Innlent

Skíðin fundust ó­skemmd í um­ferðinni

Vésteinn Örn Pétursson skrifar
Skíðin virðast hafa fundist á Vesturlandsvegi/Miklubraut.
Skíðin virðast hafa fundist á Vesturlandsvegi/Miklubraut. Lögreglan á höfuðborgarsvæðinu

Lögreglan á höfuðborgarsvæðinu aðstoðaði í gær borgara sem týndi skíðum sínum í umferðinni í Reykjavík. Skíðin fundust svo óskemmd við fjölfarna umferðargötu.

Lögreglan greinir frá þessu í Facebook-færslu. Þar segir að viðkomandi hafi verið miður sín þegar hann leitaði til lögreglu. 

„Fengnar voru upplýsingar um hvar líklegast var að skíðin hefðu dottið af bifreið viðkomandi og síðan var haldið af stað til leitar. Hún gekk ótrúlega vel fyrir sig og fundust skíðin óskemmd við eina fjölförnustu umferðargötu landsins. Í framhaldinu var þeim komið aftur í réttar hendur, en síðast þegar við vissum var eigandinn kominn með skíðin sín norður í land. Þar er hinn sami væntanlega sæll og glaður að skíða í brekkunum sér til ánægju og yndis,“ segir í færslu lögreglunnar.

Lögreglan minnir þó á að þrátt fyrir að allt hafi farið vel í þessu tilfelli, og hvorki slys né skemmdir hafi hlitist af, að ferðalangar þurfi að ganga tryggilega frá búnaði sem ferðast er með. 

„Svo ekkert af honum týnist nú í umferðinni eða annars staðar.“

Lögreglumál Skíðaíþróttir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið