Tónlist

Björk með besta at­riði í sögu Ólympíu­leikanna

Dóra Júlía Agnarsdóttir skrifar
Björk flutti lagið Oceania á Ólympíuleikunum árið 2004 og hefur það verið valið besta tónlistaratriðið í sögu leikanna.
Björk flutti lagið Oceania á Ólympíuleikunum árið 2004 og hefur það verið valið besta tónlistaratriðið í sögu leikanna. Mick Hutson/Redferns

Fyrir tuttugu árum steig Björk Guðmunsdóttir á stokk með tónlistaratriði á Ólympíuleikunum í Aþenu 2004 og sló í gegn. Á nýjum lista tímaritsins Dig skýtur Björk kanónum á borð við Pavarotti og Paul McCartney ref fyrir rass og landar fyrsta sæti yfir besta tónlistaratriði í sögu Ólympíuleikanna.

Tónlist hefur lengi vel spilað veigamikið hlutverk á Ólympíuleikunum og á keppnin langa sögu af kraftmiklum tónlistarflutningi. 

Við opnunarathöfnina 2004 flutti Björk lagið Oceania en lagið var sérstaklega samið fyrir leikana. Hér fyrir neðan má sjá flutninginn sem sló í gegn: 

Kjóllinn sem Björk klæddist átti að endurspegla hafið eins og lagið og var hannaður í samvinnu við gríska hönnuðinn Sophia Kokosalaki. Listrænn stjórnandi var Dimitris Papaioannou en hann nálgaðist Björk og bað hana að semja lag sem ýtti undir sameiningu. 

„Ég hugsaði um hafið vegna þess að vatn snertir hverja einustu heimsálfu án þess að hugsa um kynþátt, fordóma eða trúarbrögð,“ sagði Björk í samtali við Ólympíuleikana á sínum tíma. 

Björk klæddist stórglæsilegum kjól í Aþenu sem endurspeglaði hafið, eins og lagið sjálft.Michael Steele/Getty Images

Tímaritið Dig valdi tuttugu bestu atriðin hingað til og ná þau aftur til 1984 en það var John Williams sem kom fram á leikunum í Los Angeles það árið. Meðal annarra atriða má nefna að stúlknasveitin Spice Girls landar 13. sætinu, Stevie Wonder 12. sæti, Celine Dion 6. sæti, Pavarotti 4. sæti, McCartney skipar annað sæti og Björk trónir á toppnum. 

Hér má sjá lista Dig í heild sinni: 

Ólympíuleikar Tónlist Björk

Tengdar fréttir

Úti­veran í æsku tendraði bar­áttu­eldinn

„Útiveran sem maður ólst upp með hér heima er svo stór hluti af manni. Það er lúxus sem maður vill vernda,“ segir tónlistarkonan Björk Guðmundsdóttir. Blaðamaður settist niður með henni og fékk að heyra frá samstarfinu við spænsku stórstjörnuna Rosaliu, náttúruverndinni og baráttunni gegn sjókvíaeldi, tónleikaferðalögunum, listrænni þróun og fleira.

Frægðin aldrei nokkurn tíma heillað

„Mig langaði að taka inn hinn tilfinningaskalann sem er þessi fögnuður, gleði, partý og fyrir alla,“ segir tónlistarkonan Björk Guðmundsdóttir um cornucopiu, væntanlega tónleikaseríu sína í Laugardalshöll. Blaðamaður settist niður með henni og fékk nánari innsýn í hennar stöðugt vaxandi og skapandi hugarheim.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.