Innlent

„Þú ert búin að vera svo orð­ljót síðustu mánuðina“

Jón Þór Stefánsson skrifar
„Ég er bara búin að tala mjög fallega,“ sagði Inga Sæland, en Sigurður Ingi var á öðru máli.
„Ég er bara búin að tala mjög fallega,“ sagði Inga Sæland, en Sigurður Ingi var á öðru máli. Vísir/Hulda Margrét

Sigurður Ingi Jóhannsson, innviðaráðherra og formaður Framsóknarflokksins, og Inga Sæland, formaður Flokks fólksins, tókust á um störf ríkisstjórnarinnar í Kryddsíldinni á Stöð 2 sem nú er í gangi. Þá deildu þau um hvort Inga hefði verið orðljót undanfarið.

„Þessi ríkisstjórn er að starfa af fullum krafti, allan tímann,“ fullyrti Sigurður þegar hann var spurður út í störf Framsóknarflokksins og ríkisstjórnarinnar. „Þetta er handónýtt ríkisstjórn og þú veist það sjálfur. Alveg handónýtt. Ég hef aldrei kynnst öðru eins,“ heyrðist Inga segja í sömu andrá.

Sigurður Ingi svaraði og gaf til kynna að ríkisstjórnin væri að vinna mikið af góðum störfum á meðan stjórnarandstaðan gerði lítið annað enn að gagnrýna hana fyrir aðgerðarleysi. Inga fullyrti þá að allt væri að sökkva í kringum ríkisstjórnina og Sigurður svaraði: „Þú ert búin að vera svo orðljót síðustu mánuðina.“

„Ég er bara búin að tala mjög fallega,“ sagði Inga.

„Nei, þú er búin að nota stór og sterk orð, sem er erfitt að standa undir,“ bætti Sigurður við og Inga svaraði: „Það er því ég er stór og sterk kona.“

Ríkisstjórn Katrínar Jakobsdóttur Kryddsíld Framsóknarflokkurinn Flokkur fólksins
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið