Lífið

Arkitektahönnuð í­búð með stór­brotnu út­sýni í Vestur­bænum

Svava Marín Óskarsdóttir skrifar
Eignin er í eigu arkitektsins Helga Steinars Helgasonar sem hefur búið sér afar fallegt heimili.
Eignin er í eigu arkitektsins Helga Steinars Helgasonar sem hefur búið sér afar fallegt heimili.

Við Fálkagötu í Vesturbænum er falleg arkitektahönnuð 86,6 fermetra íbúð til sölu. Eignin er í eigu Helga Steinars Helgasonar arkitekts sem hefur búið sér einstaklega fallegt heimili. Ásett verð fyrir eignina er 84,9 milljónir.

Íbúðin er á þriðju hæð í húsi sem var byggt árið 1963. Eignin hefur verið endurnýjuð að fullu á vandaðan og smekklegan máta. 

Í stofunni er spegill í loftinu sem lítur út fyrir að vera loftgluggi.Híbýli fasteignasala
Alrýmið er rúmgottt og bjart með stórbrotnu útsýni.Híbýli fasteignasala

Í lýsingu eignarinnar á fasteignavef Vísis kemur fram að íbúðin skiptist í þrjú svefnherbergi, stórt og bjart alrými, baðherbergi og þvottahús.

Alrýmið er rúmgott með gólfsíðum gluggum sem bjóða upp á stórbrotið útsýni yfir Ægisíðuna, Faxaflóann og Reykjanesið. Í stofunni er spegill í loftinu fyrir ofan sófann sem gefur rýminu einstakan sjarma. 

Í eldhúsi er sérsmíðuð innrétting með góðu geymsluplássi og vinnuaðstöðu. Borðplatan er úr ljósgráu meganite með ísteyptum vaski og blöndunartækjum með dökkri brons-áferð. Útgengt er á skjólgóðar svalir úr eldhúsi og stofu í suðvestur. 

Eldhúsið er rúmgott með sérsmíðaðri innréttingu.Híbýli fasteignasala
Svalir snúa í suðvestur.Híbýli fasteignasala
Á baðherbergi er sérsmíðuðum innréttingum með hvítri meganite-borðplötu. Hvítar flísar á veggjum með dökkri brons-litaðri fúgu og ljósgrænar flísar á gólfi.Híbýli fasteignasala
Tvö rúmgóð svefnherbergi eru með sérsmíðuðum fataskápum og skúffum.Híbýli fasteignasala

Hús og heimili Tíska og hönnun Fasteignamarkaður Reykjavík


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.