Innlent

Alma fer ekki fram

Atli Ísleifsson skrifar
Alma Möller landlæknir þakkar þann mikla heiður og traust sem það sé að vera nefnd í sambandi mögulegt forsetaframboð.
Alma Möller landlæknir þakkar þann mikla heiður og traust sem það sé að vera nefnd í sambandi mögulegt forsetaframboð. Vísir/Vilhelm

Alma L. Möller landlæknir hyggst ekki gefa kost á sér sem næst forseti lýðveldisins. Hún segir að hugleiðingar um framboð hafi ekki farið lengra en að íhuga að íhuga framboð eftir að fjölmargir hafi haft samband og hvatt hana til að bjóða fram krafta sína.

Þetta segir í skriflegu svari Ölmu við fyrirspurn fréttastofu. 

Landlæknir sagðist í samtali við fjölmiðla í lok febrúar síðastliðinn að hún væri að „íhuga að íhuga framboð“ til forseta þar sem fjölmargir hafi komið að máli við sig. Sagði hún að bæði fólk sem hún þekkti og þekkti ekki hafi hvatt hana til framboðs. „Þegar fólk hef­ur haft sam­band þá leiðir maður hug­ann óhjá­kvæmi­lega að mál­inu,“ sagði Alma í febrúar.

Í skriflegu svari Ölmu segir hún að þær hugleiðingar hafi þó ekki farið lengra en það og muni heldur ekki gera það.

„Ég hef þannig aldrei sagst vera að íhuga framboð eða „liggja undir feldi“ en vil nota tækifærið og þakka þann mikla heiður og traust sem það er að vera nefnd í þessu sambandi,“ segir í svari Ölmu.

Forsetakosningar 2024

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið