Ferðamennirnir voru á vaði í ánni þegar jeppinn festist og voru björgunarsveitirnar Stjarnan og Lífgjöf kallaðar út. Þær komu að ferðamönnunum sitt hvoru megin árinnar, þar sem ekki var vitað hvort hún væri fær vegna vatnavaxta.
Hópurinn ætlaði að gista í fjallaskála að Fjallabaki en var ráðlagt að halda til byggða vegna aðstæðna, sem þau og gerðu, að því er fram kemur í tilkynningu frá Landsbjörgu.
