Ráðinn slökkvi­liðs­­stjóri á Suður­nesjum

Á Facebook-síðu Brunavarna Suðurnesja segir að Eyþór Rúnar hafi verið talinn vera hæfastur af þeim umsóknum sem bárust.

„Eyþór hóf störf hjá Brunavörnum Suðurnesja árið 1999 og er hann löggiltur slökkviliðsmaður frá 2001, sjúkraflutningamaður B-I og P, kennsluréttindi frá sjúkraflutningaskólanum og leiðbeinandi frá Rauða Krossinum. 

Hann hefur starfað sem varðstjóri undanfarin ár. Stjórn BS óskar honum velfarnaðar í starfi og hlakkar til samstarfs á komandi árum,“ segir í tilkynningunni.

Eyþór Rúnar tekur við stöðunni af Jóni Guðlaugssyni.