Innlent

Fluttur á bráða­mót­töku eftir fall niður stiga í Kópa­vogi

Jón Þór Stefánsson skrifar
Vinnuslysið átti sér stað í Kópavogi.
Vinnuslysið átti sér stað í Kópavogi. Vísir/Ívar

Vinnuslys varð í Kópavogi í dag þar sem starfsmaður ónefnds fyrirtækis féll niður stiga stigahúss. Starfsmaðurinn var aumur á nokkrum stöðum og með svima eftir fallið. Hann var flutt á bráðamóttöku til skoðunar.

Þetta kemur fram í dagbók lögreglunnar á höfuðborgarsvæðinu. Einnig átti sér stað vinnuslys á hóteli í miðbænum, en þar var starfsmaður með brunaáverka á hendi eftir störf í eldhúsi.

Annað mál sem fjallað er um í dagbók lögreglunnar varðar atvik á hóteli í miðbæ Reykjavíkur. Fram kemur að lögregla hafi verið kölluð til vegna pars sem neitaði að skrá sig út af hótelinu, jafnvel þó leigutími þeirra væri liðinu. Parið var sofandi þegar lögreglu bar að garði, en þeim var vísað út.

Þá var tilkynnt um slys á rafhlaupahjóli, en einstaklingur féll í jörðina og var með skurð á höfði eftir fallið. Hann var fluttur á bráðamóttöku til skoðunar.

Annað slys átti sér stað í World Class-líkamsræktarstöð þar sem einstaklingur féll af hlaupabretti.

Óskað var eftir lögreglu vegna viðskiptavinar í Kópavogi sem lét illa og neitaði að yfirgefa verslunina. Honum var vísað út af lögreglu.

Lögreglumál Vinnuslys Kópavogur Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið