Tveimur sleppt úr haldi á Suðurlandi

Samúel Karl Ólason skrifar 22. apríl 2024 17:39

Forsvarsmenn Lögreglunnar á Suðurlandi hafa aflétt gæsluvarðhaldi yfir tveimur af þeim fjórum mönnum sem voru úrskurðaðir í gæsluvarðhald í gær, vegna manndráps í Kiðjabergi í Grímsnes- og Grafningshreppi um helgina.

Greint var frá því um helgina að fjórir voru úrskurðaðir í gæsluvarðhald eftir að maður fannst látinn í sumarhúsi í uppsveitum Árnessýslu á laugardaginn. Samkvæmt heimildum fréttastofu eru mennirnir allir frá Litáen, eins og hinn látni.

Þá eru mennirnir sagðir hafa verið að smíða annan bústað í hverfinu.

Í yfirlýsingu frá lögreglunni segir að gæsluvarðhaldsúrskurðir hinna tveggja mannanna standi óbreyttir en þeir voru úrskurðaðir í gæsluvarðhald til mánaðamóta.

Þá segir einnig að rannsóknin sé umfangsmikil en hún sé í fullum gangi og miði ágætlega.

Lögreglumál Manndráp í Kiðjabergi Grímsnes- og Grafningshreppur

Tengdar fréttir

Voru að byggja annan bústað

Mennirnir sem eru í haldi lögreglu í tengslum við andlát manns í sumarhúsi í Kiðjabergi voru að smíða annan bústað í sumarhúsabyggðinni.

22. apríl 2024 14:05

Lögregla heldur spilunum þétt að sér

Lögreglan á Suðurlandi gefur ekkert upp að svo stöddu um manndráp í Kiðjabergi í Grímsnes- og Grafningshreppi um helgina. Rannsókn málsins er í fullum gangi.

22. apríl 2024 10:05

Fjórir úrskurðaðir í gæsluvarðhald

Héraðsdómur Suðurlands hefur fallist á kröfur Lögreglustjórans á Suðurlandi um gæsluvarðhald yfir fjórum sakborningum sem handteknir voru vegna rannsóknar á meintu manndrápi í uppsveitum Árnessýslu í gær.

21. apríl 2024 17:27

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.