Sóknarfærin eru til staðar Bragi Bjarnason skrifar 21. febrúar 2024 09:31 Samfélagið okkar er ótrúlega fjölbreytt og kannski sem betur fer höfum við ekki öll sömu skoðun á hlutunum. Allt frá því að horfa til þess hvað við erum örugg á Íslandi fyrir stríðsátökum en á móti vanmáttug gagnvart móður náttúru. Aðrir hlutir, líkt og lokun sundlauga vegna kuldatíðar, hækkun gjalda, pólitík eða kjarasamningsviðræður virka mögulega hálfgerð aukaatriði í þessu samhengi en hafa samt áhrif á okkar daglega líf og taka pláss í umræðunni. Það sýnir held ég þessa fjölbreytni hvernig umræðan getur þróast þegar mismunandi raddir og skoðanir mætast. Það er eins hér í Árborg að mörg áhugaverð mál eru í gangi. Fjármálin og sala eigna Við samþykkt fjárhagsáætlunar fyrir árin 2024-2027 í desember sl. lagði meirihluti bæjarstjórnar fram meginlínurnar við endurskipulagningu reksturs sveitarfélagsins. Í hreinskilni sagt, þung áætlun sem ásamt áframhaldandi hagræðingu í rekstri eykur tímabundið byrðar á okkur íbúa. Sveitarfélagið varð því miður í ljósi fjárhagsstöðunnar að setja 1,474 prósentustiga viðbótarálag á útsvarið fyrir árið 2024. Það er ekki léttvæg ákvörðun hjá bæjarstjórn og eingöngu gert tímabundið til að sveitarfélagið komist fyrr í gegnum uppsafnaðan fjárhagsvanda. Viðbótarálagið kemur þó ekki til greiðslu fyrr en við uppgjör frá skattinum í júní árið 2025. Fyrir einstakling með um 10 milljónir í árstekjur getur það þýtt um 130-140 þúsund krónur sem deilast þá til greiðslu á nokkra mánuði. Þetta reynir sannarlega á okkur öll. Áætlunin “Brú til betri vegar” mun að sama skapi gefa okkur sterkari grunn til að lækka álögur til framtíðar og gera sveitarfélaginu kleift að standa undir þeirri þjónustu sem því ber að veita okkur íbúum. Það hjálpar til að mikill áhugi er á uppbyggingu í Árborg og sala lóða hefur skilað sveitarfélaginu fjármunum sem minnkar þörf á lánsfé. Slíkt er jákvætt í núverandi vaxtaumhverfi og styður ennþá betur við áætlunina og þann viðsnúning sem verður á næstu árum. Þétting byggðar Sveitarfélagið hefur unnið undanfarin ár að því að skoða mögulegar lausar lóðir undir einbýlishús í eldri götum sveitarfélagsins. Skipulagsnefnd hefur látið vinna deiliskipulag fyrir um tíu einbýlishúsalóðir á Selfossi, Eyrarbakka og Stokkseyri. Bæjarstjórn hefur þegar samþykkt lóðir í Lágengi og Reyrhaga á Selfossi og verða fleiri lóðir teknar formlega fyrir á næstu vikum. Ef áætlanir ganga eftir ætti að vera hægt að auglýsa þær til sölu og úthlutunar síðar í vor. Horft er til þess að lóðirnar auki valmöguleika í lóðaframboði í sveitarfélaginu og um leið nýta lóðir sem hafa staðið auðar eða verið nýttar undir annað. Það er vert að hrósa framkvæmdaaðilum, starfsmönnum og skipulagsnefnd en vinna við deiliskipulög hefur almennt gengið vel og skilvirkt samstarf verið milli aðila. Það er mikilvægt að slíkt samstarf sé gott enda eru skipulagsmálin grunnur að svo mörgu öðru í samfélaginu og hafa áhrif víða. Íbúar standa sig vel í flokkun Umhverfisnefnd Árborgar fór nýlega yfir stöðu sorphirðu og flokkunar í sveitarfélaginu í kjölfar umfangsmikilla breytinga á reglum á sl. ári. Við íbúar í Árborg erum heilt yfir að standa okkur vel í flokkun á sorpi og endurspeglast það í endurgreiðslum frá úrvinnslusjóði, en þær námu um 34,5 milljónum árið 2023. Hrós til okkar allra en þessi árangur gerir það að verkum að sorphirðugjöldin sem eru hluti af fasteignagjöldunum hækka minna en ella á milli ára eða innan við 3 prósent. Hjá mörgum sem fóru í tvískiptar tunnur gætu þau reyndar hafa lækkað aðeins sem er auðvitað mjög jákvætt. Sú nýbreytni var gerð á álagningarseðli fasteignagjalda fyrir árið 2024 að brjóta betur niður sorphirðugjöldin og sýna kostnað á hverjum lið. Upphæðin hefur alltaf komið fram í einni línu undir sorphirðugjöldum en núna sjást allir kostnaðarþættir ásamt sameiginlega kostnaðinum. Í þessum málaflokki eru ennþá sóknarfæri fyrir okkur til að lækka kostnað, bæta flokkun og þá um leið hafa áhrif á sorphirðugjöldin. Þar mætti nefna grenndarstöðvarnar sem taka á móti gleri, málmum og textíl. Líkt og sjá má á myndinni hér að neðan þá var á árinu 2023 safnað um 42 tonnum af sorpi frá grenndarstöðvunum sem skiptast reyndar í fleiri flokka þar sem flokkunarkerfinu var breytt á miðju ári. Það sem er endurvinnanlegt fáum við til baka frá úrvinnslusjóði og því er tækifæri að minnka annan úrgang sem kemur á grenndarstöðvarnar. Árið 2023 voru það um 8 tonn eða 20 prósent af heildinni svo ávinningurinn getur verið talsverður. Til stendur að fjölga grenndarstöðvum og endurskoða staðsetningar til að auðvelda okkur íbúum að nýta þær betur. Söfnun á grenndarstöðvum í Árborg árið 2023, talið í kg. Síðan er vert að nefna hinsegin vikuna í Árborg sem verður 26.febrúar til 1.mars. Þar er fjölbreytileika samfélagsins fagnað og geta allir tekið þátt á sínum forsendum. Sunnulækjarskóli á Selfossi tekur þátt í þróunarverkefninu Farsældargildi með Menntamálastofnun og íþróttafélagið Suðri, í samstarfi við Umf. Selfoss, tekur þátt í samstarfsverkefninu “Allir með” sem er ætlað að fjölga tækifærum fatlaðra barna til þátttöku í skipulögðu íþróttastarfi. Þetta er aðeins brot af því helsta og til að næra menninguna eru m.a. reglulega tónlistarviðburðir á svæðinu, hægt að kíkja á Veiðisafnið á Stokkseyri, byggðasafnið á Eyrarbakka eða bókasafnið þar sem alltaf er eitthvað nýtt í gangi. Höfundur er formaður bæjarráðs og oddviti Sjálfstæðisflokksins í Árborg. Viltu birta grein á Vísi? Sendu okkur póst. Senda grein Bragi Bjarnason Árborg Mest lesið Halldór 06.09.2025 Halldór Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun Fólk í sárum veldur tárum Árni Sigurðsson Skoðun Akademískt frelsi og grátur í draumum Viðar Hreinsson Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun Umfjöllun Kastljóss Þorgrímur Sigmundsson Skoðun Sakborningur hjá saksóknara Páll Steingrímsson Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun Kristinn átrúnaður á tímum þjóðarmorðs Bjarni Karlsson Skoðun Skólinn er ekki verksmiðja Kristinn Jón Ólafsson,Halldóra Mogensen Skoðun Skoðun Skoðun Fólk í sárum veldur tárum Árni Sigurðsson skrifar Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar Skoðun Akademískt frelsi og grátur í draumum Viðar Hreinsson skrifar Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar Skoðun Segðu skilið við sektarkenndina Finnur Th. Eiríksson skrifar Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar Skoðun Lög um vinnu og virknimiðstöðvar Atli Már Haraldsson skrifar Skoðun Áfram Breiðholt og Kjalarnes! Skúli Helgason skrifar Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar Skoðun Vesturlönd mega ekki leyfa Pútín að skrifa leikreglurnar Daði Freyr Ólafsson skrifar Skoðun Umfjöllun Kastljóss Þorgrímur Sigmundsson skrifar Skoðun Gulur september María Heimisdóttir skrifar Skoðun Kyn og vægi líkamans Gunnar Snorri Árnason skrifar Skoðun Sakborningur hjá saksóknara Páll Steingrímsson skrifar Skoðun Reiði á tímum allsnægta Jökull Gíslason skrifar Skoðun 60.000 auðir fermetrar Dagur B. Eggertsson skrifar Skoðun Kristinn átrúnaður á tímum þjóðarmorðs Bjarni Karlsson skrifar Skoðun Tölur segja ekki alla söguna Bryngeir Valdimarsson skrifar Skoðun Skólinn er ekki verksmiðja Kristinn Jón Ólafsson,Halldóra Mogensen skrifar Skoðun Enn úr sömu sveitinni Trausti Hjálmarsson skrifar Skoðun Palestínsk börn eiga betra skilið Anna Lúðvíksdóttir,Tótla I. Sæmundsdóttir skrifar Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar Skoðun Umferðaröryggi barna í Kópavogi Eydís Inga Valsdóttir skrifar Skoðun Öll dýrin í skóginum eiga að vera vinir Árni Sigurðsson skrifar Skoðun Hvar er pabbi? Og aðrir stríðsglæpir Ísraels Þórhildur Sunna Ævarsdóttir skrifar Skoðun Meira að segja Evrópusambandið Hjörtur J. Guðmundsson skrifar Skoðun 76 dagar sem koma aldrei aftur Einar Guðnason skrifar Sjá meira
Samfélagið okkar er ótrúlega fjölbreytt og kannski sem betur fer höfum við ekki öll sömu skoðun á hlutunum. Allt frá því að horfa til þess hvað við erum örugg á Íslandi fyrir stríðsátökum en á móti vanmáttug gagnvart móður náttúru. Aðrir hlutir, líkt og lokun sundlauga vegna kuldatíðar, hækkun gjalda, pólitík eða kjarasamningsviðræður virka mögulega hálfgerð aukaatriði í þessu samhengi en hafa samt áhrif á okkar daglega líf og taka pláss í umræðunni. Það sýnir held ég þessa fjölbreytni hvernig umræðan getur þróast þegar mismunandi raddir og skoðanir mætast. Það er eins hér í Árborg að mörg áhugaverð mál eru í gangi. Fjármálin og sala eigna Við samþykkt fjárhagsáætlunar fyrir árin 2024-2027 í desember sl. lagði meirihluti bæjarstjórnar fram meginlínurnar við endurskipulagningu reksturs sveitarfélagsins. Í hreinskilni sagt, þung áætlun sem ásamt áframhaldandi hagræðingu í rekstri eykur tímabundið byrðar á okkur íbúa. Sveitarfélagið varð því miður í ljósi fjárhagsstöðunnar að setja 1,474 prósentustiga viðbótarálag á útsvarið fyrir árið 2024. Það er ekki léttvæg ákvörðun hjá bæjarstjórn og eingöngu gert tímabundið til að sveitarfélagið komist fyrr í gegnum uppsafnaðan fjárhagsvanda. Viðbótarálagið kemur þó ekki til greiðslu fyrr en við uppgjör frá skattinum í júní árið 2025. Fyrir einstakling með um 10 milljónir í árstekjur getur það þýtt um 130-140 þúsund krónur sem deilast þá til greiðslu á nokkra mánuði. Þetta reynir sannarlega á okkur öll. Áætlunin “Brú til betri vegar” mun að sama skapi gefa okkur sterkari grunn til að lækka álögur til framtíðar og gera sveitarfélaginu kleift að standa undir þeirri þjónustu sem því ber að veita okkur íbúum. Það hjálpar til að mikill áhugi er á uppbyggingu í Árborg og sala lóða hefur skilað sveitarfélaginu fjármunum sem minnkar þörf á lánsfé. Slíkt er jákvætt í núverandi vaxtaumhverfi og styður ennþá betur við áætlunina og þann viðsnúning sem verður á næstu árum. Þétting byggðar Sveitarfélagið hefur unnið undanfarin ár að því að skoða mögulegar lausar lóðir undir einbýlishús í eldri götum sveitarfélagsins. Skipulagsnefnd hefur látið vinna deiliskipulag fyrir um tíu einbýlishúsalóðir á Selfossi, Eyrarbakka og Stokkseyri. Bæjarstjórn hefur þegar samþykkt lóðir í Lágengi og Reyrhaga á Selfossi og verða fleiri lóðir teknar formlega fyrir á næstu vikum. Ef áætlanir ganga eftir ætti að vera hægt að auglýsa þær til sölu og úthlutunar síðar í vor. Horft er til þess að lóðirnar auki valmöguleika í lóðaframboði í sveitarfélaginu og um leið nýta lóðir sem hafa staðið auðar eða verið nýttar undir annað. Það er vert að hrósa framkvæmdaaðilum, starfsmönnum og skipulagsnefnd en vinna við deiliskipulög hefur almennt gengið vel og skilvirkt samstarf verið milli aðila. Það er mikilvægt að slíkt samstarf sé gott enda eru skipulagsmálin grunnur að svo mörgu öðru í samfélaginu og hafa áhrif víða. Íbúar standa sig vel í flokkun Umhverfisnefnd Árborgar fór nýlega yfir stöðu sorphirðu og flokkunar í sveitarfélaginu í kjölfar umfangsmikilla breytinga á reglum á sl. ári. Við íbúar í Árborg erum heilt yfir að standa okkur vel í flokkun á sorpi og endurspeglast það í endurgreiðslum frá úrvinnslusjóði, en þær námu um 34,5 milljónum árið 2023. Hrós til okkar allra en þessi árangur gerir það að verkum að sorphirðugjöldin sem eru hluti af fasteignagjöldunum hækka minna en ella á milli ára eða innan við 3 prósent. Hjá mörgum sem fóru í tvískiptar tunnur gætu þau reyndar hafa lækkað aðeins sem er auðvitað mjög jákvætt. Sú nýbreytni var gerð á álagningarseðli fasteignagjalda fyrir árið 2024 að brjóta betur niður sorphirðugjöldin og sýna kostnað á hverjum lið. Upphæðin hefur alltaf komið fram í einni línu undir sorphirðugjöldum en núna sjást allir kostnaðarþættir ásamt sameiginlega kostnaðinum. Í þessum málaflokki eru ennþá sóknarfæri fyrir okkur til að lækka kostnað, bæta flokkun og þá um leið hafa áhrif á sorphirðugjöldin. Þar mætti nefna grenndarstöðvarnar sem taka á móti gleri, málmum og textíl. Líkt og sjá má á myndinni hér að neðan þá var á árinu 2023 safnað um 42 tonnum af sorpi frá grenndarstöðvunum sem skiptast reyndar í fleiri flokka þar sem flokkunarkerfinu var breytt á miðju ári. Það sem er endurvinnanlegt fáum við til baka frá úrvinnslusjóði og því er tækifæri að minnka annan úrgang sem kemur á grenndarstöðvarnar. Árið 2023 voru það um 8 tonn eða 20 prósent af heildinni svo ávinningurinn getur verið talsverður. Til stendur að fjölga grenndarstöðvum og endurskoða staðsetningar til að auðvelda okkur íbúum að nýta þær betur. Söfnun á grenndarstöðvum í Árborg árið 2023, talið í kg. Síðan er vert að nefna hinsegin vikuna í Árborg sem verður 26.febrúar til 1.mars. Þar er fjölbreytileika samfélagsins fagnað og geta allir tekið þátt á sínum forsendum. Sunnulækjarskóli á Selfossi tekur þátt í þróunarverkefninu Farsældargildi með Menntamálastofnun og íþróttafélagið Suðri, í samstarfi við Umf. Selfoss, tekur þátt í samstarfsverkefninu “Allir með” sem er ætlað að fjölga tækifærum fatlaðra barna til þátttöku í skipulögðu íþróttastarfi. Þetta er aðeins brot af því helsta og til að næra menninguna eru m.a. reglulega tónlistarviðburðir á svæðinu, hægt að kíkja á Veiðisafnið á Stokkseyri, byggðasafnið á Eyrarbakka eða bókasafnið þar sem alltaf er eitthvað nýtt í gangi. Höfundur er formaður bæjarráðs og oddviti Sjálfstæðisflokksins í Árborg.
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun
Skoðun Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson skrifar
Skoðun Skóli án aðgreiningar - tékklisti fyrir stjórnvöld til að gera betur Unnur Helga Óttarsdóttir,Anna Lára Steindal skrifar
Skoðun Fjöldi kynja – treystir þú þér í samtalið með velferð barna að leiðarljósi? Böðvar Ingi Guðbjartsson skrifar
Skoðun Ókeypis minnisblað fyrir Alþingi: Jafnrétti er ekki skoðun- en umræðan er það Sigríður Ásta Hauksdóttir skrifar
Skoðun Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius skrifar
Skoðun Austurland situr eftir þrátt fyrir fjórðung vöruútflutningstekna Berglind Harpa Svavarsdóttir skrifar
Skoðun Stjórn Eflingar lýsir yfir samstöðu með palestínsku þjóðinni og fordæmir þjóðarmorð á Gaza Hópur stjórnarmanna í Eflingu skrifar
Skoðun Þjóð gegn þjóðarmorði – stéttarfélög hvetja til þátttöku Hópur formanna stéttarfélaga skrifar
Sveitarstjórn Grímsnes- og Grafningshrepps reynir að skrá fólk út úr samfélaginu Guðrún M. Njálsdóttir,Ragna Ívarsdóttir,Þröstur Sverrisson Skoðun
Að útrýma menningu og þjóð Dagrún Ósk Jónsdóttir,Esther Ösp Valdimarsdóttir,Snædís Sunna Thorlacius Skoðun
Austurland situr eftir þrátt fyrir fjórðung vöruútflutningstekna Berglind Harpa Svavarsdóttir Skoðun