Sjómenn og SFS ná saman um nýjan kjarasamning Atli Ísleifsson skrifar 6. febrúar 2024 14:14 Heiðrún Lind Marteinsdóttir, framkvæmdastjóri SGS, og Valmundur Valmundsson, formaður Sjómannasambands Íslands, eftir að búið var að skrifa undir nýjan kjarasamning fyrr í dag. Aðsend Nýr kjarasamningur á milli Sjómannasambands Íslands og Samtaka fyrirtækja í sjávarútvegi (SFS) verður undirritaður í dag í húsnæði ríkissáttasemjara. Samningar á milli aðila hafa verið lausir frá árinu 2019, en á síðasta ári var nýr kjarasamningur felldur í atkvæðagreiðslu sjómanna. Þetta kemur fram í tilkynningu frá Sjómannasambandi Íslands. Þar segir að samningaviðræður um nýjan samning hafi staðið yfir síðustu mánuði. „Í þeim viðræðum var lögð mikil áhersla á að taka tillit til þeirra athugasemda og gagnrýni sem fram kom í umræðum um samninginn á síðasta ári og hefur það gengið eftir í helstu atriðum. Að lokinni undirritun verða samningarnir kynntir ítarlega fyrir félagsmönnum og að því loknu hefst rafræn atkvæðagreiðsla mánudaginn 12. febrúar kl. 12:00 og lýkur föstudaginn 16. febrúar kl. 15:00,“ segir í tilkynningunni. Valmundur Valmundsson er formaður Sjómannasambands Íslands. Vísir/Vilhelm Formaðurinn segir samninginn góðan Haft er eftir Valmundi Valmundssyni, formannni Sjómannasambandsins, að sjómenn séu nú í þeirri stöðu að vera með kjarasamning í höndunum sem hafi verið undirritaður og fari í kynningu og í atkvæðagreiðslu í framhaldinu hjá sjómönnum innan félaganna. „Að mínu mati er þetta góður samningur og við höfum náð að semja um flest þau atriði sem gagnrýnd voru í samningnum sem var felldur í fyrra. Núna eru sjómenn í góðri stöðu til að samþykkja samning sem verður með binditíma í 5 ár og ég vonast eftir því að samningurinn verði samþykktur,“ segir Valmundur. Heiðrún Lind Marteinsdóttir er framkvæmdastjóri Samtaka fyrirtækja í sjávarútvegi (SFS). Vísir/Arnar Í tilkynningu frá SFS er haft eftir Heiðrúnu Lind Marteinsdóttur, framkvæmdastjóra SFS, að sá kjarasamningur sem nú sé undirritaður feli sannanlega í sér töluvert meiri kostnað fyrir sjávarútvegsfyrirtæki en áður hafi verið ráð fyrir gert. „Samningurinn er því ekki án áskorana og vafalaust munu félagsmenn SFS hafa á honum ólíkar skoðanir. Á heildina litið vona ég þó að aðilar beggja megin borðsins sjái samning þennan sem jákvætt skref í þeirri vegferð að tryggja sameiginlega hagsmuni sjómanna og fyrirtækjanna. Festa og fyrirsjáanleiki í kjaramálum eru til þess fallin að skapa skilyrði til aukinnar verðmætasköpunar. Meira verður þar með til skiptanna fyrir öll sem starfa á grundvelli þessa kjarasamnings,“ segir Heiðrún Lind. Binditíminn styttur Fram kemur í tilkynningunni frá Sjómannasambandinu að í nýja samningnum sé binditími samningsins styttur verulega eða úr tíu árum í fimm ár. Slíkt feli í sér að sjómenn geti sagt samningnum upp eftir fimm ár og svo aftur eftir sjö ár. Þetta sé grundvallarbreyting á samningnum. „Önnur mikilvæg breyting er að grein 1.39 í samningnum hefur verið breytt. Tekið er út að samningsbundinn gerðardómur leysi úr ágreiningi sem komið getur upp milli aðila vegna ákvæðisins. Í staðinn skipa samningsaðilar hlutlausa óvinhalla nefnd sem hefur það hlutverk. Ef ekki næst samkomulag um nefndarmenn mun Ríkissáttasemjari koma að skipan nefndarmanna. Þá má finna mikilvæga breytingu um ísun yfir fiskikör sem fara í gáma til sölu erlendis. Verður sú ísun ekki á hendi skipverja lengur nema í neyðartilvikum, samkvæmt nýjum samningi. Útgerðarmenn eiga að semja við löndunargengi á staðnum um að ísa yfir körin sem fara í gámana, eigi skipverjar frí við löndun skv. kjarasamningi. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir. Vísir/Vilhelm Í samningunum nú er að finna sambærilegt ákvæði og var í síðasta samningi um að framlag í lífeyrissjóð geti hækkað úr 12,0% í 15,5% en sjómenn hafa þó val um þetta atriði. Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Miðað er við 160 lögskráningardaga á síðasta ári. Þetta er viðbót frá fyrri samningi sem skiptir máli. Kemur til greiðslu 1. mars 2024. Desemberuppbót kemur inn í samninginn þann 15. desember 2028. Miðað við 160 lögskráningardaga á ári,“ segir í tilkynningu Sjómannasambandsins um hinn nýja kjarasamning. Að neðan má sjá innslag úr kvöldfréttum Stöðvar 2 þar sem rætt var við Valmund. Kjaramál Kjaraviðræður 2023-24 Sjávarútvegur Vinnumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Katrín efst en Jón hrynur í nýrri könnun Innlent Vilja svör um möguleg „óþægileg hagsmunatengsl“ borgar og RÚV Innlent „Fann það þegar ég vaknaði í morgun að þetta var lúmskt áfall“ Innlent Kolbeinn Sigþórsson ákærður fyrir brot gegn barnungri stúlku Innlent Horfði á þegar vinur hans réðst á manninn sem braut á dóttur hans Innlent „Helvíti fínt“ að komast aftur á Papa's Pizza Innlent Halla vill skikka ungmenni í samfélagsþjónustu Innlent Ætlar ekki að þröngva sér upp á fólk Innlent Hárgreiðslustóll ekki hættulegt tæki og konan fær engar bætur Innlent Fleiri fréttir Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Samþykktu verkfallsaðgerðir á Keflavíkurflugvelli Útimarkaðurinn í Mosó hættir Atli Þór ráðinn til Pírata: „Við ætlum að koma flokknum í ríkisstjórn“ Biðlistinn á Stígamótum styttist í fyrsta sinn í þrjú ár Ný skoðanakönnun á morgun og Pallborð klukkan 14 Áfram landris og óvissa um framhaldið Tryggja þurfi tímabundin afnot náttúruauðlinda í stjórnarskrá Búinn að skila inn undirskriftum eftir „óvenjulegan“ frest „Það er norskur sigur í dag“ Grindvíkingar opna bakarí og veitingastað á ný Bakarí og veitingastaður opna í Grindavík á ný Friðrik skipaður sendiherra í Póllandi Halla vill skikka ungmenni í samfélagsþjónustu Íslendingur í gæsluvarðhaldi vegna Hamraborgarmálsins Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka Sjá meira
Þetta kemur fram í tilkynningu frá Sjómannasambandi Íslands. Þar segir að samningaviðræður um nýjan samning hafi staðið yfir síðustu mánuði. „Í þeim viðræðum var lögð mikil áhersla á að taka tillit til þeirra athugasemda og gagnrýni sem fram kom í umræðum um samninginn á síðasta ári og hefur það gengið eftir í helstu atriðum. Að lokinni undirritun verða samningarnir kynntir ítarlega fyrir félagsmönnum og að því loknu hefst rafræn atkvæðagreiðsla mánudaginn 12. febrúar kl. 12:00 og lýkur föstudaginn 16. febrúar kl. 15:00,“ segir í tilkynningunni. Valmundur Valmundsson er formaður Sjómannasambands Íslands. Vísir/Vilhelm Formaðurinn segir samninginn góðan Haft er eftir Valmundi Valmundssyni, formannni Sjómannasambandsins, að sjómenn séu nú í þeirri stöðu að vera með kjarasamning í höndunum sem hafi verið undirritaður og fari í kynningu og í atkvæðagreiðslu í framhaldinu hjá sjómönnum innan félaganna. „Að mínu mati er þetta góður samningur og við höfum náð að semja um flest þau atriði sem gagnrýnd voru í samningnum sem var felldur í fyrra. Núna eru sjómenn í góðri stöðu til að samþykkja samning sem verður með binditíma í 5 ár og ég vonast eftir því að samningurinn verði samþykktur,“ segir Valmundur. Heiðrún Lind Marteinsdóttir er framkvæmdastjóri Samtaka fyrirtækja í sjávarútvegi (SFS). Vísir/Arnar Í tilkynningu frá SFS er haft eftir Heiðrúnu Lind Marteinsdóttur, framkvæmdastjóra SFS, að sá kjarasamningur sem nú sé undirritaður feli sannanlega í sér töluvert meiri kostnað fyrir sjávarútvegsfyrirtæki en áður hafi verið ráð fyrir gert. „Samningurinn er því ekki án áskorana og vafalaust munu félagsmenn SFS hafa á honum ólíkar skoðanir. Á heildina litið vona ég þó að aðilar beggja megin borðsins sjái samning þennan sem jákvætt skref í þeirri vegferð að tryggja sameiginlega hagsmuni sjómanna og fyrirtækjanna. Festa og fyrirsjáanleiki í kjaramálum eru til þess fallin að skapa skilyrði til aukinnar verðmætasköpunar. Meira verður þar með til skiptanna fyrir öll sem starfa á grundvelli þessa kjarasamnings,“ segir Heiðrún Lind. Binditíminn styttur Fram kemur í tilkynningunni frá Sjómannasambandinu að í nýja samningnum sé binditími samningsins styttur verulega eða úr tíu árum í fimm ár. Slíkt feli í sér að sjómenn geti sagt samningnum upp eftir fimm ár og svo aftur eftir sjö ár. Þetta sé grundvallarbreyting á samningnum. „Önnur mikilvæg breyting er að grein 1.39 í samningnum hefur verið breytt. Tekið er út að samningsbundinn gerðardómur leysi úr ágreiningi sem komið getur upp milli aðila vegna ákvæðisins. Í staðinn skipa samningsaðilar hlutlausa óvinhalla nefnd sem hefur það hlutverk. Ef ekki næst samkomulag um nefndarmenn mun Ríkissáttasemjari koma að skipan nefndarmanna. Þá má finna mikilvæga breytingu um ísun yfir fiskikör sem fara í gáma til sölu erlendis. Verður sú ísun ekki á hendi skipverja lengur nema í neyðartilvikum, samkvæmt nýjum samningi. Útgerðarmenn eiga að semja við löndunargengi á staðnum um að ísa yfir körin sem fara í gámana, eigi skipverjar frí við löndun skv. kjarasamningi. Ef sjómenn sjá um yfirísun sjálfir í neyðartilfellum fár þeir greidda yfirvinnu fyrir. Vísir/Vilhelm Í samningunum nú er að finna sambærilegt ákvæði og var í síðasta samningi um að framlag í lífeyrissjóð geti hækkað úr 12,0% í 15,5% en sjómenn hafa þó val um þetta atriði. Sjómenn fá 400.000 króna eingreiðslu frá útgerðarfyrirtækjum ef samningur verður samþykktur. Miðað er við 160 lögskráningardaga á síðasta ári. Þetta er viðbót frá fyrri samningi sem skiptir máli. Kemur til greiðslu 1. mars 2024. Desemberuppbót kemur inn í samninginn þann 15. desember 2028. Miðað við 160 lögskráningardaga á ári,“ segir í tilkynningu Sjómannasambandsins um hinn nýja kjarasamning. Að neðan má sjá innslag úr kvöldfréttum Stöðvar 2 þar sem rætt var við Valmund.
Kjaramál Kjaraviðræður 2023-24 Sjávarútvegur Vinnumarkaður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent Katrín efst en Jón hrynur í nýrri könnun Innlent Vilja svör um möguleg „óþægileg hagsmunatengsl“ borgar og RÚV Innlent „Fann það þegar ég vaknaði í morgun að þetta var lúmskt áfall“ Innlent Kolbeinn Sigþórsson ákærður fyrir brot gegn barnungri stúlku Innlent Horfði á þegar vinur hans réðst á manninn sem braut á dóttur hans Innlent „Helvíti fínt“ að komast aftur á Papa's Pizza Innlent Halla vill skikka ungmenni í samfélagsþjónustu Innlent Ætlar ekki að þröngva sér upp á fólk Innlent Hárgreiðslustóll ekki hættulegt tæki og konan fær engar bætur Innlent Fleiri fréttir Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Samþykktu verkfallsaðgerðir á Keflavíkurflugvelli Útimarkaðurinn í Mosó hættir Atli Þór ráðinn til Pírata: „Við ætlum að koma flokknum í ríkisstjórn“ Biðlistinn á Stígamótum styttist í fyrsta sinn í þrjú ár Ný skoðanakönnun á morgun og Pallborð klukkan 14 Áfram landris og óvissa um framhaldið Tryggja þurfi tímabundin afnot náttúruauðlinda í stjórnarskrá Búinn að skila inn undirskriftum eftir „óvenjulegan“ frest „Það er norskur sigur í dag“ Grindvíkingar opna bakarí og veitingastað á ný Bakarí og veitingastaður opna í Grindavík á ný Friðrik skipaður sendiherra í Póllandi Halla vill skikka ungmenni í samfélagsþjónustu Íslendingur í gæsluvarðhaldi vegna Hamraborgarmálsins Betra að fá óþægilegu málin fram fyrr en seinna Eldur í ruslageymslu í Hafnarfirði Seinni umferð biskupskjörs hefst á hádegi í dag Icelandair flýgur til Færeyja að nýju Stutt í næsta gos komi til gosloka Sjá meira