Fjórtán mánaða fangelsi og 197 milljóna króna sekt Árni Sæberg skrifar 14. desember 2023 12:25 Dómurinn var kveðinn upp í Héraðsdómi Reykjavíkur. Vísir/Vilhelm Sigurður Kristinn Árnason hefur verið dæmdur til fjórtán mánaða fangelsisvistar og greiðslu tæplega 197 milljóna króna sektar, fyrir skattalagabrot í tengslum við rekstur þriggja félaga og eigin framtöl. Í dómi Héraðsdóms Reykjavíkur segir að samkvæmt ákæru gefinni út í júní á þessu ári hafi Sigurður Kristinn verið ákærður fyrir meiriháttar brot gegn skattalögum með því að hafa staðið skil á efnislega röngum skattframtölum gjaldárin 2018 og 2019, vegna tekjuáranna 2017 og 2018 og fyrir að hafa ekki staðið skil á skattframtali gjaldárið 2020, vegna tekjuársins 2019 á lögmæltum tíma, og með því vanframtalið tekjur að fjárhæð samtals 69.872.288 krónur, frá níu lögaðilum, sem skattskyldar eru samkvæmt lögum um tekjuskatt. Með framangreindu hafi hann komist undan greiðslu tekjuskatts og útsvars að fjárhæð 27.814.812 krónur. Brot í rekstri þriggja félaga sem lentu í erfiðleikum í faraldrinum Þá segir að Sigurður Kristinn hafi verið ákærður fyrir að hafa sem framkvæmdastjóri og prókúruhafi ákærutímabilið og stjórnarformaður fram til 28. apríl 2021, einkahlutafélagsins BC1, ekki staðið skil á virðisaukaskattsskýrslum einkahlutafélagsins á lögmæltum tíma vegna uppgjörstímabilanna nóvember-desember rekstrarárið 2020 og janúar-febrúar rekstrarárið 2021 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna nóvember-desember rekstrarárið 2020 og janúar-febrúar, mars-apríl og september-október rekstrarárið 2021, í samræmi við lög um virðisaukaskatt, samtals að fjárhæð 14.467.102 krónur. Fyrir að hafa sem framkvæmdastjóri, stjórnarmaður og prókúruhafi einkahlutafélagsins ZF1 ekki staðið skil á virðisaukaskattsskýrslu einkahlutafélagsins á lögmæltum tíma vegna uppgjörstímabilsins júlí-ágúst rekstrarárið 2020 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna maí-júní og júlí-ágúst rekstrarárið 2020, í samræmi við lög um virðisaukaskatt, samtals að fjárhæð 34.029.736 krónur. Fyrir að hafa ekki staðið skil á staðgreiðsluskilagrein einkahlutafélagsins fyrir greiðslutímabilið september rekstrarárið 2020 á lögmæltum tíma og með því að hafa eigi staðið ríkissjóði skil á staðgreiðslu opinberra gjalda, í samræmi við fyrirmæli laga um staðgreiðslu opinberra gjalda, sem haldið var eftir af launum starfsmanna einkahlutafélagsins vegna greiðslutímabilanna júní, september og október rekstrarárið 2020, samtals að fjárhæð 12.186.034 krónur. Annar tók við en ákæru vísað frá Loks fyrir að hafa sem stjórnarmaður, framkvæmdastjóri og prókúruhafi einkahlutafélagsins BC Innviðir fram til 28. apríl 2021, en sem framkvæmdastjóra og prókúruhafa frá þeim tíma til 31. ágúst 2021, ekki staðið skil á virðisaukaskattsskýrslu einkahlutafélagsins á lögmæltum tíma vegna uppgjörstímabilsins nóvember-desember rekstrarárið 2020 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna nóvember-desember rekstrarárið 2020 og mars-apríl, maí júní og september-október rekstrarárið 2021, í samræmi við lög um virðisaukaskatt, samtals að fjárhæð 14.942.967 krónur. Fyrir að hafa ekki staðið skil á staðgreiðsluskilagreinum einkahlutafélagsins fyrir greiðslutímabilin febrúar, mars og ágúst rekstrarárið 2021 á lögmæltum tíma og með því að hafa ekki staðið ríkissjóði skil á staðgreiðslu opinberra gjalda, í samræmi við fyrirmæli laga um staðgreiðslu opinberra gjalda, sem haldið var eftir af launum starfsmanna einkahlutafélagsins greiðslutímabilin febrúar til og með október rekstrarárið 2021, samtals að fjárhæð 12.290.535 krónur. Annar karlmaður var ákærður í málinu en sá hafði tekið við rekstri BC Innviða af Sigurði Kristni. Ákæru á hendur honum var vísað frá dómi þar sem fjárhæð vangreiddra skatta sem um tefldi var langt undir fimmtíu milljóna króna viðmiði fyrirmæla ríkissaksóknara um meðferð skattalagabrota. Faraldurinn engin afsökun Í dóminum segir að Sigurður Kristinn hafi gengist við því að hafa stýrt öllum félögunum þremur en neitað sök í öllum ákæruliðum og krafist sýknu. Greiðslur virðisaukaskatts hefðu dregist vegna fjárskorts og sérstaklega erfiðs rekstrarumhverfis sem stafað hefði af heimsfaraldri Covid-19 og enginn ásetningur eða stórfellt hirðuleysi hefði orðið til að draga greiðslur og þeir fjármunir sem hefðu verið á reiðum höndum hefðu verið nýttir til að greiða laun og annan kostnað. Hann hafi sagst stoltur af því að hafa náð að standa straum af greiðslu opinberra gjalda að svo miklu leyti sem hann gat. Þá hafi hann einnig borið fyrir sig að greiðslur hefðu dregist, í tilviki tveggja félaganna, vegna deilna við bókara félaganna. Í niðurstöðu dómsins segir að hlutrænt liggi fyrir að afdregnum virðisaukaskatti var ekki skilað innan lögmælts frests í þeim tilvikum sem ákæra tekur til og það sama eigi við um síðbúin skil virðisaukaskattsskýrslna að hluta til. Varnir sem Sigurður Kristinn hafi haft uppi breyti engu þar um og hann því sakfelldur samkvæmt ákæru. Skattskyldur þrátt fyrir að hafa verið mikið erlendis Fjárhæðir þær sem um er að tefla í hinni ákærunni séu sóttar í leiðrétt framtöl Sigurðar Kristins vegna fyrri áranna tveggja og framtal vegna gjaldársins 2020. Tilgreindar fjárhæðir byggist þannig á eigin framsetningu hans, en á honum hafi hvílt framtalsskylda eins og almennt gildir. „Í ljósi þessarar afdráttarlausu skyldu verður ákærða ekki hald í þeirri vörn að hann hafi talið sig undanþeginn skyldu til að telja fram og greiða skatt á Íslandi vegna tekna ársins 2019 þar sem hann hefði dvalið langdvölum erlendis það ár.“ Hann hefði þó ekki gert grein fyrir því að hann hafi verið búsettur erlendis né hafi hann gert neinn reka að því að upplýsa hvort hann hefði dvalið á sama staðnum á því ári, hann hafi einungis getið um að hafa dvalið vel á annað hundrað daga erlendis. Raunar mætti skilja framburð hans fyrir dómi þannig að hann hefði meðal annars gert víðreist á þessum tíma, í það minnsta um Króatíu, í þeim tilgangi að ráða starfsmenn til starfa til starfsmannaleigu, en hann hefði svo selt þá starfsmenn áfram til starfa hjá íslenskum fyrirtækjum, eins og hafnn hafi komist að orði. Samkvæmt gögnum málsins hafi Sigurður Kristinn flutt lögheimili sitt til Serbíu 30. desember 2019 og svo til Íslands 13. mars 2020 og enn síðar til Ungverjalands þar sem það er nú skráð. Þar sem sakargiftir máls þessa lúti að tekjum 2017 til og með 2019 hafi þessar breytingar á skráðu lögheimili ekki þýðingu. Að sama skapi séu ekki forsendur til að leggja til grundvallar þá framsetningu af hálfu Sigurðar Kristins að hann hafi einvörðungu tekið það á sig að skrá innborganir á bankareikninga sína að fjárhæð 69.872.288 krónur sem tekjur á skattframtölum til að ljúka málinu gagnvart Skattinum. Yrði því talið sannað með vísan til skattframtala Sigurðar Kristins að hann hafi gerst sekur um brot gegn lögum um tekjuskatt. Sem áður segir var Sigurði Kristni gert að greiða tæplega 197 milljóna króna sekt í ríkissjóð auk þess sem hann var dæmdur til fjórtán mánaða fangelsisvistar. Níu mánuðir fangelsisdómsins eru skilorðsbundnir og greiði hann sektina ekki innan fjögurra vikna skal hann sæta fangelsisvist í tólf mánuði. Þá var honum gert að greiða 3,5 milljónir króna í sakarkostnað, þar með talið þriggja milljóna króna þóknun skipaðs vejanda hans. Skattar og tollar Dómsmál Efnahagsbrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Heill vinnustaður er dreginn sundur og saman í háði“ Innlent „Við lögleiðum heróínið en bönnum áfengið. Þetta er galið“ Innlent Vann fimmtíu milljónir króna Innlent Vill bjóða NATO að byggja nýjan flugvöll í Færeyjum Erlent Framámaður AfD sektaður fyrir að nota slagorð nasista Erlent Forsetavaktin 2024: Hver verður sjöundi forseti lýðveldisins? Innlent Lýsa eftir Sigurði Fannari Innlent Vill sjá Latabæ birtast aftur í sjónvarpsstöðvum heims Innlent Fleiri fréttir Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Sjá meira
Í dómi Héraðsdóms Reykjavíkur segir að samkvæmt ákæru gefinni út í júní á þessu ári hafi Sigurður Kristinn verið ákærður fyrir meiriháttar brot gegn skattalögum með því að hafa staðið skil á efnislega röngum skattframtölum gjaldárin 2018 og 2019, vegna tekjuáranna 2017 og 2018 og fyrir að hafa ekki staðið skil á skattframtali gjaldárið 2020, vegna tekjuársins 2019 á lögmæltum tíma, og með því vanframtalið tekjur að fjárhæð samtals 69.872.288 krónur, frá níu lögaðilum, sem skattskyldar eru samkvæmt lögum um tekjuskatt. Með framangreindu hafi hann komist undan greiðslu tekjuskatts og útsvars að fjárhæð 27.814.812 krónur. Brot í rekstri þriggja félaga sem lentu í erfiðleikum í faraldrinum Þá segir að Sigurður Kristinn hafi verið ákærður fyrir að hafa sem framkvæmdastjóri og prókúruhafi ákærutímabilið og stjórnarformaður fram til 28. apríl 2021, einkahlutafélagsins BC1, ekki staðið skil á virðisaukaskattsskýrslum einkahlutafélagsins á lögmæltum tíma vegna uppgjörstímabilanna nóvember-desember rekstrarárið 2020 og janúar-febrúar rekstrarárið 2021 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna nóvember-desember rekstrarárið 2020 og janúar-febrúar, mars-apríl og september-október rekstrarárið 2021, í samræmi við lög um virðisaukaskatt, samtals að fjárhæð 14.467.102 krónur. Fyrir að hafa sem framkvæmdastjóri, stjórnarmaður og prókúruhafi einkahlutafélagsins ZF1 ekki staðið skil á virðisaukaskattsskýrslu einkahlutafélagsins á lögmæltum tíma vegna uppgjörstímabilsins júlí-ágúst rekstrarárið 2020 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna maí-júní og júlí-ágúst rekstrarárið 2020, í samræmi við lög um virðisaukaskatt, samtals að fjárhæð 34.029.736 krónur. Fyrir að hafa ekki staðið skil á staðgreiðsluskilagrein einkahlutafélagsins fyrir greiðslutímabilið september rekstrarárið 2020 á lögmæltum tíma og með því að hafa eigi staðið ríkissjóði skil á staðgreiðslu opinberra gjalda, í samræmi við fyrirmæli laga um staðgreiðslu opinberra gjalda, sem haldið var eftir af launum starfsmanna einkahlutafélagsins vegna greiðslutímabilanna júní, september og október rekstrarárið 2020, samtals að fjárhæð 12.186.034 krónur. Annar tók við en ákæru vísað frá Loks fyrir að hafa sem stjórnarmaður, framkvæmdastjóri og prókúruhafi einkahlutafélagsins BC Innviðir fram til 28. apríl 2021, en sem framkvæmdastjóra og prókúruhafa frá þeim tíma til 31. ágúst 2021, ekki staðið skil á virðisaukaskattsskýrslu einkahlutafélagsins á lögmæltum tíma vegna uppgjörstímabilsins nóvember-desember rekstrarárið 2020 og með því að hafa ekki staðið skil á virðisaukaskatti sem innheimtur var, eða innheimta bar, í rekstri einkahlutafélagsins, vegna uppgjörstímabilanna nóvember-desember rekstrarárið 2020 og mars-apríl, maí júní og september-október rekstrarárið 2021, í samræmi við lög um virðisaukaskatt, samtals að fjárhæð 14.942.967 krónur. Fyrir að hafa ekki staðið skil á staðgreiðsluskilagreinum einkahlutafélagsins fyrir greiðslutímabilin febrúar, mars og ágúst rekstrarárið 2021 á lögmæltum tíma og með því að hafa ekki staðið ríkissjóði skil á staðgreiðslu opinberra gjalda, í samræmi við fyrirmæli laga um staðgreiðslu opinberra gjalda, sem haldið var eftir af launum starfsmanna einkahlutafélagsins greiðslutímabilin febrúar til og með október rekstrarárið 2021, samtals að fjárhæð 12.290.535 krónur. Annar karlmaður var ákærður í málinu en sá hafði tekið við rekstri BC Innviða af Sigurði Kristni. Ákæru á hendur honum var vísað frá dómi þar sem fjárhæð vangreiddra skatta sem um tefldi var langt undir fimmtíu milljóna króna viðmiði fyrirmæla ríkissaksóknara um meðferð skattalagabrota. Faraldurinn engin afsökun Í dóminum segir að Sigurður Kristinn hafi gengist við því að hafa stýrt öllum félögunum þremur en neitað sök í öllum ákæruliðum og krafist sýknu. Greiðslur virðisaukaskatts hefðu dregist vegna fjárskorts og sérstaklega erfiðs rekstrarumhverfis sem stafað hefði af heimsfaraldri Covid-19 og enginn ásetningur eða stórfellt hirðuleysi hefði orðið til að draga greiðslur og þeir fjármunir sem hefðu verið á reiðum höndum hefðu verið nýttir til að greiða laun og annan kostnað. Hann hafi sagst stoltur af því að hafa náð að standa straum af greiðslu opinberra gjalda að svo miklu leyti sem hann gat. Þá hafi hann einnig borið fyrir sig að greiðslur hefðu dregist, í tilviki tveggja félaganna, vegna deilna við bókara félaganna. Í niðurstöðu dómsins segir að hlutrænt liggi fyrir að afdregnum virðisaukaskatti var ekki skilað innan lögmælts frests í þeim tilvikum sem ákæra tekur til og það sama eigi við um síðbúin skil virðisaukaskattsskýrslna að hluta til. Varnir sem Sigurður Kristinn hafi haft uppi breyti engu þar um og hann því sakfelldur samkvæmt ákæru. Skattskyldur þrátt fyrir að hafa verið mikið erlendis Fjárhæðir þær sem um er að tefla í hinni ákærunni séu sóttar í leiðrétt framtöl Sigurðar Kristins vegna fyrri áranna tveggja og framtal vegna gjaldársins 2020. Tilgreindar fjárhæðir byggist þannig á eigin framsetningu hans, en á honum hafi hvílt framtalsskylda eins og almennt gildir. „Í ljósi þessarar afdráttarlausu skyldu verður ákærða ekki hald í þeirri vörn að hann hafi talið sig undanþeginn skyldu til að telja fram og greiða skatt á Íslandi vegna tekna ársins 2019 þar sem hann hefði dvalið langdvölum erlendis það ár.“ Hann hefði þó ekki gert grein fyrir því að hann hafi verið búsettur erlendis né hafi hann gert neinn reka að því að upplýsa hvort hann hefði dvalið á sama staðnum á því ári, hann hafi einungis getið um að hafa dvalið vel á annað hundrað daga erlendis. Raunar mætti skilja framburð hans fyrir dómi þannig að hann hefði meðal annars gert víðreist á þessum tíma, í það minnsta um Króatíu, í þeim tilgangi að ráða starfsmenn til starfa til starfsmannaleigu, en hann hefði svo selt þá starfsmenn áfram til starfa hjá íslenskum fyrirtækjum, eins og hafnn hafi komist að orði. Samkvæmt gögnum málsins hafi Sigurður Kristinn flutt lögheimili sitt til Serbíu 30. desember 2019 og svo til Íslands 13. mars 2020 og enn síðar til Ungverjalands þar sem það er nú skráð. Þar sem sakargiftir máls þessa lúti að tekjum 2017 til og með 2019 hafi þessar breytingar á skráðu lögheimili ekki þýðingu. Að sama skapi séu ekki forsendur til að leggja til grundvallar þá framsetningu af hálfu Sigurðar Kristins að hann hafi einvörðungu tekið það á sig að skrá innborganir á bankareikninga sína að fjárhæð 69.872.288 krónur sem tekjur á skattframtölum til að ljúka málinu gagnvart Skattinum. Yrði því talið sannað með vísan til skattframtala Sigurðar Kristins að hann hafi gerst sekur um brot gegn lögum um tekjuskatt. Sem áður segir var Sigurði Kristni gert að greiða tæplega 197 milljóna króna sekt í ríkissjóð auk þess sem hann var dæmdur til fjórtán mánaða fangelsisvistar. Níu mánuðir fangelsisdómsins eru skilorðsbundnir og greiði hann sektina ekki innan fjögurra vikna skal hann sæta fangelsisvist í tólf mánuði. Þá var honum gert að greiða 3,5 milljónir króna í sakarkostnað, þar með talið þriggja milljóna króna þóknun skipaðs vejanda hans.
Skattar og tollar Dómsmál Efnahagsbrot Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Heill vinnustaður er dreginn sundur og saman í háði“ Innlent „Við lögleiðum heróínið en bönnum áfengið. Þetta er galið“ Innlent Vann fimmtíu milljónir króna Innlent Vill bjóða NATO að byggja nýjan flugvöll í Færeyjum Erlent Framámaður AfD sektaður fyrir að nota slagorð nasista Erlent Forsetavaktin 2024: Hver verður sjöundi forseti lýðveldisins? Innlent Lýsa eftir Sigurði Fannari Innlent Vill sjá Latabæ birtast aftur í sjónvarpsstöðvum heims Innlent Fleiri fréttir Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Sjá meira