Innlent

„Þetta hraun mun því miður flæða hratt í átt að nyrstu byggð“

Árni Sæberg og Bjarki Sigurðsson skrifa
Kristín Jónsdóttir er náttúruvársérfræðingur hjá Veðurstofunni.
Kristín Jónsdóttir er náttúruvársérfræðingur hjá Veðurstofunni. Vísir/Vilhelm

Kristín Jónsdóttir, hópstjóri náttúruvár hjá Veðurstofu Íslands, segir aðeins fimmtíu til hundrað metra í nyrstu byggð í Grindavík frá sprungunni sem opnaðist innan varnargarða skömmu eftir klukkan 12.

Hún segir nýju sprunguna sýna fram á það hversu grunnt er niður á kviku við og undir bænum. Ljóst sé að full ástæða var til þess að rýma bæinn í nótt. „Hlutirnir gerast hratt og þetta hraun mun því miður flæða hratt í átt að nyrstu byggð.“

Nýja sprungan sé framhald á sprungunni sem opnaðist klukkan 07:57, en hún telst framhald af sprungunni sem opnaðist þann 18. desember.

Þá segir hún að sprungan sé um það bil eitt hundrað metra löng og að krafturinn í henni sé svipaður og í hinni sprungunni.

Eldgos og jarðhræringar Eldgos á Reykjanesskaga Grindavík Varnargarðar á Reykjanesskaga
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið