Viðskipti erlent

Þriðja hópuppsögnin á árinu hjá Spotify

Oddur Ævar Gunnarsson skrifar
Spotify hefur fækkað starfsfólki umtalsvert á þessu ári.
Spotify hefur fækkað starfsfólki umtalsvert á þessu ári. EPA-EFE/HAYOUNG JEON

Forsvarsmenn sænsku tónlistarveitunnar Spotify ætla að fækka starfsfólki sínu um sautján prósent. Daniel Ek, forstjóri fyrirtækisins, tilkynnti starfsfólki þetta í morgun. Það gera um 1500 starfsmanna. 

Í umfjöllun sænska ríkisútvarpsins um málið kemur fram að að þetta þýði að sjötti hver starfsmaður fyrirtækisins gæti misst starf sitt. Í bréfi Ek til starfsfólks kemur fram að ástæðan sé versnandi efnahagshorfur og hagnaðartölur fyrirtækisins.

Rúmlega 1800 manns vinna hjá fyrirtækinu í Svíþjóð en fyrirtækið hefur starfstöðvar í Bandaríkjunum og Bretlandi og vinna í heildina rúmlega níu þúsund manns hjá fyrirtækinu. Ek segir að ákvörðunin sé þungbær.

Ljóst sé að fullt af frábæru fólki muni þurfa að kveðja fyrirtækið. Ytri aðstæður hafi hins vegar orðið til þess að stjórnendur hafi þurft að taka þessa ákvörðun.

Um er að ræða þriðju hópuppsögnina hjá fyrirtækinu á tiltölulega skömmum tíma. Í upphafi ársins var sexhundruð starfsmönnum sagt upp og í júní voru þeir tvöhundruð.

Svíþjóð Spotify


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið