „Það er að undangengnu mjög ítarlegu mati. Það fer eftir styrkleika ísmyndunarinnar hvernig þú metur það sem jöklaleiðsögumaður. Þeir hafa færni til þess að meta þetta.“ Það sé í höndum vanra og þjálfaðra jöklaleiðsögumanna að meta aðstæðurnar hverju sinni og taka ákvörðun út frá þeim. „Vanur leiðsögumaður með bein í nefinu segir hingað og ekki lengra. Ég vil ekki fara með hópinn minn inn á þetta svæði,“ segir Jón Gauti um það þegar aðstæður eru ekki öruggar. Slys á Breiðamerkurjökli Ferðamennska á Íslandi Sveitarfélagið Hornafjörður Tengdar fréttir Áríðandi að slysið verði rannsakað og öllum spurningum svarað Jóhannes Þór Skúlason, framkvæmdastjóri Samtaka ferðaþjónustunnar, segist hafa verið sleginn yfir slysinu við íshellinn á Breiðamerkurjökli um helgina. Hann segist þakka fyrir það að fleiri hafi ekki lent undir ísfarginu. 27. ágúst 2024 09:09 Engar frekari íshellaferðir að svo stöddu Vatnajökulsþjóðgarður hefur farið þess á leit við ferðaþjónustuaðila sem við á, að þeir fari ekki í íshellaferðir á svæði þjóðgarðsins að svo stöddu. Allir hafa brugðist vel við þeirri beiðni, að því er kemur fram í tilkynningu frá þjóðgarðinum. Þá segir að til skoðunar hafi verið að gera enn meiri kröfur til rekstraraðila sem starfa í þjóðgarðinum. 26. ágúst 2024 18:30 Fyrirtækið er frumkvöðull í sumaríshellaferðum Fyrirtækið sem var með 23 ferðamenn í íshellaferð við Breiðamerkurjökul í gær heitir Ice Pic Journeys samkvæmt heimildum fréttastofu. Það hefur sérhæft sig í ævintýralegum jöklaferðum á svæðinu og verið frumkvöðull í sumarferðum á jökulinn. Fyrirtækið þjónustar meðal annars ferðaþjónusturisann Guide to Iceland. 26. ágúst 2024 17:57 Mest lesið Segja gengið á birgðirnar og hætta við vopnasendingar til Úkraínu Erlent Játaði fjárdrátt og endurgreiðir samkvæmt samkomulagi Innlent Vill fá að vita hvers vegna ákvarðanir stofnana eru ekki undirritaðar Innlent Þingfundi slitið klukkan hálf fimm í nótt Innlent Versta og besta nýtingin á frístundakortinu á Kjalarnesi Innlent Hommar mega enn ekki gefa blóð Innlent Árekstur á Kringlumýrarbraut Innlent Ísraelsmenn hafi gengist við skilyrðum vopnahlés Erlent Matargjöfum Fjölskylduhjálpar hætt: „Stingur okkur í hjartastað“ Innlent Kynna nýtt kerfi gegn „gervigreindarsópum“ Viðskipti erlent Fleiri fréttir Árekstur á Kringlumýrarbraut Þingheimur minnist Magnúsar Þórs Vill fá að vita hvers vegna ákvarðanir stofnana eru ekki undirritaðar Versta og besta nýtingin á frístundakortinu á Kjalarnesi Þingfundi slitið klukkan hálf fimm í nótt Umræðum haldið áfram eftir langan fund þingflokksformanna Hommar mega enn ekki gefa blóð Hvammsvirkjun bíður dóms Hæstaréttar Játaði fjárdrátt og endurgreiðir samkvæmt samkomulagi Matargjöfum Fjölskylduhjálpar hætt: „Stingur okkur í hjartastað“ Tekjur af bjórsölu orðnar meiri en af miðasölu Hryssan Hlökk er „Dekurprinsessa“ hjá Ásmundi Erni Taka þurfi ákvörðun um sameiningu vinstrisins fyrr en síðar Samfélagið fari ekki á hliðina án tíufrétta Yfir helmingur drengja í sjötta bekk lent í slagsmálum Þjónusta sérgreinalækna við börn nú án endurgjalds Mesta fylgi síðan 2009 Börn í slagsmálum, arðbær bjórsala og dekurprinsessa Beðið eftir krufningarskýrslu Stefna á að þrefalda fjölda hjúkrunarrýma í Mosfellsbæ Vill tryggja bráðaviðbragð í Öræfum allan ársins hring Lágkúra og della að mati ráðherra Ræðurnar verði nógu margar til að taka veiðigjöldin af dagskrá Ræddu við sextíu manns í tengslum við hvarf Jóns Þrastar Magnús Þór lést við strandveiðar Seinkun fréttatímans seinkað Andlát í Garðabæ: Úrskurðuð í gæsluvarðhald umfram hámarkslengd Tvöfalt siðgæði EBU mikið áhyggjuefni Landris heldur áfram í Svartsengi Með barnaníðsefni í símanum þegar hann var „laminn í stöppu“ Sjá meira
Bandarískur ferðamaður lést og kona hans slasaðist þegar ís hrundi ofan á þau úr gili í Breiðamerkurjökli á sunnudag. Fólkið var í skipulagðri ferð á vegum ferðaþjónustufyrirtækisins Ice Pic Journeys. Björgunarsveitarfólk leitaði að tveimur til viðbótar í ísnum fram á miðjan dag í gær þar til að í ljós kom að fyrirtækið veitti lögreglu rangar upplýsingar um hversu margir hefðu verið í hópnum. Enginn annar reyndist hafa lent undir íshruninu. Nokkur fjöldi ferðaþjónustufyrirtækja hefur selt íshellaferðir að sumri til, bæði í Breiðamerkurjökli og Kötlujökli. Önnur selja slíkar ferðir hins vegar aðeins á haustin og fram á vor. Áhættan í lágmarki á sex mánaða tímabili Ekki var gert ráð fyrir að fyrirtæki færu með ferðafólk í íshella að sumri til í skýrslu um aðferðir við mat á áhættu við slíkar ferðir sem Raunvísindastofnun Háskóla Íslands vann fyrir Vatnajökulsþjóðgarð árið 2017. Í því kemur fram að hellarnir myndist í leysingum á sumrin og að ekki sé hægt að fara inn í þá fyrr en vatnsrennsli detti niður síðla hausts. Mjög breytilegt er hvenær leysingatímabilinu lýkur og hvenær það hefst aftur. Tímabilið þar sem leysing er lítil og áhætta við íshellaferðir er í lágmarki getur verið allt að átta til níu mánuðir en algengast er að það standi yfir í sex mánuði, frá byrjun nóvember til loka apríl. Þegar vetur eru mjög hlýir getur tímabilið farið niður í allt að fjóra mánuði. Jafnvel hætta á flóðum eða krapaflóðum Íshellar eru sagðir í eðli sínu óstöðugir og síbreytilegir í skýrslunni. Jafnvel á veturna sé hætta á hruni úr ísþakinu, vatnsrennsli eftir þeim geti valdið hættu eða gert þá ófæra og brunnar og sprungur ofan á þeim sem fyllast af snjó og krapa geta einnig valdið stórhættu. Ekki var heldur sagt hægt að útiloka að vatn kæmi skyndilega niður íshella í flóði eftir að hafa safnast fyrir í smálón á jöklinum. Þá var nefnd hætta á krapaflóðum úr brunnum sem myndast á yfirborði jökuls yfir íshelli. „Þau geta verið mjög hættuleg fyrir fólk ef það er á botni hellisins nærri slíkum brunni,“ sagði í skýrslunni. Tugir björgunarsveitarmanna vann að leit og björgun á Breiðamerkurjökli eftir slysið sem varð á sunnudag.Vísir/Vilhelm Sumarferðir ekki byrjaðar þegar skýrslan var gerð Jón Gauti Jónsson, fjallaleiðsögumaður í Félagi íslenskra fjallaleiðsögumanna og einn höfunda skýrslunnar, segir að þegar skýrslan var unnin hafi menn ekki verið byrjaðir að fara í sumarferðir í íshella. Þar sem skýrsluhöfundar hafi einbeitt sér að raunverulegum íshellum sem myndast á sumrin og opnast eftir leysingu séu gríðarleg áhrif sumarsólarljóss á jökulísinn ekki rakin í skýrslunni. Styrkur sólarljóssins þegar sólin er hæst á lofti veldur heimiklu niðurbroti á jökulísnum og segir Jón Gauti þá erfitt að meta gæði íssins. Áhrif sólar nái allt að fimmtíu sentímetra inn í ísinn sem morknar og verður ótraustur. „Á sumrin er maður ofsalega skeptískur á allan ís sem þú getur ekki metið. Þú sérð ekkert blámann í honum, þú sérð bara hröngl,“ segir Jón Gauti. Leiðsögumenn hafa færni til að meta aðstæður Hann telur ekki hægt að segja afdráttarlaust að ekki ætti að fara í slíkar ferðir á sumrin enda hafi jöklaferðir tíðkast yfir sumarmánuðina. Þá hafi fundist staðir þar sem hægt sé að fara inn í skúta sem lifa af vorleysingu. „Það er að undangengnu mjög ítarlegu mati. Það fer eftir styrkleika ísmyndunarinnar hvernig þú metur það sem jöklaleiðsögumaður. Þeir hafa færni til þess að meta þetta.“ Það sé í höndum vanra og þjálfaðra jöklaleiðsögumanna að meta aðstæðurnar hverju sinni og taka ákvörðun út frá þeim. „Vanur leiðsögumaður með bein í nefinu segir hingað og ekki lengra. Ég vil ekki fara með hópinn minn inn á þetta svæði,“ segir Jón Gauti um það þegar aðstæður eru ekki öruggar.
Slys á Breiðamerkurjökli Ferðamennska á Íslandi Sveitarfélagið Hornafjörður Tengdar fréttir Áríðandi að slysið verði rannsakað og öllum spurningum svarað Jóhannes Þór Skúlason, framkvæmdastjóri Samtaka ferðaþjónustunnar, segist hafa verið sleginn yfir slysinu við íshellinn á Breiðamerkurjökli um helgina. Hann segist þakka fyrir það að fleiri hafi ekki lent undir ísfarginu. 27. ágúst 2024 09:09 Engar frekari íshellaferðir að svo stöddu Vatnajökulsþjóðgarður hefur farið þess á leit við ferðaþjónustuaðila sem við á, að þeir fari ekki í íshellaferðir á svæði þjóðgarðsins að svo stöddu. Allir hafa brugðist vel við þeirri beiðni, að því er kemur fram í tilkynningu frá þjóðgarðinum. Þá segir að til skoðunar hafi verið að gera enn meiri kröfur til rekstraraðila sem starfa í þjóðgarðinum. 26. ágúst 2024 18:30 Fyrirtækið er frumkvöðull í sumaríshellaferðum Fyrirtækið sem var með 23 ferðamenn í íshellaferð við Breiðamerkurjökul í gær heitir Ice Pic Journeys samkvæmt heimildum fréttastofu. Það hefur sérhæft sig í ævintýralegum jöklaferðum á svæðinu og verið frumkvöðull í sumarferðum á jökulinn. Fyrirtækið þjónustar meðal annars ferðaþjónusturisann Guide to Iceland. 26. ágúst 2024 17:57 Mest lesið Segja gengið á birgðirnar og hætta við vopnasendingar til Úkraínu Erlent Játaði fjárdrátt og endurgreiðir samkvæmt samkomulagi Innlent Vill fá að vita hvers vegna ákvarðanir stofnana eru ekki undirritaðar Innlent Þingfundi slitið klukkan hálf fimm í nótt Innlent Versta og besta nýtingin á frístundakortinu á Kjalarnesi Innlent Hommar mega enn ekki gefa blóð Innlent Árekstur á Kringlumýrarbraut Innlent Ísraelsmenn hafi gengist við skilyrðum vopnahlés Erlent Matargjöfum Fjölskylduhjálpar hætt: „Stingur okkur í hjartastað“ Innlent Kynna nýtt kerfi gegn „gervigreindarsópum“ Viðskipti erlent Fleiri fréttir Árekstur á Kringlumýrarbraut Þingheimur minnist Magnúsar Þórs Vill fá að vita hvers vegna ákvarðanir stofnana eru ekki undirritaðar Versta og besta nýtingin á frístundakortinu á Kjalarnesi Þingfundi slitið klukkan hálf fimm í nótt Umræðum haldið áfram eftir langan fund þingflokksformanna Hommar mega enn ekki gefa blóð Hvammsvirkjun bíður dóms Hæstaréttar Játaði fjárdrátt og endurgreiðir samkvæmt samkomulagi Matargjöfum Fjölskylduhjálpar hætt: „Stingur okkur í hjartastað“ Tekjur af bjórsölu orðnar meiri en af miðasölu Hryssan Hlökk er „Dekurprinsessa“ hjá Ásmundi Erni Taka þurfi ákvörðun um sameiningu vinstrisins fyrr en síðar Samfélagið fari ekki á hliðina án tíufrétta Yfir helmingur drengja í sjötta bekk lent í slagsmálum Þjónusta sérgreinalækna við börn nú án endurgjalds Mesta fylgi síðan 2009 Börn í slagsmálum, arðbær bjórsala og dekurprinsessa Beðið eftir krufningarskýrslu Stefna á að þrefalda fjölda hjúkrunarrýma í Mosfellsbæ Vill tryggja bráðaviðbragð í Öræfum allan ársins hring Lágkúra og della að mati ráðherra Ræðurnar verði nógu margar til að taka veiðigjöldin af dagskrá Ræddu við sextíu manns í tengslum við hvarf Jóns Þrastar Magnús Þór lést við strandveiðar Seinkun fréttatímans seinkað Andlát í Garðabæ: Úrskurðuð í gæsluvarðhald umfram hámarkslengd Tvöfalt siðgæði EBU mikið áhyggjuefni Landris heldur áfram í Svartsengi Með barnaníðsefni í símanum þegar hann var „laminn í stöppu“ Sjá meira
Áríðandi að slysið verði rannsakað og öllum spurningum svarað Jóhannes Þór Skúlason, framkvæmdastjóri Samtaka ferðaþjónustunnar, segist hafa verið sleginn yfir slysinu við íshellinn á Breiðamerkurjökli um helgina. Hann segist þakka fyrir það að fleiri hafi ekki lent undir ísfarginu. 27. ágúst 2024 09:09
Engar frekari íshellaferðir að svo stöddu Vatnajökulsþjóðgarður hefur farið þess á leit við ferðaþjónustuaðila sem við á, að þeir fari ekki í íshellaferðir á svæði þjóðgarðsins að svo stöddu. Allir hafa brugðist vel við þeirri beiðni, að því er kemur fram í tilkynningu frá þjóðgarðinum. Þá segir að til skoðunar hafi verið að gera enn meiri kröfur til rekstraraðila sem starfa í þjóðgarðinum. 26. ágúst 2024 18:30
Fyrirtækið er frumkvöðull í sumaríshellaferðum Fyrirtækið sem var með 23 ferðamenn í íshellaferð við Breiðamerkurjökul í gær heitir Ice Pic Journeys samkvæmt heimildum fréttastofu. Það hefur sérhæft sig í ævintýralegum jöklaferðum á svæðinu og verið frumkvöðull í sumarferðum á jökulinn. Fyrirtækið þjónustar meðal annars ferðaþjónusturisann Guide to Iceland. 26. ágúst 2024 17:57