Erlent

Fimm­tán skotnir í hrekkja­vöku­partíi

Viktor Örn Ásgeirsson skrifar
Myndin er úr safni og tengist fréttinni ekki beint.
Myndin er úr safni og tengist fréttinni ekki beint. Getty/Olson

Að minnsta kosti fimmtán voru skotnir í hrekkjavökupartíi í borginni Chicago í Bandaríkjunum í nótt. Tveir særðust alvarlega. Árásarmaðurinn reyndi að flýja á tveimur jafnfljótum en var handtekinn skammt frá vettvangi.

Vitni segja að árásarmanninum hafi ekki verið hleypt inn í partíið og hafi hann því brugðist ókvæða við. Hann sneri aftur, lét hönd sína inn fyrir hurðarkarminn og byrjaði að skjóta.

Eins og fyrr segir særðust tveir alvarlega, 26 ára gömul kona sem var skotin í mjöðm og læri, og 48 ára gamall maður sem var skotinn í mjöðm og þrisvar í læri. Þá særðust sex konur á aldrinum 26 til 32 ára og níu karlmenn, frá 26 og upp í 52 ára.

Lögreglan í Chicago greinir frá því að árásarmaðurinn hafi verið handtekinn skammt frá vettvangi. Á honum fannst byssan sem notuð var til verknaðarins. Guardian greindi frá.

Bandaríkin Skotárásir í Bandaríkjunum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið