Innlent

Ólafur Helgi metinn hæfastur

Atli Ísleifsson skrifar
Dómsmálaráðuneytið auglýsti nýverið að tvær dómarastöður við Héraðsdóm Reykjavíkur væru lausar til umsóknar.
Dómsmálaráðuneytið auglýsti nýverið að tvær dómarastöður við Héraðsdóm Reykjavíkur væru lausar til umsóknar. Vísir/Vilhelm

Dómnefnd um hæfni umsækjenda um embætti dómara við Héraðsdóm Reykjavíkur hefur skilað umsögn sinni og er það niðurstaða hennar að Ólafur Helgi Árnason sé hæfastur umsækjenda til að hljóta skipun í embætti.

Hinn 1. september 2023 auglýsti dómsmálaráðuneytið laust til umsóknar tvö embætti dómara með fyrstu starfsstöð við Héraðsdóm Reykjavíkur. Níu umsóknir bárust um þessi tvö embætti.

Í vef ráðuneytisins segir að það sé niðurstaða nefndarinnar að Ólafur Helgi Árnason sé hæfastur umsækjenda til að hljóta skipun í embætti. Hann starfar nú sem lögmaður hjá embætti ríkislögmanns.

„Næst honum komi Finnur Þór Vilhjálmsson, Sindri M. Stephensen og Stefanía G. Sæmundsdóttir og verði ekki gert upp á milli þeirra þriggja.

Dómnefndina skipuðu: Ása Ólafsdóttir, formaður, Helga Melkorka Óttarsdóttir, Kristín Benediktsdóttir, Reimar Pétursson og Þorgeir Örlygsson,“ segir í tilkynningunni. 

Dómstólar

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið